Կայուն զարգացման նպատակներին ուղղված ՄԱԿ-ի մոդել քառօրյա խորհրդաժողովը մեկնարկեց Ազգային ժողովում

 Հայաստանի Հանրապետության Ազգային ժողովն այս օրերին կարևոր հանձնառություն ունի` Սահմանադրական փոփոխությունների հանրաքվեի անցկացումը, որը կնպաստի մասնակցային գործընթացների խրախուսմանը: Նոյեմբերի 6-ին Ազգային ժողովի ամբիոնից նման տեսակետ հայտնեց Հայաստանում ՄԱԿ-ի մշտական համակարգող Բրեդլի Բուզետտոն` ՄԱԿ-ի ազգային մոդել չորսօրյա համաժողովի պաշտոնականացման ժամանակ: Դիմելով խորհրդաժողովին մասնակցող 16-ից 25 տարեկան դպրոցականներին և ուսանողներին` Բուզետտոն նշեց, որ անհրաժեշտ է համատեղել ջանքերը դրական փոփոխություններ բերելու համար: «Մենք վստահ ենք, որ ՄԱԿ-ի հրամայականը, դրա գոյության իմաստը կարտացոլվի ՄԱԿ-Հայաստան ազգային մոդելում»,-ասաց Հայաստանում ՄԱԿ-ի համակարգողը:

ՀՀ Ազգային ժողովի նախագահ Գալուստ Սահակյանն էլ, ողջունելով երիտասարդներին և շնորհավորելով ներկաներին ՄԱԿ-ի 70-րդ հոբելյանի առիթով, հիշեցրեց, որ Հայաստանի և ՄԱԿ-ի համագործակցությունը սկիզբ է առել 1992 թվականին, երբ Երևանում բացվել է կազմակերպության գրասենյակը: «Անցած տասնամյակների ընթացքում կազմակեպությունը մեր երկրում իրականացրել է բազում ծրագրեր, որոնք իրենց նպաստն են բերել ժողովորդավարությանը, կայուն զարգացմանը, մարդու իրավունքների պաշտպանության խթանմանը»,-շեշտեց Գալուստ Սահակյանը:

Նրա խոսքով` այս տարի երկրները հնարավորություն ունեն ընդունելու կայուն զարգացման նոր օրակարգ ու անցնել կլիմայի փոփոփության վերաբերյալ համաշխարհային համաձայնագրի ընդունմանը: Դիմելով երիտասարդներին` ԱԺ նախագահը նշեց, որ խորհրդաժողովի միոջոցով նրանք հնարավորություն ունեն հաղորդակցվել աշխարհում տեղի ունեցող իրադարձութուններին, ներկայացնել իրենց տեսակետները զանազան հարցերի շուրջ, մասնակցել բանակցությունների, ընդլայնել աշխարհայացքը, ձեռք բերել այն բոլոր հատկանիշներն ու գիտելիքները, որոնց շնորհիվ կկարողանան դառնալ առաջնորդներ: &laqu o;Աղքատության ու սովի վերացումը, առողջության ու բարեկեցության, որակյալ կրթության ապահովումը, սեռերի միջև իրավահավասարությունը, մաքուր ջուրն ու պատշաճ էկոլոգիական պայմանները, մատչելի ու մաքուր էներգիան, տնտեսական աճն ու էլի շատ հարցեր պետք է մշտապես լինեն մեր բոլորի ուշադրության կենտրոնում»-եզրափակեց ԱԺ նախագահը: 

ՄԱԿ-ի ազգային մոդել համաժողովը նվիրված է ՄԱԿ-ի հիմնադրման 70-ամյակին եւ ՄԱԿ-ի կայուն զարգացման նպատակներին: Այս մակարդակով Հայաստանումհամաժողովը կազմակերպվում է առաջին անգամ` նպատակ ունենալով միավորել 16-ից 25 տարեկան դպրոցականների եւ ուսանողների: