Ութ ընկեր, որոնք պարզապես պետք են ձեզ

Երկար ու երջանիկ ապրելու ձեր շանսերը շատացնելու համար բավական չեն այն մի քանի մտերիմները, որոնք հետ կարելի է ուրբաթ օրերին գարեջուր խմել: Ձեզ իսկական ընկերներ են պետք, իրարից մի քիչ տարբերվող, բայց հետաքրքիր մարդիկ, որոնք ունակ են ձեզ հետ միասին հաղթահարել կյանքի դժվարությունները: Ու ընկերների ու մտերիմների այն ութ տարբեր տեսակները, որոնց մասին մենք հիմա ձեզ կպատմենք, հենց այն է, ինչ ձեզ ցուցված է.

1. Հավատարիմ ու հուսալի ընկեր

Երբեմն մեկ լավագույն ընկերը այն միակ բանն է, որը մեզ փրկում է խելագարվելուց: Բոլորիս էլ պետք է ընկեր, որը հեգնանքով չի խոսի ու չի խրատի, այլ դրա փոխարեն ՝ ցանկացած իրավիճակում կաջակցի մեջ: Նման ընկերները գիտեն, թե իրականում դուք ինչպիսին եք, գիտեն ձեր բոլոր ամենասարսափելի գաղտնիքները, բայց սիրում են ձեզ, անկախ ամեն ինչից:

2. Անվախ ու արկածախնդիր ընկեր

Մենք ապրում ենք ահռելի ու հիասքանչ աշխարհում, որտեղ բազմաթիվ վայրեր կան, որոնք արժե տեսնել, մարդիկ, որոնց հետ արժե ծանոթանալ,  փորձ ու տպավորություններ ու շատ այլ բաներ, բայց մեզանից շատերը այնքան են խրվել կենցաղային հոգսերի մեջ, որ պարզապես մոռանում են ապրել: Ու մեզ բոլորիս էլ պետք է մի ընկեր, որը բավականաչափ ուժ, եռանդ ու հետաքրքրասիրություն ունի, որպեսզի կարողանա մեզ դուրս բերել մեր պատյանից, ու ծանոթացնել նոր գաղափարների, սովորությունենրի, նոր աշխարհայացքի ու զբաղմունքների հետ:

3. Գերազնիվ մարդ

Ցանկացած մարդու կյանքում միշտ էլ լինում են իրավիճակներ, երբ նրան պարզապես անհրաժեշտ է լսել դառը ճշմարտությունը: Հենց դրա համար են անհրաժեշտ  նման ընկերները: Եթե ձեր անձնական կյանքը, մեղմ ասած, երանելի վիճակում չէ, բայց շուրջը բոլորը շարունակում են ձեզ վստահեցնել, որ վերջին երկու տարում ձեր զուգընկերոջ հետ ութ գժտություներն ու հաշտեցումները նորմալ երեւույթ են, ապա միայն գերազնիվ ընկերն է ունակ ձեր աչքերից հանել վարդագույն ակնոցը ու ասել «բավական է, մեկ բաժանվում եք ՝ մեկ միանում: Ինչքա՞ն կարելի է: Դու ավելի լավ կյանքի ես արժանի»: Ընկերությունը միշտ էլ ենթադրում է անկեղծություն, ու եթե դուք հանդիպեք մեկին, ով ունակ է համատեղել անկեղծությունը դաժանության բացակայության հետ, ապա ոչ մի դեպքում նրան ձեր ձեռքից բաց չթողնեք: Նման մարդիկ մեր օրերում եզակի են:

4. Իմաստուն ուսուցիչ Ջեսի Ջեքսոնը մի անգամ ասել է. «Երբեք որեւէ մեկին վերեւից մի նայեք, եթե չեք պատրաստվում օգնել նրան»:

Եթե ձեր կյանքում կա խելացի, ներշնչող եւ գիտակ մարդ, որն այդ փիլիսոփայության հետեւորդ է, ձեր բախտն աներեւակայելիորեն բերել է: Մենք բոլորս այնպիսի ընկերոջ կարիք ունենք, որն ի վիճակի է մեզ ինքնակատարելագործման մղել, առանց մեր մեջ անլիարժեքության բարդույթ առաջացնելու:  Հենց այն, որ դուք նման մարդու կողքին եք, ձեզ ստիպում է ավելիի ձգտել: Պարտադիր չէ, որ իմաստուն ուսուցիչը նույն հայացքներն ու մասնագիտությունն ունենա, ինչ դուք: Նա ընդամենը մեկն է, ով իր կյանքի ճանապարհին ավելի հեռուն է գնացել, քան դուք, եւ բավականաչափ իմաստնություն եւ համբերություն ունի ձեզ ճիշտ ուղղությամբ ուղղորդելու համար: Նա կարող է լինել ով ասես՝ գործընկեր, իր տարիքին ոչ համապատասխան իմաստուն ընկեր կամ տարեց հարեւան, միայն թե այնպիսի մեկը լինի, որն արժանի լինի, որ հավասարվեք իրեն:  

5. Ընկերը այլ մշակույթից

Ձեզ ամենաքիչը պետք է ցանկացած փոփոխություն մերժող, քարացած հայացքներով մարդու համբավը: Եթե մեզանից յուրաքանչյուրը մեր մշակույթից տարբեր մշակույթի պատկանող ընկեր ունենար, աշխարհն անհամեմատ ավելի լավ տեղ կլիներ:  Միջմշակութային բարեկամությունը ձեզ թույլ է տալիս ծանոթանալ ձերից տարբեր սովորույթների եւ արժեքների եւ ի՞նչ իմանաք, ձեզ չի՞ մղի դեպի նոր մի միտք կամ զբաղմունք:  Բայց ուշադիր՝ ինչ-որ մեկի հետ մի բարեկամացեք միայն նրա համար, որ նա այլ մշակույթից է:  Ոչ ոք չի սիրում «ձեւի համար» ընկեր լինել: Փոխարենը ջանացեք ձեր միտքը բաց պահել եւ եթե այլ մշակույթի պատկանող որեւէ հետաքրքիր մարդու գտնեք, ջանացեք ավելի շատ բան իմանալ նրա սովորույթների, արժեքների եւ ավանդույթների մասին՝ միաժամանակ ջանալով նրան ավելի լավ ճանաչել որպես մարդու:

6. Ձեր կատարյալ հակապատկերը

Մենք՝ մարդիկ, գենետիկորեն հակված ենք հոտերի բաժանվել ու  «մռնչալ» օտարների վրա, մարդկանց այդ հոտային բնազդը ոչ մի տեղ չի անհետացել, չնայած արտաքուստ շատ քաղաքակիրթ ենք թվում: Ու եթե, տրվելով այդ բնազդին , ընկերություն անեք միայն նրանց հետո, ովքեր կիսում են ձեր համոզմունքներն ու արժեքները, ապա բավականին մեծ են շանսերը, որ ինքներդ ձեզ կմեկուսացնեք մնացյալ աշխարհից ու մի քանի կարծրատիպեր ձեռք կբերեք նրանց վերաբերյալ, ովքեր տարբերվում են ձեզանից: Ձեզ ձեր նման մտածողներով մշտապես շրջապատելու փոխարեն՝ ձգտեք դուրս գալ ձեր «հարմարավետության գոտուց» ու մտերմանալ մեկի հետ, որի հայացքները արմատապես տարբերվում են ձեր հայացքներից: Սա ձեզ կօգնի ավելի լավ հասկանալ շրջապատի աշխարհը, ու սովորել ընդունել նրանց, ովքեր այս աշխարհն այնպես չեն ընկալում, ինչպես դուք:

7. Բարյացակամ հարեւան

Մեր օրերում մարդիկ նույնիսկ չգիտեն, թե ովքեր են իրենց հարեւանությամբ ապրողները: Ու դա վատ է, քանի որ հարեւանները հաճախ կարող են շատ համակրելի մարդիկ լինել ու շատ հարցերում օգնել ձեզ: Եթե դուք, լողափին նստած, հանկարծ հասկանում եք, որ մոռացել եք փակել դուռը, դուք միշտ կարող եք զանգահարել ձեր հարեւանին ու խնդրել, որ նա ձեր փոխարեն փակի այն: Այո, հուսալի հարեւանները, որոնց վրա կարելի է հույս դնել, գրեթե անհետացող տեսակ են, բայց դա դեռ չի նշանակում, որ չարժե ծանոթանալ այն մարդկանց հետ, ովքեր նոր են տեղափոխվել ձեր շենք ու ապրում են հենց ձեր դիմացի տանը: Արժե, այն էլ ինչպես:

8. Աշխատանքային ընկեր

Դուք գիտե՞ք, որ ամբողջ աշխատանքային օր աշխատելու դեպքում ստացվում է, որ դուք ձեր արթուն ժամանակի կեսը աշխատավայրում եք անցկացնում: Դրան գումարեք նաեւ աշխատավայր հասելու համար պահանջվող ժամանակը, աշխատանքի մասին մտքերը, արտաժամյա աշխատանքն ու մասնագիտական աստիճանավանդակով վեր բարձրանալու մասին ծրագրերի կազմումը: Նման մտքերից իրոք կարելի է դեպրեսիայի մեջ ընկնել:

Վիճակագրությունը ցույց է տալիս, որ աշխատավայրում որքան շատ մեկուսանաք մյուսներից, այդքան ավելի մեծ դեպրեսիա է ձեզ սպառնում: Դրա համար էլ ձգտեք որեւէ մեկի հետ ընկերանալ՝ թեկուզ որպեսզի կարողանաք մեկնումեկի հետ զրուցել մեկ բաժակ սուրճի շուրջ: Հավատացեք որ այդ մտերմությունը ձեզ, ու նաեւ ձեր աշխատանքային ընկերոջը կարող է օգնել դիմանալ նույնիսկ ամենալարված աշխատանքային շաբաթվան: Չէ՞ որ շատ ավելի ուրախ է ճաշի շուրջ շփվել մեկի հետ, ով կարող է ձեզ հետ կիսել աշխատանքի վերաբերյալ ձեր ուրախությունն ու մտահոգությունները, քան մռայլ տրամադրությամբ մենակ ճաշել: Ձեր աշխատանքային ընկերն ամենեւին էլ պարտավոր չէ ձեր լավագույն ընկերը լինել աշխատանքից դուրս:

Ձեզ պետք է պարզապես զգացունքային առումով ապավինել ինչ որ մեկին ... Բայց եթե դուք երկուսով ընդհանուր հետաքրքրություններ կգտնեք, ապա ձեզ ոչինչ չի խանգարում մտերիմ հարաբերություններ զարգացնել նաեւ աշխատանքից դուրս: Ու եթե ձեր կյանքում կա հավատարիմ ու հուսալի ընկեր,անվախ, արկածախնդիր ու հուսահատվելու աստիճանի ազնիվ մարդ, իմաստուն խորհրդական, ընկեր՝ ուրիշ մշակույթից, ձեր հակապատկերը՝ բարյացակամ հարեւան, գործընկեր, ապա դուք անպայման երկար ու երջանիկ կյանք կապրեք:

Աղբյուր՝ NEWS.am STYLE