Ճարպակալման 6 տիպ․ ինչպես պայքարել դրանց դեմ

Դուք երբևիցե մտածե՞լ եք, թե ինչո՞ւ ձեզ չի հաջողվում նիհարել անգամ այն ժամանակ, երբ ֆիզիկական վարժություններ եք կատարում և խիստ սննդակարգ պահում։ 

Հնարավոր է ձեզ մոտ ոչինչ չստացվի, քանի որ այն ջանքերը չեք գործադրում, որոնք անհրաժեշտ են։

Պատասխանը թաքնված է ճարպակալման այն տիպի մեջ, որի հետ դուք գործ ունեք։ Կախված նրանից, թե ձեր մարմնի հատկապես ո՞ր մասում է կուտակվում ճարպը, պահմանաորված է արդյունավետ նիհարելու եղանակը։

1. Ճարպակալում շատ ուտելուց

Շատ ուտելն աշխարհում ավելորդ քաշ ունենալու ամենատարածված պատճառներից մեկն է։ Եթե ճարպը հավասարաչափ կուտակվում է ձեր մարմնի բոլոր հատվածներում, նշանակում է դուք չափից ավելի շաքար եք ուտում և, ընդհանրապես, գերազանցում եք ուտելու սահմանված չափաբաժինները։

Ձեզ կարող է թվալ, որ պատճառը դա չէ․ իբր՝ գործընկերներն ու ընտանիքի անդամներն ավելի շատ են ուտում, սակայն այդքան արագ քաշ չեն հավաքում։ Ի՞նչ կարելի է այստեղ ասել։ Ամենայն հավանականությամբ՝ դուք թերագնահատում եք ձեր կերածի չափը և գերագնահատում ուրիշների ընդունած սննդի քանակը։

Մի խոսքով, եթե դուք այդպիսի խնդիր ունեք, ապա ձեզ կօգնեն երեք պարզ կանոն․

Նախ՝ սնունդն ընդունելուց կես ժամ առաջ խմեք 500 մլ մաքուր ջուր։ Դա կօգնի ձեզ ճաշին կամ ընթիքին քիչ ուտել։

Երկրորդ՝ սկսեք թեյն ու սուրճը խմել առանց շաքարի (շուտով կսովորեք, և ձեզ անգամ կսկսի դուր գալ), իսկ քաղցրավենիքից միառժամանակ հարկ կլինի ընդհանրապես հրաժարվել։

Երրորդ՝ համոզվեք, որ օրական առնվազն 30 րոպե (ամեն օր) տրամադրում եք չափավոր ֆիզիկական վարժություններին։ Մարզանքը՝ ձեր ամեն ինչն է։

2. «Նյարդային» որովայն

Եթե ճարպը ձեզ մոտ կուտակվում է բացառապես փորի շրջանում, նշանակում է դրա պատճառը կամ դեպրեսիան է կամ սթրեսը կամ էլ՝ տագնապի անընդհատ զգացողությունը, որի ուղեկցությամբ ձեզ վիճակված է ապրել։

Մարդիկ, ովքեր տառապում են «նյարդային» որովայնից, շատ քաղցրավենիք են ուտում, որպեսզի խեղդեն սթրեսը։ Եթե դուք հնար գտնեք ավելի քիչ նյարդայնանալու, ապա կտրուկ կքչացնեք կոնֆետների օգտագործումը։ Դա էլ կօգնի ազատվել ավելորդ ճարպերից։

3. Սնձանային ճարպակալում

Մարդիկ, ում մոտ ավելորդ կիլոգրամները կուտակվում են կոնքերի շրջանում, հորմոնալ անհավասարակշռության կամ մենոկանգի զոհ են։ Այս տիպի ճարպակալման դեմ պայքարելու համար անհրաժեշտ է խուսափել ծխելուց և ալկոհոլից, աշխատել քիչ նստել և շատ շարժվել։

Ձեզ անհրաժեշտ է «վերագործարկել» ձեր նյութափոխանակությունը։ Հակառակ դեպքում ողջ կյանքը հոգոցներ կհանեք՝ կշեռքին կանգնելով։

4․ Աթերոգեն նյութափոխանակության խախտում

Այս տիպի ճարպակալմամբ մարդիկ, որպես կանոն, ճարպը կուտակում են որովայնի խոռոչում, ինչի պատճառով էլ շնչառության հետ կապված խնդիրներ են ունենում։

Առաջինը, որը դուք պետք է անեք՝ ալկոհոլի օգտագործումը դադարեցնելն է ։ Իսկ այնուհետև՝ ըստ ավանդական ցանկի․ առավոտյան մարմնամարզություն, շաբաթական երկու-երեք անգամ մարզադահլիճ և նոր սննդակարգ։

Վերջինս ենթադրում է ավելի շատ բուսական ծագման սնունդ և պակաս՝ կենդանական։

5. Երակների ճարպակալում

Համարվում է, որ ճատպակալման այս տեսակը մենք ժառանգություն ենք ստանում գենետիկորեն։ Ոտքերի շրջանում կուտակված ճարպը սխալ կենսակերպի արդյունք չէ։ Ավելի վատ։

Նման տիպի ճարպակալմամբ տառապող կանայք անընդհատ պայքարում են ուռած ոտքերի դեմ։ Այս խնդիրը հատկապես սրվում է հղիության շրջանում։

Ծանրացած ոտքերից տառապող մարդկանց հարկավոր է հաճախակի վազել և ոտքով բարձրանալ աստիճանները։ Ոտքերին պարբերաբար ծանրաբեռնվածություն տվեք։

6. Ճարպակալում անգործությունից

Ճարպակալման այսպիսի տեսակը բնորոշ է այն մարդկանց, ովքեր նախկինում ֆիզիկապես շատ ակտիվ են եղել։ Օրինակ, սպորտով կամ ֆիզիկական աշխատանքով են զբաղվել։ Իսկ ներկայումս նրանք ակտիվ չեն, նստած են գրասենյակներում կամ ավտոմեքենայում, ինչի արդյունքում նրանց մոտ առաջանում է հսկայական փոր։

Որպեսզի ազատվեք այդպիսի խնդրից, դուք պետք է խուսափեք սովածության երկարաժամկետ փուլերից։ Պետք է հաճախակի ուտեք, քան օրական մեկ կամ երկու անգամն է։ Լուրջ։ Դա ձեզ կազատի երկոյան չափից դուրս ուտելու քրոնիկ սովորությունից։

Վազել դուք, միևնույն է, դժվար թե սկսեք, այդ իսկ պատճառով ստիպված եք լրջորեն վերանայել սննդակարգը։ Ուտել հաճախ, սակայն՝ քիչ։ Ավելի շատ բանջարեղեն, քիչ՝ մակարոնեղեն, շատ մրգեր, քիչ՝ փքաբլիթներ։

Աղբյուր` LADYNEWS.am