10 ամենավտանգավոր հանցախմբերն աշխարհում

Past.am-ը գրում է.

10. Cosa Nostra

Առաջացել է Նյու Յորքի արևելյան ցածր շերտերում: Սկսել է իր գործունեությունը, երբ իտալացի ներգաղթյալները անցել են ԱՄՆ: Դա ամենահայտնի սիցիլիական մաֆիաներից մեկն է աշխարհում: Ունի մոտ 25.000 անդամ և 250.000 կողմնակից ողջ աշխարհում: Համագործակցում է աշխարհի միջազգային այլ հանցախմբերի հետ, մասնավորապես թմրանյութի վաճառքի հարցում:

9. Cribs

Աֆրիկա-ամերիկյան բանդա է, որը հիմնադրվել է 1969թ. Կալիֆոռնիայի Լոս Անջելես քաղաքում: Նրանք սկսել են գործունեությունը որպես տեղական բանդա և հետագայում հասել են հսկայական ճանաչման: Մշտապես կապույտ հագուստով ու կապույտ բանդանայով են: Ունեն 30.000-35.000 անդամ: Bloods հանցախմբի ոխերիմ թշնամիներն են: Հայտնի են սպանություններով, գողություններով, թմրանյութերի վաճառքով:

8. Wah Ching

Չինական հանցախումբ է, որը հայտնի է նաև Dub C անունով: Հիմնադրվել է 1960-ականներին Սան Ֆրանցիսկոյում: Այն բաղկացած է երիտասարդ անդամներից: Հիմնականում կենտրոնացած է Լոս Անջելեսում ու Արևելյան Ասիայում: Զբաղվում է փողի լվացմամբ ու այլ ֆինանսական հանցագործություններով:

7. Yakuza

Ճապոնական հանցախումբ է: Բանդայի ղեկավարին իրենց հավատարմությունը ապացուցելու համար անդամները պարտավոր են խզել ընտանիքի հետ ունեցած բոլոր կապերը: Նրանք ողջ աշխարհում ունեն 102.000 անդամ:

6. Bloods Լոս

Անջելեսում հայտնի հանցախումբ է, որը հիմնադրվել է 1972թ. որպես ակումբ: Հայտնի է որպես Cribs բանդայի ոխերիմ թշնամի: Անդամները կրում են կարմիր հագուստ ու կարմիր բանդանաներ: Հանցախումբը բաղկացած է ենթախմբերից, որոնցից յուրաքանչյուրն ունի իր տակտիկան, հատկապես, երբ խոսքը վերաբերում է նոր անդամներ հավաքագրելուն: Անդամները մյուսներից տարբերվելու համար օգտագործում են հատուկ լեզու, հատուկ գույներ, հագուստ, խորհրդանիշներ, տատուներ, զարդեր և այլ նշաններ:

5. 18th Street Gang

Նաև հայտնի է որպես M18: Դաժան հանցագործ կազմակերպություն է, որը սկսել է գործունեությունը Լոս Անջելեսում: Նրանք ունեն մոտ 65.000 անդամ շուրջ 120 քաղաքներում: Bloods, MS13 ու Cribs հանցախմբերի հակառակորդն է: Ունի շատ դաժան կանոններ: Օրինակ ՝ որպեսզի ցույց տաս պատշաճ հարգանք բանդայի հանդեպ, պետք է 18 վայրկյան ծեծի ենթարկվես անդամների կողմից:

4. Los Zetas

Մեքսիկական ծագմամբ բանդա է և աշխարհում ամենահզորն է թմրանյութերի վաճառքում: Մարդկանց սպանելը ամենօրյա ընդունված կարգ է: 2012թ. Los Zetas-ը վերահսկել է Մեքսիկայի 11 նահանգները և դարձել թմրանյութերի վաճառքով զբաղվող ամենամեծ շրջանը աշխարհում: Նրանք կենտրոնացած և հատկապես ակտիվ են Մեքսիկայում, բայց կապեր ունեն նաև Միացյալ Նահանգներում:

3. Aryan Brotherhood

Նաև հայտնի է The Brand, the AB կամ the One-Two անուններով: ԱՄՆ-ի բանտային սպանությունների 1\4-ը իրականացվում է այս հանցախմբի կողմից: Եթե ուզում ես դառնալ անդամ, պետք է սպանես նրանց մատնանշած մարդուն: Ունեն մոտ 20.000 անդամ ԱՄՆ-ի բանտերում և դրանցից դուրս:

2. Latin Kings

Ամենալավ կազմակերպված լատինական բանդան է աշխարհում: Հիմնադրվել է 1940-ականներին Չիկագոյում: Սկզբում անդամները հիմնականում Պուերտո Ռիկոյից են եղել, բայց այսօր մեծամասնությունը մեքսիկացիներ են: Չնայած նրանք մյուս հանցախմբերի նման դաժան չեն, նրանք նույնպես ընդգրկված են փողի անօրինական լվացումների ու պատվիրված սպանությունների մեջ:

1. Mara Salvatrucha (MS-13)

Անկասկած, MS-13-ն աշխարհի ամենաանխիղճ ու սարսափելի հանցախումբն է: Սկսել է գործունեությունը Կալիֆոռնիայում: Այսօր ունի 70.000-ից ավելի անդամ: MS-13-ի համար մնացած բոլոր բանդաները ընդամենը թմրանյութեր վաճառող թույլ կառույցներ են: Զբաղվում են թմրանյութերի մաքսանենգությամբ, զենքերի վաճառքով, ավազակությամբ, մարդկանց սպանելով, մարդկային թրաֆիքինգով, օրենքի դեմ հարձակումներով: Նրանց համար նշանակություն չունի ՝ ում են սպանում, ովքեր են զոհերը, նույնիսկ, եթե խոսքը երեխաների կամ կանանց մասին է: