«Հայը հանձնվող տեսակ չէ». «Փաստ»
ИНТЕРВЬЮ![«Հայը հանձնվող տեսակ չէ». «Փաստ»](/timthumb.php?src=disc/17-12-21/f42b910ae5de7edf2ed30d0d84503539.jpg&w=780)
«Փաստ» օրաթերթը գրում է
Մոտ մեկ տարի յոթ ամսվա ծառայող էր Նարեկը, երբ սկսվեց Արցախյան երկրորդ պատերազմը: Ծառայել է Արցախում՝ Մատաղիսում: «Երբ զորակոչվեցի բանակ, սովորում էի Ֆիզիկական կուլտուրայի և սպորտի պետական ինստիտուտում՝ առաջին կուրսում: Նպատակս կինեզոլոգ դառնալն էր, այս առումով ոչինչ չի փոխվել»,-«Փաստի» հետ զրույցում ասում է Նարեկը:
Բայց նախքան ներկայի մասին խոսելը զրուցում ենք ոչ վաղ անցյալից՝ պատերազմից: Նշում է՝ պատերազմից առաջ երազկոտ էր, կյանքին լրիվ այլ գույներով էր նայում: «Բայց պատերազմը, ընկերոջ մահը իմ մեջ շատ բան փոխեցին: Կյանքին ավելի ռեալ սկսեցի նայել, այն դադարեց ինձ համար բազմերանգ լինել, հիմա սև ու սպիտակի մեջ է, չնայած շուրջս ուրախալի իրադարձություններ տեղի են ունենում: Ընկերներիս կորցրեցի, բայց չեմ ուզում մտածել, որ նրանց մահն անտեղի էր: Կռվել ենք հանուն հողի, ինչպես Արցախյան առաջին պատերազմի ժամանակ, այնպես էլ հիմա: Մենք շարունակեցինք այն, ինչ սկսել էին մեր հայրերն ու եղբայրները, չթողեցինք մարտի դաշտը, չփախանք: Չեմ համարում, որ պարտված ենք, բայց նաև պետք է դասեր քաղենք այն ամենից, ինչ եղավ մեզ հետ: Պետք է շարունակենք ուժեղանալ, գործով ապացուցենք, թե ով ենք մենք: Մեր բանակը պետք է շատ ուժեղ լինի, մեր տղերքի ուժն անսպառ է, բայց միայն դրա վրա չպետք է հույսներս դնենք, բանակը պետք է զինված լինի ցանկացած տեսակի հարվածի դիմագրավելու համար: Թիկունքը ևս պետք է ամուր լինի»,- ասում է մեր զրուցակիցը:
Հավելում է՝ քաղաքականության մասին խոսել չի սիրում, չի էլ ցանկանում, իրեն շատ է մտահոգում այն, թե մարդիկ ինչպես են վերաբերվում իրար: «Պարզ օրինակ. սոցիալական ցանցերում հայը հային հայհոյում է, բայց այդպես չպետք է լինի: Եթե խոսում ենք համախմբվածության մասին, առաջին նախապայմանն իրար սիրելն ու հարգելն է»,-հավելում է Նարեկ Պողոսյանը:
Ծառայել է Մատաղիսի երրորդ գումարտակում: «Շատ վնասներ ենք պատճառել թշնամուն՝ 38-ից ավելի տանկ ենք խփել, թշնամին բազմաթիվ զոհեր է ունեցել: Բայց այնպես ստացվեց, որ հինգերորդ օրը մնացինք «Յաշմայի» շրջափակման մեջ: Արդեն զոհվել էր մեր գումարտակի հրամանատարը՝ Մանվել Կարապետյանը, այդ ժամանակ ամբողջ պատասխանատվությունը ստանձնեց շտաբի պետը՝ Սարգիս Սարգսյանը: Դիրքը պահում էինք՝ ոչ մի քայլ նահանջ որոշմամբ, բայց շրջափակման մեջ հայտնվելուց հետո կա՛մ պետք է մնայինք ու զոհվեինք, կա՛մ այլ ելք գտնեինք: Կարողացանք դուրս գալ «Յաշմայի» շրջափակումից, նահանջել: Հրետանիով սկսեցին հարվածել մեզ, այդ ժամանակ էլ վիրավորվեցի, աջ ուսագոտիս, խնձորակը… ոչինչ չկա: Այդ ժամանակ տղերքից երկուսը զոհվեցին, չորսը վիրավորվեցին: Տղերքը եկան օգնության, վիրակապեցին մեզ, «իջանք» Մատաղիսից, հաջորդ օրը Մատաղիսը և Թալիշը գրավեցին: Հաշվի չառնելով վիրավորումը, ցավը՝ ուզում էի նորից գնալ տղերքի մոտ, ոչնչից չէի վախենում, ընկեր էի կորցրել և լցված էի վերժխնդրությամբ: Բացի դա, մեր հողն էր, ո՞նց չպայքարեինք, թողնեինք, որ գային, հասնեին մեր տների՞ն»,-նշում է նա:
Շեշտում է՝ երբեք չպետք է մոռանալ, որ հայը հանձնվող տեսակ չէ, որքան էլ փորձեն հակառակն ասել: Նարեկն այսօր հաշմանդամության երրորդ կարգ ունի: «Ձեռքս չի աշխատում, ու բնական է, որ հիմա չեմ կարողանում աշխատել այդ պատճառով: Պետությունն, այո՛, տարբեր ոլորտների հետ կապված ծրագրեր է ներկայացնում, բայց եթե, օրինակ՝ մարդը չի սիրում IT ոլորտը, իրեն դա հետաքրքիր չէ, նա ուղղակի չի մասնակցի այդ ծրագրին: Այս առումով պետք է ավելի ճկուն ծրագրեր լինեն: Շարունակում եմ ուսումս Ֆիզիկական կուլտուրայի և սպորտի պետական ինստիտուտում, ապագա կինեզոլոգ եմ: Սիրում եմ իմ մասնագիտությունը, իմ առջև նպատակ եմ դրել ու կհասնեմ դրան: Հուսով եմ՝ ձեռքս լիարժեք կապաքինվի, և որևէ խոչընդոտ չի լինի»,- ընդգծում է Նարեկը:
Ասում՝ մտադիր է նաև «կառավարում» մասնագիտություն սովորել, երկրորդ մասնագիտություն ունենալը հաստատ չի խանգարի: «Կոտրվել, նահանջել չկա, շարունակում եմ ուսումս: Շատերը զարմանում են, բայց անգամ ձեռքի այս վիրավորումով մասնակցում եմ կրակային պատրաստությունների: Պետք է պատրաստ լինել: Ես իմ վրեժը վերցրել եմ, բայց ընկերներինս՝ ոչ: Մենք միշտ կռվել ենք հողի համար, իսկ հողը մեղավոր չէ, որ դրա վրա ապրում են շատ դավաճաններ: Այս հողը սուրբ է մեզ համար: Ամեն անգամ Եռաբլուր գնալիս ու մեր տղերքի դեմքին նայելիս ամոթ ենք զգում: Ցավալի է՝ ոմանք, փոխանակ մտածեն, թե ինչ անեն, որ ոտքի կանգնենք, իրար դեմ են դուրս գալիս: Սրանով ոչնչի չենք հասնի, պետք է համախմբվենք, մի բռունցք դառնանք, այդ պահը եկել է: Մի բան էլ կա. երբ սահմանին անհանգիստ է, ասում են՝ գնանք, մեր հողի համար մեռնենք: Նման տրամաբանությունը սխալ է, հակառակը՝ մտածենք հաղթելու և այդ հողում ապրելու, արարելու մասին: Հայրենիքն, այո՛, մեր սուրբ հողն է, մեր ընտանիքը, մեր ծնողը, դրա համար արժե մեռնել, բայց այդ մտածելակերպը պետք է հանենք մեր միջից: Պետք է հաղթենք ու ապրենք»,-եզրափակում է Նարեկ Պողոսյանը:
Մանրամասները՝ «Փաստ» օրաթերթի այսօրվա համարում
![](/timthumb.php?src=disc/02-07-24/14f69df25978feb5acc294355c1387f6.jpg&w=60&h=60)
![](/timthumb.php?src=disc/02-07-24/363080b5e5b159afbe0315134a2cae46.jpg&w=60&h=60)
![](/timthumb.php?src=disc/02-07-24/26d313c978ffb1fbb141296bac3617e3.jpg&w=60&h=60)
![](/timthumb.php?src=disc/02-07-24/9dddfda0043c7a48f2a09520c9240892.jpg&w=60&h=60)
![](/timthumb.php?src=disc/02-07-24/0103337148ed49e82524e54f820d080a.jpg&w=60&h=60)
![](/timthumb.php?src=disc/02-07-24/8046b16e8d25718a903531df093dc46a.jpg&w=60&h=60)
![](/timthumb.php?src=disc/02-07-24/970ef30c3db863c3706791a66a41b17a.jpg&w=60&h=60)
![](/timthumb.php?src=disc/02-07-24/4368ccb3ceb18d56b0a179b694f66ccb.jpg&w=60&h=60)
![](/timthumb.php?src=disc/02-07-24/db59fc4be1574b06d506f9b7583130e1.jpg&w=60&h=60)
![](/timthumb.php?src=disc/02-07-24/5c8d35d1ba1a84e634d357c94f4be796.jpg&w=60&h=60)
![](/timthumb.php?src=disc/02-07-24/67e1355cfa507cd347bece2eb0d7cfa3.jpg&w=60&h=60)
![](/timthumb.php?src=disc/02-07-24/acecdc629dee4d1f02040b2aa8cc6a00.jpg&w=60&h=60)
![](/timthumb.php?src=disc/02-07-24/cd73c3a875d8d7d609ee24d9f0d62df5.jpg&w=60&h=60)
![](/timthumb.php?src=disc/02-07-24/9abaa7506b4228436ddf866e45eaf7be.jpg&w=60&h=60)
![](/timthumb.php?src=disc/02-07-24/8abd0e394692a4f30a00aa7c969bdb59.jpg&w=60&h=60)
![](/timthumb.php?src=disc/02-07-24/ae81ae992e5b8da628c45fd99478c18e.jpg&w=60&h=60)
![](/timthumb.php?src=disc/02-07-24/5585de5c347822e282733e6cc86aa069.jpg&w=60&h=60)
![](/timthumb.php?src=disc/01-07-24/c9219659d53ebcd9da803e7af9bd48e9.jpg&w=60&h=60)
![](/timthumb.php?src=disc/01-07-24/c769881576e4cdba0de3a423132b2a21.jpg&w=60&h=60)
![](/timthumb.php?src=disc/01-07-24/1aec3ae9d71007f6ddcdc4ab6d90ec3d.jpg&w=60&h=60)
![](/timthumb.php?src=disc/01-07-24/06e07c7f5bd759572700d0e938ad9389.jpg&w=60&h=60)
![](/timthumb.php?src=disc/01-07-24/2afece3a5fbbc0848251b35aac126cc5.jpg&w=60&h=60)
![](/timthumb.php?src=disc/01-07-24/8ec966eee90160ff52769c5ad5d46239.jpg&w=60&h=60)
![](/timthumb.php?src=disc/01-07-24/22ee62328f4c14864b85cd2ced0f6cd2.jpg&w=60&h=60)
![](/timthumb.php?src=disc/01-07-24/0bd5c1cc1ff53e842f2cfe6f8dfce405.jpg&w=60&h=60)
![](/timthumb.php?src=disc/01-07-24/e50058be7c9bfb06e62921313ea017d6.jpg&w=60&h=60)
![](/timthumb.php?src=disc/01-07-24/3296670a9257d3d0a92b5b9247d26812.jpg&w=60&h=60)
![](/timthumb.php?src=disc/01-07-24/f57c9584a4a0813987f9f38e4397e1a5.jpg&w=60&h=60)
![](/timthumb.php?src=disc/01-07-24/db46088b81e06b8302dd1742d0510f60.jpg&w=60&h=60)
![](/timthumb.php?src=disc/01-07-24/51b82637ea9a2f07d90e643d28f1e146.jpg&w=60&h=60)
![](/timthumb.php?src=disc/01-07-24/3c385ea7e0751f2b7ac309c7acd69983.jpg&w=60&h=60)
![](/timthumb.php?src=disc/01-07-24/f41798c04350636391afc9b3b4ef16fc.jpg&w=60&h=60)
![](/timthumb.php?src=disc/01-07-24/29d06b826591df0f384f962d42b46a20.jpg&w=60&h=60)
![](/timthumb.php?src=disc/01-07-24/f91354f5e9bd6d28b953988be50540c8.jpg&w=60&h=60)
![](/timthumb.php?src=disc/01-07-24/d331a2c4386771c6695f9bdc8125cb35.jpg&w=60&h=60)
![](/timthumb.php?src=disc/01-07-24/877d87dacce62f480b69d31938ac9736.jpg&w=60&h=60)
![](/timthumb.php?src=disc/01-07-24/afe230f14db1daf40d9dacee536e0b0d.jpg&w=60&h=60)
![](/timthumb.php?src=disc/01-07-24/0f3e9a16bd3f75e6a075942501a8039b.jpg&w=60&h=60)
![](/timthumb.php?src=disc/01-07-24/1853d125919147e22f9d698620d440c6.jpg&w=60&h=60)
![](/timthumb.php?src=disc/01-07-24/8e403646aab872bf2878b02ec31cebba.jpg&w=60&h=60)
![](/timthumb.php?src=disc/01-07-24/75e10a219e740f8791f36741c19dd52b.jpg&w=60&h=60)
![](/timthumb.php?src=disc/01-07-24/2eb9288cb316e2f44dd97ca2499067b1.jpg&w=60&h=60)
![](/timthumb.php?src=disc/01-07-24/b52c92914ebe2459859c71731c946222.jpg&w=60&h=60)
![](/timthumb.php?src=disc/01-07-24/9ab670275c8e8fcda726af8aa72b1b37.jpg&w=60&h=60)
![](/timthumb.php?src=disc/01-07-24/bdea1ceae291813269ea785219adea83.jpg&w=60&h=60)
![](/timthumb.php?src=disc/01-07-24/dac224c93b8e434ff0387da616cf4f4b.jpg&w=60&h=60)
![](/timthumb.php?src=disc/30-06-24/273e3faf40c3f551f333f4043d30160f.jpg&w=60&h=60)
![](/timthumb.php?src=disc/29-06-24/cbb7ca49d90b51b292b22f3ac1accd48.jpg&w=60&h=60)
![](/timthumb.php?src=disc/29-06-24/8cb6398aec7123f1b0095dc46969cf29.jpg&w=60&h=60)
![](/timthumb.php?src=disc/29-06-24/52906ec78f1a7a1b1ad5899055807534.jpg&w=60&h=60)
![](banners/acba.gif)
![](banners/venus.jpg?v3sd2s)