Ստեղծիր քո «բարի առավոտը». ինչպե՞ս ճիշտ սկսել օրը

Shabat.am-ը գրում է.

Բոլորս էլ գիտենք, որ ոչ բոլոր առավոտներն են «բարի» ստացվում: Ահա մի քանի խորհուրդ օրը ճիշտ սկսելու համար.

Երբ արթնանում եք, մի շտապեք վեր թռչել անկողնուց և ոչ էլ նորից քնեք: Ձգվեք. այս պարզ վարժությունը կարթնացնի Ձեր դեռևս ննջող օրգանիզմը:

Հետո մտովի ժպտացող արև պատկերացրեք: Ժպտացեք ի պատասխան ու այդ արևը տեղափոխեք ձեր փորիկի մեջ: Այժմ լույսը Ձեր ներսում է 
Լոգանք ընդունեք և հոգ տարեք այն մասին, որ լոգասենյակում Ձեզ հաճելի բույր տարածված լինի: Այդ բույրը պիտի բարձրացնի Ձեր տոնուսը, ոչ թե երազների գիրկը գցի: Փնտրեք ամենահաճելի ու վառ բույրը և այն տեղափոխեք լոգասենյակ:

Կատարեք շնչառական վարժություն: Ուղղակի խորը շնչեք ու արտաշնչեք: Ընթացքում’ շունչ վերցնելիս, պատկերացրեք, որ ձեր դիմաց ծիածան է և օդի հետ ներս եք քաշում ծիածանի գույների ողջ դրական էներգիան: Իսկ արտաշնչելիս մտածեք, որ օրգանիզմից դուրս եք թափում վատ մտքերն ու էմոցիաները, իսկ եթե հիվանդ եք, ապա նաև ցավը:

Այժմ նախաճաշի ժամն է: Ապացուցված է, որ լավ ճաշացանկը պայմնավորում է լավ տրամադրություն: Մի խոսքով’ նախաճաշին պետք է ուտել այնպիսի մթերքներ, որոնք օրգանիզմում կբարձրացնեն հաճույքի ու լավ տրամադրության հորմոնների’ դոֆամինի ու սերոտոնինի քանակը: Ասել է թե պետք է ավելի շատ օգտագործել թխվածքաբլիթներ, վարսակ, հնդկաձավար, հազարի տերևներ, ծիրանաչիր և այլն:

Ու ամենակարևորը, չմոռանաք, ասենք, նախաճաշի սեղանը պատրաստելիս պարել, շարժվել, երգել: Կարևոր չէ, թե ինչպես եք Դուք դա անում, կարևորն այն է, որ Դուք եք անում ու դա Ձեզ դուր է գալիս:
Բարի առավոտ: