Երաշխավորված եկամուտներ Կարապետյանին, հուսալի էներգետիկ համակարգ՝ ՀՀ-ին
ԲԼՈԳՆարեկ Սարգսյանը Ֆեյսբուքյան իր էջում գրում է.
Ռուսաստանաբնակ մեր հայրենակից Սամվել Կարապետյանն անդրադարձել է «Հայաստանի էլեկտրական ցանցերի» ձեռքբերմանը, նշելով, որ այն դիտում է և որպես բիզնես և օգնություն հայրենիքին (Մեդիամաքս):
Իսկապես ՀԷՑ-ը մեր երկրում փաստացի մենաշնորհային դիրք ունեցող կազմակերպությունը և դա էր այն հիմնական պատճառներից մեկը, որը հանրության համար ընկալելի չէր այդպիսի ընկերության «տապալումը»:
«Տաշիր խումբը», որը պատկանում է Սամվել Կարապետյանին, աշխարհում հայտնի է որպես գրագետ մենեջմենթ ունեցող բիզնես և այս տեսանկյունից իհարկե վատ չէ, որ մեր հայրենակիցը հնարավորություն կստանա նաև լավ եկամուտներ ստանալ նաև ՀԷՑ-ից, ի վերջո, նա հայտնի է որպես բարեգործ ու հատկապես Արցախում խոշոր պրոյեկտներ է իրականացնում:
Այս մեծ գործարքով Հայաստանը Սամվել Կարապետյանին կապահովի երաշխավորված մեծ եկամուտներ, իսկ Կարապետյան՝ անվտանգ էներգետիկ համակարգ ՝ շարունակելով իր բարեգործությունները: