Իսրայելի արտգործնախարարն Իրանում տեղի ունեցող բողոքի ցույցերի ֆոնին կայցելի Ադրբեջան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Իսրայելական աղբյուրների տվյալներով՝ Իսրայելի արտգործնախարար Գիդեոն Սաարը հունվարի 26-ին կժամանի Բաքու, հաղորդում է AIA Global-ը (Ադրբեջան-Իսրայելական դաշինք)։

Այցը կտևի մեկ օր և կներառի մի շարք հանդիպումներ, դրանց թվում՝ բանակցություններ Ադրբեջանի արտգործնախարարի հետ, որից հետո նա կմեկնի Ղազախստան։

Այս այցը տեղի է ունենում արևմտյան և իսրայելցի վերլուծաբանների աճող ուշադրության ֆոնին, քանի որ Բաքուն հաճախ անվանում են Կենտրոնական Ասիայի դարպաս, ինչպես նաև Իրանում տեղի ունեցող բողոքի ցույցերի ֆոնին։

Վաշինգտոնում գործող Hudson Institute վերլուծական կենտրոնի վերջերս կատարած վերլուծության մեջ նշվում է. «Ադրբեջանը ռազմավարական կարևոր դիրք է զբաղեցնում։ Գտնվելով Կասպից ծովի արևմտյան ափին՝ այն ծառայում է որպես Կենտրոնական Ասիայի հիմնական տրանսպորտային հանգույցներից մեկը՝ եվրոպական և համաշխարհային շուկաներ մուտք գործելու համար»։

«Ադրբեջանը ծառայում է Ղազախստանի և Ուզբեկստանի կենսական հանքային պաշարների մուտքի հիմնական կետ»,- նշել է Forbes-ը։

«Բաքուն վերահսկում է Միջին միջանցքի կարևոր հատվածը՝ Եվրոպայից դեպի Ասիա միակ ցամաքային ճանապարհը, որը շրջանցում է և՛ Ռուսաստանը, և՛ Իրանը... Այն դարձել է կամուրջ դեպի Կենտրոնական Ասիա, մի տարածաշրջան, որը Միացյալ Նահանգները վերջերս առաջնահերթություն է տվել չինական հազվագյուտ հողային տարրերի այլընտրանքների որոնման գործում»,- The National Interest հոդվածում գրել է Յորքթաունի ինստիտուտի Թուրան հետազոտական ​​կենտրոնի ավագ վերլուծաբան Ջոզեֆ Էփշթեյնը։

Հետևեք մեզ՝ այստեղ