Օրվա բաղադրատոմսը. Ինչպես տան պայմաններում պատրաստել շաուրմա հավի մսով

Բաղադրիչներ

լավաշ – 1 հատ
հավի կրծքամիս – 50գր
կաղամբ – 25գր
գազար – 1 հատ
վարունգ մարինացված – 1 հատ
սխտոր – 1 հատ
մայոնեզ – 1ճ/գդ
կետչուպ – 1ճ/գդ
կանաչի – 10գր
ձիթայուղ – 1ճ/գդ
աղ – ըստ ճաշակի
պղպեղ սև – ըստ ճաշակի

Պատրաստման եղանակ

• Խառնում ենք մայոնեզը, կետչուպը և քերիչով անցկացրած սխտորը:
  
• Երկար շերտերով կտրատում ենք հավի կրծքամիսն ու տապակում ձիթայուղի մեջ:
  
• Բարակ, երկար շերտերով կտրատում ենք կաղամբը, գազարը, թթու վարունգը, ավելացնում կտրատված կանաչին և խառնում:
  
• Փռում ենք լավաշը, վրան քսում պատրաստված սոուսը, ավելացնում կտրատված բանջարեղենները ու տապակած հավի կրծքամիսը:
  
• Ծալում ենք լավաշի ծայրերը ու փաթաթում ռուլետի պես:
  
• Ապա դնում տապակի վրա և տաքացնում շաուրման 2 րոպե ամեն կողմից:
  
• Եվ այն պատրաստ է:
  

Ի դեպ  շաուրման  կարելի է պատրաստել նաև  խոզի, տավարի կամ հնդկահավի մսից: Ինչպես նաև շաուրմայի բաղադրատոմսի ցանկացած բաղադրիչ կարելի է փոփոխել ըստ նախասիրության:

Աղբյուրը` Blog.1in.am