Աստղեր, որոնք խամրեցին այս տարի․ 2015-ին մահացած հայտնիները (լուսանկարներ)

Style.Past.am 

Ավարտին է մոտենում 2015 թվականը։ Շատ շուտով բոլորը կբացեն շամպայնները, ամանորյա ֆիլմեր կդիտեն ու կհիշեն, թե ինչպես անցավ այս տարին։

Տարին, սակայն, ցավոք սրտի, չանցավ առանց կորուստների։ Ofigenno.cc-ն ներկայացնում է աստղերին, ովքեր մահացան այս տարի։

 Դեմիս Ռուսոս /1946–2015/

Հույն հանրահայտ երգիչը կյանքից հեռացավ այս տարի։ Նա իր կյանքի ընթացքում գրավեց միլիոնավոր սրտեր՝ ողջ աշխարհում, թողարկեց ավելի քան 40 ալբոմ։ Նրա կատարմամբ From Souvenirs to Souvenirs երգը լսում են գրեթե ողջ աշխարհում։

Կուզմա Սկրյաբին /Անդրեյ Կուզմենկո/ /1968-2015/       

 

Ուկրաինացի հայտնի երաժիշտ ու հաղորդավար, «Սկրյաբին» խմբի ղեկավար։ Համերգից Կիեւ վերադառնալիս ավտովթար տեղի ունեցավ, ինչի հետեւանքով երաժիշտը մահացավ, սա իսկական շոկ էր նրա երկրպագուների համար։

Լեոնարդ Նիմոյ /1931-2015/

«Աստղային ճանապարհ» սերիալի երկրպագուները ցնցվեցին այս տարվա փետրվարին, երբ հայտնի դարձավ, որ սերիալային աներեւակայելի Սպոկ կերպարին կերտած տաղանդավոր դերասան Լեոնարդ Նիմոյը մահացել է։

Տերի Պրատչետ /1948-2015/

Անգլիացի գրող, որի գրքերի խմբաքանակը կազմել է ավելի քան 40 միլիոն օրինակ։ Նրան մեծ ճանաչում բերեց «Հարթ աշխարհ» գիրքը։

Արկադի Արկանով /Արկադի Շտեյնբոկ/ /1933-2015/

Տաղանդավոր գրող, հումորիստ, դրամատուրգ, ում հեղինակած գործերը մինչ օրը ժպիտ են պարգեւում մարդկանց։ Նա նաեւ ուժերը փորձել է իբրեւ դերասան։ Արկանովը մահացավ օնկոլոգիական հիվանդությունից։

Բատիր Շուքենով /1962-2015/

«Ա-Ստուդիո» խմբի հիմնադիրներից, ով 2000 թվականին լքեց խումբն ու սկսեց զբաղվել անհատ երգչի իր կարիերայով։ Մահացավ սրտի կաթվածից՝ իր տանը։

Մայա Պլիսեցկայա /1925-2015/

Հռչակավոր ռուս պարուհի, ում տաղանդով հիանում էին ողջ աշխարհում։ Նա մահացավ սրտի կանգից, Գերմանիայում։

Քրիստոֆեր Լի /1922-2015/

Բրիտանացի դերասան, ով հայտնի էր իր չարագործ կերպարներով։ Վերջին տարիներին նկարահանվել է «Մատանիների տիրակալը» եւ «Հոբիթ» ֆիլմերում։

Ժաննա Ֆրիսկե /1974-2015/

Ռուս հանրահայտ ու հմայիչ երգչուհի Ժաննա Ֆրիսկեի մահն իսկական շոկ էր նրա երկրպագուների համար։ Երիտասարդ, գեղեցիկ, կյանքով լեցուն երգչուհին մահացավ գլխուղեղի քաղցկեղի հետեւանքով։

Օմար Շարիֆ /1932-2015/

Եգիպտացի հանրահայտ դերասան, ով հիմնականում նկարահանվում էր ամերիկյան ֆիլմերում։ Դերասանը վերջին տարիներին տառապում էր Ալցհեյմերի հիվանդությամբ։

Ժյուլ Բյանկի /1989-2015/

«Ֆորմուլա 1»-ի երիտասարդ ու տաղանդավոր աստղ Ժյուլ Բյանկին նախորդ տարի Ճապոնիայում կայացած մրցաշարի ժամանակ վթարի ենթարկվեց։ Ամիսներ շարունակ բժիշկները պայքարում էին երիտասարդի կյանքի համար, սակայն այս տարվա հուլիսին նա մահացավ։

Բոբբի Քրիստինա Բրաուն /1993-2015/

Հայտնի երգչուհի Ուիթնի Հյուսթոնի դուստրը՝ Բոբբի Քրիստինա Բրաունը, այս տարվա սկզբին անգիտակից վիճակում հայտնաբերվեց իր տան լոգասենյակում։ Մի քանի ամիս կոմայում մնալուց հետո երիտասարդ աղջիկը մահացավ։ Մինչ օրս նրա մահվան բուն պատճառը հայտնի չէ։

Լեւ Դուրով /1931-2015/

Ռուս ճանաչված դերասան Լեւ Դուրովը օգոստոսի 7ին տեղափոխվեց հիվանդանոց, որտեղ նրա սիրտը վիրահատեցին։ Օրեր անց, ցավոք, դերասանը մահացավ։

Միխայիլ Սվետին /1930-2015/

Ռուս սիրված դերասանը մահացավ այս տարի՝ սրտի կաթվածից։

Էլդար Ռյազանով /1927-2015/

Հռչակավոր ռեժիսոր Էլդար Ռյազանովի ֆիլմերը սիրում են ոչ միայն Ռուսաստանում, այլեւ աշխարհի տարբեր ծայրերում։ Ռեժիսորը մահացավ բոլորովին վերջերս, չնայած բժիշկների ջանքերին։