Ուրեմն «Այո»-ի և «Ոչ»-ի քարոզիչներ կան, որ իրենց քարոզչության մեջ հակառակի հաղթանակը համարում են ապոկալիպտիկ Հայաստանի համար

Ապրես Զոհրաբյանը Ֆեյսբուքյան իր էջում գրում է.

Ուրեմն <<Այո>>-ի և <<Ոչ>>-ի քարոզիչներ կան, որ իրենց քարոզչության մեջ հակառակի հաղթանակը համարում են վախճանաբանական (ապոկալիպտիկ) Հայաստանի համար:Նրանցից ոմանք իրոք հավատում են իրենց ասածին, ոմանց համար էլ դա պարզապես քարոզչական հնարք է, թեև որ շատ կրկնում են սկսում են իրենք էլ հավատալ իրենց ասածին:Նույնը կարելի ասել նրանց լսողների մասին: Մի մասը իրոք հավատում է, որ ապոկալիպսիսը մեզ <<այցի կգա>> <<այո>>-ի կամ <<ոչ>>-ի պարագային, մի մասն էլ հասկանում է, որ դա ընդամենը քարոզչական հնարք է և ոչ մի ապոկալիպսիս էլ չկա:Ամեն դեպքում բոլորի մոտ էլ դա որոշակի <<նստվածք>> թողնում է :Հիմա էսքանից հետո, երբ ամեն ընտրությունից, քաղաքական պրոցեսից կամ մանր մունր ցույցից առաջ կամ հետո Հայաստանի համար ապոկալիպսիս են <<խոստանում>> ապա բնական է, որ ոչ մեկը չի ուզենա հույսեր կապի ապոկալիպտիկ տարածքի հետ դրանից բխող հետևանքներով :Հետո էլ զարմանում ենք արտագաղթի թվերից ու նման բաներից :Ես չեմ ասում թե Հայաստանի խնդիրները միայն այդ քարոզչությունից է, բայց կարող ենք չէ <<ապոկալիպտիկ>> քարոզչությամբ Հայաստանի գլխին նոր խնդիրներ չբարդել?