Քաղաքապետ Տարոն Մարգարյանն ընդունել է Երեւան ժամանած պաշտոնական պատվիրակություններին

Երեւանի քաղաքապետ Տարոն Մարգարյանն ընդունել է «Էրեբունի-Երևան 2797» տոնակատարություններին մասնակցելու նպատակով Երեւան ժամանած պաշտոնական պատվիրակություններին: Ինչպես Արմենպրես-ին տեղեկացրեցին Երեւանի քաղաքապետարանի տեղեկատվության եւ հասարակայնության հետ կապերի վարչությունից, Իրանի Իսլամական Հանրապետության Շիրազ քաղաքի քաղաքապետի տեղակալ Մ ոհամմադ Ֆարուխզադեի գլխավորած պատվիրակության հետ հանդիպման Մարգարյանը կարեւորել է հայ-իրանական հարաբերություններն ու տեղական ինքնակառավարման մարմինների միջեւ համագործակցությունը: «Երկուստեք համագործակցությունն անչափ կարևոր է, հատկապես քաղաքային տնտեսության որոշակի ոլորտներում նկատվող համանման խնդիրների շուրջ համատեղ լուծումներ գտնելու, այդ թվում` նաև փորձի փոխանակման տեսակետից: Մենք բաց և պատրաստակամ ենք փոխշահավետ համագործակցության համար, և համոզված եմ, որ Երևանի և Շիրազի միջև ևս առկա է փոխգործակցության լայն դաշտ, որÕ ¨ պարզապես մենք պետք է տեղափոխենք գործնական փուլ»,- ընդգծել է քաղաքապետը:

Թավրիզ քաղաքի քաղաքապետի տեղակալ Էթեմադ Էմադիի գլխավորած պատվիրակության հետ հանդիպման ժամանակ էլ քաղաքապետը համառոտ ներկայացրել է Երևանը, քաղաքի օրվան նվիրված միջոցառումներն ու տոնի շրջանակում իրականացվող սոցիալական ծրագրերը: 

Թբիլիսիի քաղաքապետի տեղակալ Գեորգի Սոլոմոնիայի գլխավորած պատվիրակությանն ընդունելով` Տարոն Մարգարյանը շեշտել է, որ երկու երկրների և ժողովուրդների միջև առկա բարեկամությունը կարևոր խթան է Երևանի և Թբիլիսիի բարեկամական ու գործնական հարաբերություններն էլ ավելի ամրապնդելու և զարգացնելու համար:

Կազանի քաղաքապետի տեղակալ Եվգենիա Լոդվիգովայի հետ հանդիպմանը քննարկվել են երկուստեք փոխգործակցությանն առնչվող հարցեր, իսկ  Կրասնոդարի Քաղաքային դումայի նախագահ Վերա Գալուշկոյի հետ հանդիպմանը քաղաքապետը շեշտել է, որ նախորդ տարի Երևանի և Կրասնոդարի միջև ստորագրված համաձայնագիրը խթանել է երկու քաղաքների բարեկամության առավել ամրապնդմանն ու հարաբերությունների գործնական ընթացք ստանալը: «Քաղաքային տնտեսության տարբեր ոլորտներում  համագործակցության ընդլայնման առումով էլ մենք իսկ ապես մեծ ներուժ ունենք, և վստահ եմ, որ կկարողանանք կյանքի կոչել բոլոր այն կետերը, որ նախանշել ենք համաձայնագրով»,- ընդգծել է Տարոն Մարգարյանը: