Աշխարհի 10 ամենադաժան բանտերը

Այսօր մեզ շրջապատող աշխարհն ավելի վտանգավոր է, քան բանտերը, որտեղ հավաքված են աշխարհի հանցագործները: Ամեն օր բազմաթիվ սարսափելի լուրեր ենք կարդում:

Past.am-ը ներկայացնում է ամենադաժան բանտերի տասնյակը: Այս բանտերում հիմնականում գտնվում են ամենավտանգավոր հանցագործները և հենց այդ փաստն է, հավանաբար, դրանք դարձնում սոսկալի դաժան: Երբեմն դաժան պայմաններ են ստեղծվում բանտային անձնակազմի կողմից: Աշխարհի ամենակատաղի բանտերը այն վայրերն են, որտեղ հանցագործները ամեն օր կռվում են իրենց սանիտարական պայմանների կամ ուղղակի կենդանի մնալու համար: Ահա և ամենադաժան բանտերի տասնյակը:

10. Սան Քվենտինի բանտ Հիմնադրվել է 1852թ. Կալիֆոռնիա նահանգի ամենահին բանտն է: Չնայած բանտն ունի սենյակ, որը կարող են գազով լցնել, բայց հիմնականում մահապատիժները կատարվում են մահացու ներարկումների միջոցով: Բռնությունը մշտական երևույթ է նույնիսկ հսկիչների կողմից: 2006թ. այդպիսի մի պատահար է տեղի ունեցել: Ռասսայական հարձակումները պատճառ են դարձել, որ 100 բանտարկյալներ վիրավորվեն, իսկ 2-ը սպանվել է: Բանտը հայտնի է իր խղճուկ պայմաններով:

9. Բենգ Քվանգի բանտ Գտնվում է Թաիլանդի մայրաքաղաք Բանգկոկում: Ոչ ոք չի ցանկանում այնտեղ մնալ: Բանտը հայտնի է բանտարկյալներին սահմանված կարգով տառապանքների ենթարկելով: Բանտարկյալներին լցնում են փոքր բանտախցերում և նրանց մահացած լինելու փաստը նկատում են միայն մահապատժի տանելու ժամանակ:

8. Ռայքերս կղզու բանտ Նյու Յորքի այս բանտում բանտային բռնությունը ժառանգական է: Ջոն Ռեյես անունով մի մարդ, ով 1991թ. այս բանտի հսկիչներից է եղել, նշել է, որ ամեն օր սարսափել է՝ տեսնելով ծեծ ու սպանություններ: Բռնություն իրականացնողի համբավ ունեցող այս բանտն այժմ աշխարհի ամենախիստ բանտերից մեկն է: Մի շարք բարեփոխումներ օգնել են տարեկան դանակահարությունների թիվը 1000-ից իջեցնել 70-ի:

7. Ալկատրաս կղզու բանտ Սան Ֆրանցիսկոյի ծովափնյա Ալկատրաս կղզու վրա գտնվող այս բանտը փակվել է, բայց այնտեղ է ժամանակին բանտարկվել պատմության մեջ ամենավտանգավոր հանցագործների մի մասը: Նրանց թվում է եղել Ալ Կապոնեն: Բանտը հայտնի է եղել իր փախուստի փորձերով: Ամենահռչակավորը 1946թ. մայիսին կատարված փախուստի փորձն է, որը հայտնի է որպես «Ալկատրասի ճակատամարտ»: Այն ստիպված է եղել փակել իր դռները 1963-ի մարտին վատ հեղինակության և շատ ծախսերի պատճառով:

 

6. ADX- Ֆլորենցիա բանտ Գտնվում է Կոլորադոյում: Կառուցվել է ամենադաժան բանտարկյալներին պահելու համար: 2002թ. հունիսին դատական հայց է ներկայացվել բանտարկյալների կողմից: Հայցում պնդել են, որ բանտի պայմանները բանտարկյալների չարաշահման ու տանջանքների միջավայր են ստեղծում:

5. Լա Սանտեի բանտ Գտնվում է Փարիզում: Բանտը հայտնի է իր դաժանությամբ: Բազմաթիվ բանտարկյալներ ինքնասպան են լինում պատիժը կրելու ընթացքում: 1999թ. 124 ինքնասպանություն է գրանցվել: Բռնությունը այնքան համատարած է, որ բանտարկյալները միայն 4 ժամ են բանտախցերից դուրս անցկացնում: Այնտեղ նաև դասակարգային համակարգ է ստեղծվել:

 

4. Դիարբեքիրի բանտ Թուրքիայի այս բանտի պայմանները ակնհայտորեն անմարդկային են: Դրա սև անցյալի այն կետը, որով հենց հայտնի է բանտը, եղել է երեխաներին ցմահ բանտարկելը: Բանտի դաժանությունը ավելի շատ բանտապանների աչքին է ակնհայտ, քան բանտարկյալների: 1996թ. պատահարի ժամանակ հսկիչներն ու ոստիկանները դաժանորեն ծեծել են բանտարկյալներին: Դրա հետևանքով 10-ը սպանվել է, իսկ 23-ը՝ վիրավորվել:

 

3. Լա Սաբանետայի բանտ Հարավային Ամերիկայում է՝ Վենեսուելայում: Բանտի պայմանները 15.000 բանտարկյալի համար են նախատեսված, բայց այնտեղ կա մոտ 25.000 մարդ: Բանտապանների թիվը շատ քիչ է՝ 150 բանտարկյալին բաժին է ընկնում 1 բանտապահ: 1994-ի հրաձգության հետևանքով 108 բանտարկյալ է սպանվել: Իսկ 1995-ին բանտային բռնության պատճառով 196-ը սպանվել և 624-ը վիրավորվել է:

 

2. Թադմորի բանտ Սիրիայում է գտնվում: Ամենադաժան բանտերից մեկն է աշխարհում: Այն բնութագրել են այսպես՝ «յուրաքանչյուր մանրուք կառուցվել է նրա բնակիչներին անմարդկային վերաբերմունքի արժանացնելու համար»: Ամենահայտնի դեպքը 1980-ին է եղել: Նախագահ Հաֆես ալ-Ասադը Մուսուլմանական եղբայրության հարձակումներից մի կերպ փրկվել է և հրամայել զինվորներին՝ որպես վրեժ, բոլորի աչքի առաջ մահապատժի ենթարկել բանտարկյալի: Բանտը 2001-ին փակվել, ապա 2011-ին վերաբացվել է: Այն պակաս դաժան չէ այսօր:

 

1. Քարանդիրու բանտ Բրազիլիայում է, անկասկած, աշխարհի ամենադաժան ու անողոք բանտն է համարվում: 1992թ. սպանվել է 102 բանտարկյալ: Յուրաքանչյուր 5 բանտարկյալից 1-ը հիվանդ է ՄԻԱՎ-ով: