Իշխանական ուժերը վերահաստատեցին՝ սահմանադրական փոփոխությունները Սերժ Սարգսյանի համար են, որ նա թոշակի չգնա. Արմեն Մարտիրոսյան

Արդեն երեք օր է՝ Ազգային ժողովում քննարկվում է սահմանադրական փոփոխությունների նախագիծը:

Past.am-ը զրուցեց «Ժառանգություն» կուսակցության փոխնախագահ Արմեն Մարտիրոսյանի հետ և պարզեց վերջինիս կարծիքն այս գործընթացների հետ կապված:

- Պարոն Մարտիրոսյան, ի՞նչ տպավորություն ստացաք վերջին օրերի քննարկումներից:

-Որևէ տպավորություն չունեմ: Տեղի է ունենում այն, ինչ պետք է լիներ: Իշխանությունը պաշտպանում է իր բերած նախագիծը, իսկ ընդդիմությունը փորձում է ցույց տալ այն, ինչ կա: Որևէ բան ակնկալելը, բնականաբար, սխալ կլիներ: Որևէ մեկը չի սպասել, որ իշխանությունը կասի՝ այս պահին ավելի կարևոր է ընտրական օրենսգրքի կատարելագործումը, քան Սահմանադրության փոփոխությունը: Այդպիսի բան նրանք չէին ասի: Բայց մի բան լավ էր, որ իշխանական ուժերը վերահաստատեցին՝ սահմանադրական փոփոխությունները Սերժ Սարգսյանի համար է, որ նա թոշակի չպետք է գնա:

-Մարգարիտ Եսայանի ելո՞ւյթը նկատի ունեք:

-Ոչ միայն դա: Այնտեղ այլ խոսքեր էլ եղել:

-«Ո´չ» -ի ճակատի հետագա գործունեությունն ինչպե՞ս եք տեսնում:

- Ժամանակը ցույց կտա:

-Իսկ «Ո´չ» -ի ճակատի մեջ կընդունվե՞ն այն ընդդիմադիրները, ովքեր գնացին Բաղրամյան 26:

- Նրանց հայտը պետք է լինի, որ տեսնենք այդ ամենը:

Լևոն Փանոսյան