Դուք հավանաբար կզարմանաք, բայց այս 9 երազները շատ մարդիկ են ունենում, և ահա թե ինչ են դրանք նշանակում

ԼԱՅՖ 23 Սեպտեմբեր, 2015 20:15

Blognews.am-ը գրում է.

Հոգեբան Յան Ուոլեսն իր 30-ամյա կարիերայի ընթացքում ուսումնասիրել ու մեկնաբանել է ավելի քան 150.000 երազներ: Ձեզ ենք ներկայացնում 9 ամենահաճախ հանդիպող երազները և դրանց նշանակությունը՝ ըստ Ուոլեսի:

1. Սենյակ, որը չի օգտագործվել

Ինչ է դա նշանակում. երազում տեսած տան սենյակները խորհրդանշում են Ձեր անհատականության տարբեր կողմերը: Չօգտագործվող սենյակ հայտնաբերելը նշանակում է, որ Ձեր մեջ եք ինչ-որ նոր կողմ եք հայտնաբերել, որի մասին անգամ չէիք էլ կասկածում, օրինակ՝ ինչ-որ թաքնված ունակություններ…

Ինչ անել. հետազոտել Ձեր «քնած» տաղանդները գործնականում և փորձել այնպես անել, որ դրանք նոր հնարավորություններ բացեն Ձեր կյանքում:

2. Չկառավարվող մեքենա

Ինչ է դա նշանակում. շարժվող տրանսպորտային միջոցը խորհրդանշում է դեպի նախանշված նպատակը հաստատուն կերպով առաջանալու Ձեր ունակությունը: Եթե Դուք չեք կարողանում կառավարել այն, ապա իրականում ամենայն հավանականությամբ չունեք բարձր ինքնակառավարում, ինչը խանգարում է Ձեզ հաջողության հասնել:

Ինչ անել. թեև տրամաբանական է թվում «իրավիճակի վերահսկողությունը ձեռքերի մեջ վերցնել» տարբերակը, Ուոլեսն, ընդհակառակը, ենթադրում է, որ պետք է թուլանալ և վստահել Ձեր բնազդներին ու ներքին հոտառությանը, ինչը կօգնի Ձեզ ընտրել լավագույն տարբերակը:

3. Անկում

Ինչ է դա նշանակում. Դուք շատ եք կապված Ձեր կյանքի ինչ-ինչ հանգամանքներից, ինչը խանգարում է Ձեզ երջանիկ լինել: Պետք է թուլանալ ու ազատ թողնել այն ամենը, ինչը խանգարում է Ձեզ:

Ինչ անել. դադարեք վախենալ նրանից, որ կկորցնեք իրավիճակի վերահսկողությունը: Երբեմն պետք է պարզապես հավատալ սեփական ու այլոց ուժերին և թույլ տալ, որ ամեն ինչ ինքն իրեն ստացվի:

4. Դուք թռչում եք

Ինչ է դա նշանակում. երազում թռչելու ունակությունը խորհրդանշում է իրական կյանքում առկա հանգամանքներից կտրվելը:

Ինչ անել. ամենայն հավանականությամբ հոգու խորքում Դուք բարդ որոշում եք կայացրել, որը պետք է ազատի Ձեզ ճնշող պատասխանատվությունից: Երազներում հանդիպող հեքիաթային թռիչքը, որն անսահման ազատության զգացում է ներշնչում, հուշում է, որ ժամանակն է գիտակցել ու ընդունել այդ որոշումը:

5. Դուք պատրաստ չեք քննությանը

Ինչ է դա նշանակում. Դուք չափազանց խիստ եք ինքներդ Ձեր հանդեպ ու մշտապես, ինքներդ էլ դա չնկատելով, ձգտում եք գնահատել ինքներդ Ձեզ, ընդ որում՝ հաճախ ոչ Ձեր օգտին:

Ինչ անել. ինքներդ Ձեզ ու Ձեր թերություններն անդադար փորփրելու փոխարեն սովորեք նկատել Ձեր առավելությունները, ձեռքբերումներն ու գնահատել սեփական գիտելիքները:

6. Ուրիշները Ձեզ մերկ են տեսնում

Ինչ է դա նշանակում. իրական կյանքում հագուստի օգնությամբ մենք որոշակի իմիջ ենք ստեղծում: Եթե երազներում զրկված եք այդ հագուստներից, նշանակում է, որ իրական կյանքում կա ինչ-որ իրավիճակ, որը ստիպում է Ձեզ խոցելի ու անպաշտպան զգալ:

Ինչ անել. սա կարող է տարօրինակ թվալ, բայց երբեմն ուրիշներից ներկայությամբ փակվելու փոխարեն ավելի լավ է գործել հակառակ տրամաբանությամբ ու ավելի բացվել, անգամ եթե ամոթխածություն զգաք: Գուցե Դուք իզուր էիք վախենում այլոց գնահատականից կամ էլ այն բանից, որ Ձեզ կարող են ծաղրել:

7. Դուք չեք կարողանում գտնել զուգարանը

Ինչ է դա նշանակում. Դուք կամ իրոք զուգարան գնալու կարիք ունեք քնած վիճակում, ու Ձեր ուղեղը համապատասխան ազդակներ է տալիս, որպեսզի «չանեք տակը» կամ էլ Դուք ինչ-որ բանի պակաս ունեք իրական կյանքում և, չկարողանալով արտահայտել սեփական պահանջմունքները, տանջվում եք դրանից:

Ինչ անել. սկսեք Ձեր կարիքների մասին էլ հոգալ, այլ ոչ թե միայն այլոց հոգսերով ապրել:

8. Ձեր ատամները թափվում են

Ինչ է դա նշանակում. ատամները խորհրդանշում են այն, թե որքանով եք Դուք վստահ Ձեր ուժերին, այնպես որ, եթե երազում կորցնում եք ատամները, ապա իրական կյանքում ինչ-որ գործոն կա, որը ստիպում է Ձեզ անպաշտպան զգալ:

Ինչ անել. մի՛ ֆիքսվեք Ձեր «անօգնականության» վրա ու պարզապես սառնասրտորեն մտածեք ստեղծված իրավիճակի շուրջ: Ընդունեք այն որպես Ձեզ բաժին հասած փորձություն, որից պետք է ըստ արժանվույն դուրս գաք:

9. Ձեզ հետապնդում են

Ինչ է դա նշանակում. իրական կյանքում Դուք խնդիր ունեք, և ժամանակն է, որ դադարեք փախչել դրանից, սակայն չգիտեք, թե ինչպես լուծեք այն:

Ինչ անել. առավել հաճախ այդ խնդիրն իրական հնարավորություն է Ձեզ համար ինչ-ինչ անձնական ամբիցիաներ բավարարելու: Ձեզ կարող է վախեցնել դրա լուծման մասին միտքն անգամ, բայց դրանից այն չի դադարի հետապնդել Ձեզ այնքան ժամանակ, մինչև չորոշվեք առերեսվել դրա հետ: