Նորաձև կիսաշրջազգեստներ աշուն-ձմեռ 2015-2016

Զգեստապահարանը դարձնենք ոչ միայն նորաձև, այլ նաև` կանացի:

Տպավորիչ մատիտ և միդի կիսաշրջազգեստներ, բոհեմային կաշվե և զամշե մինի, դարձերով կամ վրադիր. այս սեղոնին դիզայներները շեշտադրումն անում են կանացիության վրա և առաջարկում կիսաշրջազգեստների բազմապիսի մոդելներ:

Դրանք կարելի է կրել առավոտից երեկո՝ հմտորեն խաղացնելով կոշիկների ու վերնահագուստի ամենատարբեր ձևերի հետ, օրինակ, ռոմանտիկ վերնաշապիկներ կամ կոշտ գործվածքի բլուզներ: Թե ինչի վրա պետք է անպայման ուշադրություն դարձնել աշուն-ձմեռ 2015-2016 հավաքածուներում, ծանոթացեք ստորև:

Զամշե կիսաշրջազգեստ

Կարճ կամ երկար, միաերանգ կամ աշխույժ տարրերով զամշե կիսաշրջազգեստները հիշեցնում են 1970-ականների ոճը: Այս սեզոնում դրանք ավելի լավ է հագնել մետաքսե ժապավենավոր վերնաշապիկներով կամ պարզ երկարավիզ բլուզներով՝ հավելելով դրանք բարձրակրունկ երկարաճիտ կոշիկներով:

Կաշվե կիսաշրջազգեստ

Կաշվե կիսաշրջազգեստները նախկինի նման պահանջված են, ընդ որում՝ պահանջարկ են վայելում թե միդի, թե մինի տարբերակները: Սեզոնի հիթը շղթաներով կիսաշրջազգեստն է, որի ներշնչանքը եղել է բայքերական բաճկոնը: Դրանք նախընտրելի է հագնել թույլ գործվածքով սվիտերների կամ զանգվածեղ երկարավիզ բլուզի հետ: Ընդ որում՝  վանդակավոր կամ միաերանգ, ճերմակ վերնաշապիկները նույպես տեղին կլինեն:

Միդի կիսաշրջազգեստ

Բրդյա թե զամշե, միաերանգ, թե վառ նախշերով միդի կիսաշրջազգեստներն այս սեզոնին ցանկալի հյուր են կնոջ զգեստապահարանում։ Դրանց հետ նպատակահարմար է հագնել գործված բաճկոններ, բլուզներ կամ պարզ տրիկոտաժի սվիտերներ։

Մատիտ-կիսաշրջազգեստ

Խիստ մատիտ-կիսաշրջազգեստները կարող են ավելի ոչ պաշտանական տեսք ունենալ շնորհիվ անսովոր նախշերի և դեկորատիվ դետալների, օրինակ, փետուրներ կամ ծոպքեր։ Թերևս, նորաձև լինելու համար չարժե գնալ այդպիսի կտրուկ քայլերի, բավական է ընտրել սեզոնի համար արդիական երանգ, օրինակ, բարդոյի գույն կամ մուգ կանաչ։ Այդպիսի կիսաշրջազգեստը կարելի է հագնել ինչպես գործնական վերնաշապիկի, ժապավենով կանացի բլուզի, գայթակղիչ ժանեկավոր բլուզի, այնպես էլ սովորական տրիկոտաժե երկարավիզ սվիտերի հետ։

Վրադիր կիսաշրջազգեստ

Վրադիր կիսաշրջազգեստներ հագնողներն այս սեզոնին մեծ ժաղովրդականություն են վայելում։ Նորձև են ասիմետրիկ մոդելները։ Զամշե, ջինսե, կաշվե կամ բրդյա՝ դրանք ներդաշնակում են ցանկացած հագուկապի հետ, սակայն նայվում են պակաս պաշտոնական, քան վարդակակաչ կամ մատիտ կիսաշրջազգեստները։ Լավագույն զույգը միաերանգ դասական վերնաշապիկն է և տղամարդկային ոճի ձնեռային կոշիկերը։

Ժանեկավոր կիսաշրջազգեստ

Երկար, ազատ ձևվածքի կամ նեղ մատիտ-մոդլները՝ բազմաշերտ ժանյակներով և ասեղնագործությամբ զարդարված կիսաշրջազգեստները, որոնք, կարծես, փոխառնված են գոթական արքայադստեր զգեստապահարանից, այս սեզոնին պահաջված են ինչպես երբեք։ Ցերակը դրանք ավելի լավ է հագնել բարձր ճտքերով տղամարկայաին ոճի՝ կապիչներով կամ գոտիներով կոշիկների հետ։ Կերպարը կարելի է լրացնել բաճկոնով կամ թվացյալ երկու չափս մեծ վերարկուով։ Երեկոյան՝ կիսաթափանցիկ ժանեկավոր տոպով կամ բլուզով և դասական բարձրակրունկ նավակ-կոշիկով։

Դարսավոր կիսաշրջազգեստ

Գործնականում երեք տարի մոռացությունից հետո դարսերն ամենատարբեր վարկանիշային աղյուսակներում կրկին առաջին հորիզոնականներն են զբաղեցնում։ Մինչև ծնկները կամ դրանցից մեկ ափ ցածր երկարությամբ ծալքավոր կիսաշրջազգեստը կստեղծի արդիական աշնանային կերպար։ Վերջինս կարելի է ամբողջացնել խոշոր գործվածքով սվիրերով, ռոմանտիկ բլուզով՝ ժապավենով կամ երնարավիզ բրդյա սվիտերով։

Մամլված կիսաշրջազգեստ

Դիզայներները վստահ են, որ հագուստի մեջ կանացի ոճի սիրահարները չպետք է սիրելի կիսաշրջազգեստներից բաժանվեն անգամ ձմռանը։ Այստեղից էլ՝ մամլված կիսաշրջազգեստները, որոնք ամենալավն են համապատասխանում տարվա ցուրտ եղանակներին։ Դրանք հարմար են հագնել կաշմիրե երկարավիզ սվիտերի, բլուզի և անթև բաճկոնների հետ։

Աղբյուր` LADYNEWS.am