Քիմ Քարդաշյանը նորաձևության խորհրդանիշ է հանդիսանում կրտսեր քրոջ համար (լուսանկարներ)
ԼԱՅՖՎերջերս Քայլի Ջենները մեղադրում էր ավագ քույր Քիմին իր ոճը կրկնօրինակելու մեջ, սակայն այս լուսանկարներից դատելով՝ նա ինքն է կրկնօրինակում Քիմի ոճը։ Քայլին ընդունել է, որ նորաձևության ասպարեզում Քիմն իր համար ներշնչանքի աղբյուր է հանդիսանում։
Այո՛, միանշանակ չի կարելի ասել, որ ամենակրտսեր Քարդաշյանն ամբողջովին պատճենում է Քիմի ոճը, սակայն դեռևս մանկուց Քիմը կանացի գեղեցկության կատարելատիպ է հանդիսացել Քայլիի համար։ Երբ Քայլին դեռ 10 տարեկան էր, նա բարդույթավորվում էր իր բարակ շուրթերից և հարցնում ավագ քրոջը.
Քիմի, ինչպե՞ս է ստացվել, որ իմ շրթունքները քո շրթունքների պես փարթամ չեն։
Քայլին արդեն հաղթահարել է այս բարդույթը թեթևակի պլաստիկ միջամտության շնորհիվ։ Ժամանակի ընթացքում փոփոխության է ենթարկվել նաև նրա հագուստի ոճը։ Նա կրկնում է Քիմի ոճի որոշ տարրեր, սակայն ավելացնում է իրենը՝ վերջնական կերպարը ստանալու համար։
Երեկ իր ընկերոջ՝ ռեփեր Թայգայի հետ ժամադրության ընթացքում Քայլին կրում էր կիպ զգեստ, որն ընդգծում էր նրա նրբակազմ մարմինը։ Քայլիի այս զգեստը հիշեցնում էր Քիմի զգեստներից մեկը, սակայն նա հաստատ այն Քիմի զգեստապահարանից չէր ցրել, իսկ այ Քիմը երբեմն թռցնում է Քայլիի զգեստները՝ առանց վերջինիս համաձայնության։
Այս մասին խոսվում էր «Քարդաշյանների հետ համընթաց» ռեալիթի շոուի վերջին հաղորդումներից մեկի ընթացքում։ Մի խոսքով, պարզ չէ, թե ով է ումից «թխում», սակայն կարևորն այն է, որ աղջիկներից և ոչ մեկը մի կողմ չի դնում սեփական անհատականությունը։ Հենց դրա շնորհիվ էլ հայտնի քույրերը որքան նման, նույնքան էլ տարբեր են։
Նախքան կշտապեք բացականչել. «Բայց լրիվ նույն բանն են կրում», փորձեք հիշել, թե արդյո՞ք ինքներդ երբեք Ձեր քրոջ զգեստը չեք հագել։
Քայլին ռեփեր Թայգայի հետ