Մոսկվայում հիշեցրել են. Ռուսաստանը Ադրբեջանի հիմնական առևտրային գործընկերներից է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսաստանը գլխավորն է Ադրբեջանի ոչ էներգետիկ արտահանման հիմնական ապրանքների գնորդների շրջանում, պարզել է РИА Новости-ն՝ ՄԱԿ-ի Comtrade հարթակի տվյալների վերլուծությունից հետո։

Անցյալ տարի անդրկովկասյան հանրապետությունն արտահանել է 368,9 մլն դոլարի պլաստմասա և դրանից պատրաստված արտադրանք, 211,9 մլն դոլարի ոսկի և 177,1 մլն դոլարի բամբակ։

Արտահանվող առաջին տասնյակում են նաև էկզոտիկ մրգերը (175,5 մլն), լոլիկը (175,4 մլն), մարդատար ավտոմեքենաները (171,7 մլն), ընկույզը (131,3 մլն), պարարտանյութերը (126,2 մլն), ալյումինե թիթեղները (110,1 մլն) և կորիզավոր պտուղները (99,4 մլն)։

Ռուսաստանն այդ ապրանքների կեսի հիմնական գնորդն է։ Նրան է բաժին ընկնում Ադրբեջանից արտահանվող կորիզավոր պտուղների, այդ թվում՝ դեղձի, նեկտարինի և կեռասի 98%-ը (97,1 մլն դոլար), լոլիկի՝ 96%-ը (168,7 մլն), էկզոտիկ մրգերի՝ 87%-ը (153,4 մլն), պլաստիկ արտադրանքի՝ 64%-ը (235,7 մլն), ընկույզի (առաջին հերթին՝ պնդուկի)՝ 53%-ը (70,2 մլն)։

Վերջերս հաշվարկվել է, որ ռուսաստանյան շուկա մուտքը կորցնելու դեպքում ադրբեջանցի ձեռնարկատերերը կարող են զրկվել գրեթե 1,2 մլրդ դոլարից։

Հետևեք մեզ՝ այստեղ