Իսպանիայում ընթացքի ժամանակ շրջվել է զբոսաշրջային ատրակցիոն-գնացքը․ 17 մարդ վնասվածքներ է ստացել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսպանական Կարտամա քաղաքում՝ Մալագա նահանգում, 17 մարդ վնասվածքներ է ստացել այն բանից հետո, երբ զբոսաշրջային ատրակցիոն-գնացքի վագոնը ընթացքի ժամանակ շրջվել է, հայտնում է BBC News-ը։

Միջադեպը տեղի է ունեցել շաբաթ երեկոյան՝ տեղական ժամանակով մոտավորապես ժամը 21:30-ին։ Վթարի պատճառներն առայժմ չեն պարզվել։

Արտակարգ ծառայությունների տվյալներով, տուժածներին օգնություն է ցուցաբերվել դեպքի վայրում։ Չորս մարդ, այդ թվում՝ երեք երեխա, տեղափոխվել են հիվանդանոց։ Տուժածների մոտ լուրջ վնասվածքներ չեն արձանագրվել։

Խոսքը վերաբերում է անվճար զբոսաշրջային ատրակցիոն-գնացքին, որը գործել է ամենամյա la Ruta de la Tapa y el Cóctel գաստրոնոմիական փառատոնի շրջանակում։

Այս շրջանում բնակիչներին և զբոսաշրջիկներին հրավիրում են այցելելու քաղաքի բարեր և ռեստորաններ, փորձելու տեղական ուտեստներն ու խմիչքները և հավաքելու նշումներ՝ մրցանակների խաղարկությանը մասնակցելու համար։

Վթարի պահին վագոնում եղել է մոտ 30 ուղևոր։ Իշխանությունների տվյալներով, միջադեպը տեղի է ունեցել Սանտո-Կրիստո ճանապարհի խաչմերուկում մանևրի ժամանակ։

«Տուժածներին օգնություն ցուցաբերվել է անհապաղ, բոլորը գտնվել են արտակարգ ծառայությունների հսկողության ներքո», — հայտնել են տեղական իշխանությունները։

Զբոսաշրջային գնացքի երթևեկությունը դադարեցվել է հետաքննության ընթացքում։

Կարտաման գտնվում է Իսպանիայի հարավում՝ Մալագայից մոտ 17 կմ հեռավորության վրա և ոչ հեռու հանրահայտ Մարբելյա հանգստավայրից։

Հետևեք մեզ՝ այստեղ