Արևային էներգիայի նոր տեսլականը

ՀՀ-ում այս ոլորտ դեռ զարգացման փուլում է։ Դեռևս չկա կառուցված որևէ էլեկտրակայան։ Բայց վերականգնվող էներգիայի մշակույթը արդեն գործում է մեր երկրում։ ՀՀ-ն ունի արևային էներգիայի մեծ ներուժ:

Հայաստանի Ամերիկյան համալսարանում տեղադրված են հովացման և օդափոխման արևային համակարգեր, որոնց արևային մասի հզորությունը կազմում է 50 կՎտ, իսկ ֆոտոէլեկտրական մասի հզորությունը, որն ապահովում է ամբողջ համակարգի անխափան աշխատանքը, 5 կՎտ: Առ այսօր ՀՀՀ-ում տեղադրվել են տարբեր փոքր հզորությամբ ցուցադրական ֆոտովոլտաիկ մոդուլներ:

Արևային էլեկտրակայաններից առաքվող էլէներգիայի սակագինը մեկ կիլովատի համար կլինի 42.645 դրամ՝ առանց ԱԱՀ-ի: Սակագինը հաստատելու մասին որոշումը ՀԾԿՀ-ն ընդունել է օրերս:

Ոլորտի պատասխանատու նախարարությունն օրեր առաջ հայտնել է, որ փոքր հզորությամբ ինքնավար արևային կայանների տեղադրման համար ՀՀ-ում ստեղծված են բոլոր անհրաժեշտ պայմանները։ Կատարված օրենսդրական փոփոխություններից հետո այսուհետ ֆիզիկական և իրավաբանական անձինք սեփական կարիքները բավարարելու համար կարող են տեղադրել մինչև 150 կՎտ հզորությամբ արևային ինքնավար կայաններ, արտադրել էլեկտրաէներգիա, իսկ ավելցուկը վաճառել ՀԷՑ-ին: Այդ գրծընթացի համար լիցենզիա չի պահանջվում, ավելին՝ ամբողջ գործընթացն ազատված է հարկերից։