Մարինա Գրեգը՝ հետագա պլանների ու անձնական կյանքի մասին

Life.panorama.am-ը գրում է.

Life.panorama.am-ի այսօրվա զրուցակիցն է հաղորդավարուհի Մարինա Գրեգը, ով վերջին շրջանում «Արմնյուզ» հեռուստաընկերությամբ վարում է «Առաջին ծրագիր» առավոտյան թողարկումը: Հաղորդավարուհին կիսվել է ամեն առավոտ բարձր տրամադրություն ունենալու իր գաղտնիքների, անձնական կյանքի նկատմամբ իր պատկերացումների եւ աշխատանքային ծրագրերի մասին:

-Մարինա, «Արմնույզ» հեռուստաընկերության նոր եթերաշրջանում Ձեզ վստահվեց այսհեռուստաընկերության կողմից մարդկանց բարի լույս ասել: Սա պատասխանատու,հաճելի, միաժամանակ դժվար գործ է: Կպատե՞ք, թե ինչպե՞ս է հաջողվում ամենառավոտ, երբ շատերը գուցե դեռ չեն հասցրել մեկ գավաթ սուրճ խմել, բայց դուքխնամված, գեղեցիկ ու բարձր տրամադրությամբ արդեն եթերում եք:

-     Ճիշտ նշեցիք` հաջողվում է. շուտ արթնանալու հույսս հաջողության վրա է, որովհետև ես սիրում եմ երկար քնել, և հարազատներս գիտեն, որ առավոտյան 6-ին արթնանալն ինձ համար բարդ է, բայց հայտվում ես քո սիրած աշխատավայրում և մոռանում ես բոլոր դժվարությունները և շատ բարձր տրամադրությամբ ասում ես՝ Բարի լույս։

-Կցանկանայի, որպեսզի պատմեիք նաեւ առհասարակ Ձեր աշխատանքայինգործունեությունից, դուք այն հաղորդավարուհիներից եք, ով, այսպես ասած, մի գործովչի սահմանափակվում, էլ ինչո՞վ եք այս ընացքում զբաղված:

-   Իմ միտքը երբեք դադար չի վերցնում, շատերը գիտեն, որ ես նաև ստեղծագործում եմ, հուսով եմ ավելի լայն մասշտաբով այդ ամենը առաջիկայում ներկայացնելու հնարավորություն կունենամ։ Մի քանի պլաններ ևս, որոնք բուն իմ աշխատանքի հետ կապված չեն։

-Մարինա, հետեւելով Ձեր աշխատանքային «էվոլյուցիային», կարելի է ենթադրել, որխիստ նպատակասլաց եք, Ձեր նման տեսակը ի ծնե՞ է, թե ինքներդ եք Ձեր մեջզարգացրել այն:

-  Կարծում եմ, առհասարակ աշխատասեր մարդիկ նպատակասլաց են, դու չես կարող զբաղվել քո սիրած գործով և չցանկանալ առաջ գնալ ու ավելիին հասնել։ Պետք է ուղղակի գտնել այն, ինչն իսկապես քո հոգուն մոտ է, ոչ թե գնալ աշխատանքի ու գալ տուն` միայն ամսվա վերջում քարտի վրա թվեր տեսնելու համար։

 -Վերջերս Ձեր համարձակ ֆոտոշարքից հետո նշել էիք, որ մեր հասարակությունըդեռեւս պատրաստ չէ նման լուսանկարները առանց զարմանքի ընդունելու, ըստ Ձեզ,հիմա, երբ շատերս պնդում ենք, որ առավել ժամանակակից մտածողութուն ենք ձեռքբերել, դեռ շա՞տ ճանապարհ ունենք անցնելու, որպեսզի այլեւս չզարմանանքհամարձակ լուսանկարներից:

-  Նախ պետք է հասկանալ` ինչ ասել է ժամանակակից մտածողություն։ Շատերն այսօր ազատությունը շփոթում են այլասերվածության հետ։ Ես էլի այն կարծիքին եմ, որ իմ լուսանկարները էսթետիկ ու նուրբ են ստացվել և դրանցում վուլգարություն չկա, ուղղակի մարդկանց աշխարհընկալումը տարբեր է` մեկի համար բաց ոտքերն արդեն խոսում են աղջկա թեթև վարքագծի մասին, մյուսի համար երկար փեշը դեռ բարոյականության չափանիշ չէ, չես կարող ոչ մեկին պարտադրել քո կարծիքը։ Հուսով եմ, ժամանակի ընթացքում մարդիկ ուղղակի կկարողանան այդ առումով առողջ դատել։

-Մարինա, շատ է պատահում, որ ոլորտի հետ կապ չունենալով ժամանակի հայտնիհաղորդավարներին հրավիրում են նկարահնավելու գեղարվեստական ֆիլմերում, նմանառաջարկ ունեցե՞լ եք, կամ Ձեզ տեսնո՞ւմ եք այդ ոլորտում:

-   Մի քանի առաջարկ ունեցել եմ, ընթացքի մեջ են, ես սիրում եմ փորձել ուժերս, գուցե ստացվի, բայց ամեն դեպքում մնում եմ այն կարծիքին, որ ամեն մարդ պետք է իր գործով զբաղվի։ Հետևաբար երբեք մասնագիտությանս կողքին գծիկ դերասանուհի չի լինի գրված։

-Հարց, որը գործնականում հաջողության որոշակի սանդղակի հասած մարդկանցիցշատերին է շփոթմունքի մեջ գցում՝ անձնական կյանք, թե կարիերա, կամ այլ կերպասած, դուք կարիերի՞ստ եք:

- Դու տարիներ ես նվիրում քո աշխատանքին, էլ չեմ խոսում այն մասին, որ դրանից առաջ սովորում ես մասնագետ դառնալու համար, և հայտնվում է նա։ Կարծում եմ սխալ մոտեցում է առհասարակ մարդուն ընտրության առջև կանգնեցնելը` ես կամ աշխատանքը, պետք չէ համեմատվել աշխատանքի հետ։ Բոլորս էլ հասկանում ենք, որ ընտանիքն առավել է ամեն ինչից, և որևէ մեկը իր սերը չի փոխարինի ոչ մի գործով, ուղղակի պետք է երկուստեք ըմբռնում լինի,և ժամանակի ընթացքում այդ խնդիրը կլուծվի։ Ամեն դեպքում, աղջկական/կանացի երջանկությունն առավել է ցանկացած հաջող աշխատանքից։

-Մարինա, պետք է համաձայնվել, որ հանրային մարդկանց կյանքը շատ է հետաքրքրումմարդկանց: Ձեր երկրպագուներին հետաքրքրում է՝ Ձեր սիրտը գրավելու համար դեռեւսհույսեր ունե՞ն, թե ոչ:

-  Ժամանակն ու հանգամանքներն ինձ սովորեցրել են, որ անձնական կյանքը ամեն դեպքում պետք է մնա անձնական, նորության դեպքում երկրպագուներն անպայման կիմանան։

-Ինչպիսի՞ն պետք է լինի նա։

-   Այնպիսին, ինչպիսին որ կա, ու դու ընդունում ես նրան իր տեսակով` առանց բայցերի կամ եթեների, իսկ նա էլ չի դադարում հիանալ քեզանով։

-Ո՞ւմ կցանկանայիք հիմա շնորհակալություն հայտնել:

-  Հիմա և միշտ ես շնորհակալ եմ Բարձրյալին։