Նորաձև ձեռնոցներ աշուն-ձմեռ 2015–2016

Տարվա ցուրտ եղանակներին կանացի ձեռքերը կարիք ունեն պաշտպանության. չէ՞ որ հենց ձեռքերն են սխալ խնամքի պարագայում մատնում կնոջ տարիքը:

Ձեռնոցը վաղուց արդեն դարձել է այն աքսեսուարը, առանց որի դժվար է պատկերացնել: Մեկ-երկու զույգ լավ ընտրված ձեռնոցները կարող են ոչ միայն քամուց ու ցրտից հուսալիորեն պաշտպանել ձեռքերը, այլև լրացնել ցանկացած կերպար: Բարեբախտաբար դիզայներներն արդեն քանի տարի է, որ չեն մոռանում զգեստապահարանի այդ կարևորագույն իրի մասին, նորաձևության հետևորդներին ուրախացնելով ամենատարբեր ձևերով և գունավորումներով: Ինչպիսի՞ ձեռնոցներ են նորաձև լինելու աշուն-ձմեռ 2015–2016 սեզոնին. եկեք ծանոթանանք:

Նորաձև երկար ձեռնոցներ

Ի սկզբանե այսպիսի ձեռնոցներն օգտագործվում էին երեկոյան հանդերձանքի հետ: Թավշյա, մետասքե կամ գործված ձեռնոցները կարող են կերպարանափոխել ամենապարզ զգեստն անգամ: Սակայն այն բանից հետո, երբ նարաձևություն մուտք գործեցին կարճ թևքերով վերարկուները, երկար ձեռնոցները բեմահարթակներից չեն իջնում և վաղուց դարձել են աշնանային կերպարի անբաժանելի մասը: Աշուն-ձմեռ 2015–2016 սեզոնի նորձև ձեռնոցները կարող են պատրաստված լինել կաշվից, զամշից, խիտ տրիկոտաժից, իսկ գույնը կարող է փոփոխվել նուրբ վարդագույնից մինչև երկնագույն կապույտը: Առաջիկա սեզոնին նման տեսքի ձեռնոցներին ուշադրություն են հրավիրում BOSS Hugo Boss-ը, Haider Ackermann-ը, Lanvin-ը, Marc Jacobs-ը, Prada-ն:

Նորաձև կարճ ձեռնոցներ

Եթե երկար ձեռնոցների համար անհրաժեշտ են կարճ թևքեր, ապա կարճ ձեռնոցները հրաշալի կնայվեն ցանկացած երկարության հետ՝ չթաքցնելով դաստակների հմայքը: Նյութերից գերակշռում է կաշին, թեև հանդիպում է նաև զամշ: Givenchy-ն, օրինակ, առաջարկում է համարձակ կապրոնե ձեռնոցներ՝ զանգվածեղ զարդերով: Haider Ackermann-ին, Marc Jacobs-ը, Oscar de la Renta-ն իրենց հավաքածուներում կարճ ձեռնոցներն օգտագործում են դասական տարբերակով, որոնք միշտ նորաձև են:

Նորաձև ձեռնոցներ՝ առանց մատների

Առանց մատների ձեռնոցներն ավելի հաճախ ընտրում են ազատության սիրահարները. չէ՞ որ դրանք չեն սահմանափակում շարժումները և հնարավորություն են տալից ի ցույց դնել կատարյալ մանիկյուրը կամ գեղեցիկ մատանին: Բուն մատները, իհարկե, դճվար թե հաջողվի տաքացնել, սակայն ուշադրություն գրավել հաստատ կհաջողվի: Ընդ որում, դիզայներներն այս աքսեսուարը վերածում են իսկական գլուխգործոցի՝ զարդարելով կտրվածքներով, կիսաթանկարժեք քարերով: Աշուն-ձմեռ 2015–2016 սեզոնին առանց մատների ձեռնոցներ կրելու կոչ են են անում Alliance of Russian-ը, Art Engineers-ը, Ashley Williams-ը, Dolce & Gabbana-ն։

Նորաձև տրիկոտաժե ձեռնոցներ

Կաշվե ձեռնոցներով հիմա ոչ ոքի չես զարմացնի: Դրանք միշտ նորաձև են և շատ գործածական: Կերպարին մի փոքր ռոմանտիզմ և հարմարավետություն կարող են հաղորդել գործված տրիկոտաժե ձեռնոցները: Դրանք շատ հարմար են ցրտին ձեռքերը տաքացնելու համար: Տրիկոտաժե ձեռնոցները լավ գրկում են ձեռքերը, կարող են ունենալ ամենատարբեր գույն և ոճային նախշեր: Դրանք կաշվե ձեռնոցների լավագույն այլընտրանքն են: Շատ դիզայներներ են փորձում դա մեզ համոզել: Օրինակ՝ BOSS Hugo Boss-ը, Band of Outsiders-ն ապացուցում են, որ գործված տրիկոտաժե ձեռնոցները գեղեցիկ նայվում են բաճկոնների, բլուզների, թիկնոցների հետ:

Մորթիով նորաձև ձեռնոցներ

Մորթին ձմեռային զգեստապահարանի գլխավոր ուղեկիցն է: Այս և գալիք սեզոնին դիզայներներն առաջարկում են ձեռնոցներին հավելել մորթի: Հատկապես գեղեցիկ են նայվում մորթեպատ զամշե ձեռնոցները: Սակայն, եթե դուք չեք ձգտում ճոխ կերպարի, ապա Fendi-ին, ի ուրախություն կենդանիների պաշտպանների, առաջարկում է արհեստական երկար մորթիով ձեռնոցներ: Նման աքսեսուրներին նախապատվություն տալու կոչ են անում նաև Adam Selman-ը և Ralph Lauren-ը:

Նորաձև ձեռնոցների գույների և նյութերի խայտաբղետություն

Դիզայներների երևակայությունը ապշեցնում է բազմազանությամբ՝ իր դրսևորումը գտնելով ամենաանսպասելի գաղափարների մեջ ոչ միայն հագուստի, այլև ձեռնոցների պարագայում։ Ահա արդեն մի քանի սեզոն է, ինչ որպես տրենդ նախկինի նման մնում է կաշին։ Ընդ որում, եթե էկզոտիկ բնական կաշիները ձեր գրպանի համար թանկ են, ապա արհեստականը լիովին ընդունվում է՝ որպես խնայողական տարբերակ։ Բացի այդ, գալիք սեզոնում նորաձևության գուշակները փորձում են կոտրել ձմեռային կերպարների մոխրագունը՝ առաջարկելով կրել տարբեր գույների ու նյութերից պատրաստված ձեռնոցներ՝ սկսած կոպիտ կաշվից, վերջացած կապրոնով, գործվածքով կամ բարակ տրիկոտաժով, որոնք կարելի է հագնել ոչ միայն վերարկուի կամ բաճկոնի, այլև պիջակների և թիկնոցների հետ։ Անսովոր ձեռնոցներով կերպարը խայտաբղետ դարձնել խորհուրդ են տալիս Bally-ն, Lanvin-ը, Prada-ն, Versace-ն, Chapurin-ը, Oscar de la Renta-ն, Balenciaga-ն։

Աղբյուր` LADYNEWS.am

Աղբյուրը՝ Ladynew.am