Ադրբեջանում վախենում են նույնիսկ մեր դպրոցականներից
ԲԼՈԳԿԳՆ մամուլի խոսնակ Զոհրապ Եգանյանը ֆեյսբուքյան իր էջում գրում է.
Ինչու ադրբեջանը չցանկացավ ընդունել հայ աշակերտներին. պատճառները շատ պարզ են, քան կարելի է ենթադրել՝ տարիներ շարունակ այդ երկիրը տանում է հակահայկական աբսուրդի հասնող քարոզչություն, որի տարրերից է նաև այն, որ իբր մեր երկրի կրթական մակարդակը ևս հետ է մնում իրենցից և իբր իրենց դպրոցները ՏԱՂԱՆԴՆԵՐ են աճեցնում, իսկ Հայաստանում վիճակը վատ է:
Պատկերացրեք, ինչ տեղի կունենար, եթե մեր երեխաները հաղթող ճանաչվեին, իսկ դրանց նախադրյալները կային: Մասնավորապես վերջերս Երևանում անցկացված Մենդելեևի անվան քիմիայի միջազգային օլիմպիադայի արդյունքներն են, որտեղ մերոնք բարձր տեղեր գրավեցին, իսկ այս օլիմպիադան ավելի բարդ է, քան Բաքվում կայանալիքը: Հարևան երկրում նույնիսկ հայ աշակերտներից են վախենում, ցավալի է: