Ա. Շահինյանի անվան ֆիզմաթ դպրոցը եղել է և մնում է մեր գիտական հանրությունը համալրող կարևորագույն օջախներից մեկը. ՀՀ Նախագահ

Երևանի պետական համալսարանին առընթեր Արտաշես Շահինյանի անվան ֆիզմաթ հատուկ դպրոցը անցած հինգ տասնամյակների ընթացքում եղել է և այսօր էլ մնում է մեր լավագույն կրթական հաստատություններից մեկը, որն, իրավամբ, համարվում է մեր գիտական հանրությունը համալրող կարևորագույն օջախներից մեկը:

«Արմենպրես»-ի հաղորդմամբ` Արամ Խաչատրյանի անվան ֆիլհարմոնիայի մեծ դահլիճում Երևանի պետական համալսարանին առընթեր Արտաշես Շահինյանի անվան ֆիզմաթ հատուկ դպրոցի հիմնադրման 50-ամյա հոբելյանի առթիվ տեղի ունեցած հանդիսավոր միջոցառման բացման խոսքում հայտնեց ՀՀ Նախագահ Սերժ Սարգսյանը:

«Այդ հինգ տասնամյակների ընթացքումբազմաթիվ մարդիկ պատիվ են բերել մերժողովրդին, մեր գիտությանը, մերդպրոցին՝ ձեր դպրոցին: Ես դրա համար՝ձեր վաստակի, անշուշտ, երախտապարտ եմ ձեզ: Ավելորդ է` այստեղ խոսել դպրոցի կարևորության, գիտությանկարևորության մասին, որովհետև բոլորդ էլ տեսնում եք, որ մեր կարևորագույն նպատակներից մեկն է՝ խրախուսելօժտված երեխաներին, խրախուսել ընդհանրապես մեր երեխաներին՝ ստանալ գիտելիք և այն օգտագործել հանունսեփական շահի, բարեկեցության ու նաև հանուն մեր Հայրենիքի: Կիսելով ձեր ուրախությունը՝ մաղթում եմ< b> ձեզհաստատակամություն, նորանոր հաջողություններ և հավաստիացնում եմ ձեզ, որ մենք՝ որպես իշխանություններ,մշտապես դպրոցի կողքին ենք լինելու և մասնավորապես՝ Ֆիզմաթ դպրոցի կողքին: Մեր օժանդակությունը դուքմշտապես զգալու եք: Մենք ձեզնով հպարտանում ենք, մենք հպարտանում ենք ձեր աշակերտներով: Եվ թողիրադարձություններն այնպես զարգանան, որպեսզի այս հպարտության զգացողությունը մեզ մոտ լինի հավերժ:Հաջողություն եմ մաղթում ձեզ»,-շեշտեց նա:

Հանդիսավոր միջոցառումը մեկանարկեց դպրոցի 50-ամյակին նվիրված հատուկ ծրարի մարման հանդիսավոր արարողությամբ: Հատուկ ծրարը յուրահատուկ ֆիլատելիստական արտադրանք է` թեմատիկ ծրար, որին փակցված է 2006 թվականին թողարկված Արտաշես Շահինյանին նվիրված նամականիշը. այն մարվեց հատուկ դրոշմակնիքով: Հատուկ ծրարը, որին պատկերված են Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցի շենքը և դպրոցի 50-ամյակին նվիրված լոգոտիպը, պատրաստվել է 500 հատ տպաքանակով(հեղինակ` Դավիթ Դովլաթյան):

ՀՀ կրթության և գիտության նախարար Արմեն Աշոտյանը նշեց, որ մեծագույն հպարտության զգացում է ունենում, երբ նման հաստատության սաներ ծածանում են հայկական դրոշը և պատվով ներկայացնում են Հայաստանի Հանրապետությունը:

ԵՊՀ-ին առընթեր Արտաշես Շահինյանի անվան ֆիզմաթ հատուկ դպրոցի հիմնադրման 50 տարի անց դպրոցը շարունակում է պատվով կատարել մատաղ սերնդի կրթության ու դաստիարակության ազգանվեր առաքելությունը: Արդյունքում այս կրթօջախի սաները միջազգային օլիմպիադաներում իրենց նվաճումներով բարձր են պահում երկրի պատիվը: Միայն 2012-2015 թվականներին միջազգային օլիմպիադաներում Հայաստանի դպրոցականների կողմից ձեռք բերված 73 մեդալներից 47-ը բաժին է հասնում ֆիզմաթ դպրոցի սաներին:

Հանդիսավոր միջոցառման ընթացքում տեղի ունեցավ նաև պետական պարգևների հանձնման հանդիսավոր արարողություն` ՀՀ Նախագահի հրամանագրերով ՀՀ վաստակավոր մանկավարժի պատվավոր կոչման է արժանացել դպրոցի ուսումնադաստիրակչական աշխատանքների գծով փոխտնօրեն, հայոց լեզվի և գրականության ուսուցչուհի Անժելա Նազարեթյանը, իսկ դպրոցի մաթեմատիկայի ուսուցիչ ֆիզիկամաթեմատիկական գիտությունների թեկնածու Արման Սարգսյանը պարգևատրվել է Մովսես Խորենացու մեդալով:

Իր հերթին ԼՂՀ կրթության, գիտության և սպորտի նախարար Սլավա Ասրյանն ընդգծեց, որ Ֆիզմաթ դպրոց ասելով բոլորը հասկացել են դարբնոց, որի աշակերտները մեծ հետք են թողել Հայաստանի և աշխարհի գիտական կյանքում: «Ֆիզմաթը բազառիկ դպրոց է և մեր հպարտությունը է: Անցած տարի մենք նշեցինք Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցի Ստեփանակերտի մասնաճյուղի 25-ամյա տարեդարձը: Մեր դպրոցի շրջանավարտները աշխատում են ոչ միայն Արցախի, այլև Հայաստանի տնտեսության տ արբեր ճյուղերում»,-նկատեց նա:

Այնուհետև` ԼՂՀ կրթության, գիտության և սպորտի նախարար Սլավա Ասրյանը դպրոցի տնօրինությանը հանձնեց Արցախի նախագահ Բակո Սահակյանի պարգևը (ԼՂՀ Նախագահ Բակո Սահակյանը նոյեմբերի 23-ին ստորագրել է հրամանագիր, համաձայն որի՝ կրթագիտական համակարգի զարգացման գործում Լեռնային Ղարաբաղի Հանրապետությանը մատուցած ծառայությունների համար եւ հիմնադրման 50-ամյակի կապակցությամբ Երևանի պետական համալսարանին առընթեր Արտաշես Շահինյանի անվան ֆիզիկամաթեմատիկական հատուկ դպրոցը պարգևատրվել է «Երախտագիտություն» մեդալով):

Միջոցառման ընթացքում  ցուցադրվեցին դպրոցի վերաբերյալ 2-3 րոպեանոց ֆիլմեր, որոնք ներկայացնում են դպրոցի 50-ամյա ուղին` զարգացման տարբեր փուլերը, ձեռքբերումները և նոր ծրագրերը: Կատարումներով հանդես եկան Ալեքսանդր Աճեմյանի անվան երաժշտական դպրոցի «Ալիքներ» վոկ-էստրադային դասարանը, Արևներ մանկական երգչախումբը, Կոմիտասի անվան լարային քառյակը, Թաթուլ Ալթունյանի անվան երգի պարի պետական անսամբլի աղջիկների պարային համույթը, ջութակահար Արտյոմ Այրումյանը և երգչուհի Լեյլա Սարիբեկյանը: