Վրաստանը կկառուցի ամենամեծ արևային էլեկտրակայանը

Մառնեուլիի արևային էլեկտրակայանի շինարարության կապալառուն ստացել է վարկի հաստատում Վերակառուցման և Զարգացման Եվրոպական Բանկից, որը կծածկի գրեթե աշխատանքների երեք քառորդը։ Բանկում նշում են, որ նոր արևային կայանը զգալի ներդրում կունենա Վրաստանի դեկարբոնացման գործընթացում։ ՎԶԵԲ-ի տվյալներով՝ բանկի ղեկավարությունը համաձայնեցրել է ITEC LLC ընկերության կողմից ներկայացված վարկային հայտը՝ Մառնեուլիում արևային էլեկտրակայան կառուցելու նպատակով։ ITEC-ի նախագիծը նախատեսում է Վրաստանում ամենախոշոր արևային էլեկտրակայանի ստեղծում՝ 73 ՄՎտ հզորությամբ։

Կայանի կառուցման ընդհանուր արժեքը կազմում է 35 մլն դոլար։ ՎԶԵԲ-ը կֆինանսավորի նախագծի արժեքի 73 տոկոսը՝ 25.5 մլն դոլար։ «Նախագիծն ընդգծում է երկրի ամենախոշոր արդյունաբերական մասշտաբի արևային կայանի կառուցումը, ինչը կարևոր քայլ է վերականգնվող էներգիայի աղբյուրների ընդլայնման գործում», – նշում են ՎԶԵԲ-ում։

Վերակառուցման և Զարգացման Եվրոպական Բանկում սպասում են, որ Մառնեուլիի արևային կայանը կդիվերսիֆիկացնի Վրաստանի էներգիայի աղբյուրները և կավելացնի «կանաչ» էներգիայի արտադրությունը, որը ներկայումս իրականացվում է միայն հիդրոէլեկտրակայանների միջոցով։ Բացի այդ, ՎԶԵԲ գնահատմամբ՝ Մառնեուլիի արևային էլեկտրակայանը կկրճատի CO2-ի արտանետումները Վրաստանում տարեկան շուրջ 21 հազար տոննայով։

Հայաստանում արևային պանելներ արտադրող առաջին և միակ ընկերությունը Սոլարոնն է։

Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]