Ի՞նչ է մեզ խոստանում Հրե Կապիկի տարին

Կենդանակերպի յուրաքանչյուր նշան ազդում է իր հովանավորության տակ գտնվող տարվա վրա՝ ուժեղացնելով ազդեցության որոշ ոլորտներ, թուլացնելով մյուսները:

2016-ի խորհրդանիշը շատ խոստումնալից է գրեթե բոլոր ոլորտներում.

Մասնագիտական գործունեություն

Աշխատանքում այս տարի կարելի է աննախադեպ աճ ապահովել: Ամեն ինչ այնքան հեշտ կլինի, աշխատավարձը կբարձրանա, ղեկավարությունը կնկատի ու կգնահատի: Հիմնական եկամուտից բացի կհայտնվեն նաեւ լրացուցիչ եկամուտի աղբյուրներ:

Առողջություն

Առողջությանը պետք է ավելի ուշադիր հետեւել: Կա հիվանդությունների բարդացումների, նաեւ վնասվածքներ ստանալու մեծ հավանականություն: Դրա համար էլ աստղագուշակները խորհուրդ են տալիս հիմիկվանից զբաղվել հիվանդության կանխարգելմամբ՝ ֆիթնես ակումբ կամ մարզասրահ հաճախել, մարմնամարզություն անել, վազել: Հիշեք, որ բուժելը միշտ շատ ավելի թանկ է, քան կանխարգելելը:

Սոցիալական ոլորտ

Հրե Կապիկի տարվա ընթացքում շփումներն ու ծանոթությունները հեշտ կլինեն: Շփվող ու թեթեւ բնավորությամբ կենդանին կօգնի, որ մարդիկ նոր ընկերներ գտնեն, վերականգնեն մոռացված լավ ընկերների հետ հարաբերությունները, մտերմանան հեռավոր ազգականնեի հետ: Այս տարի հնարավոր է նորից կսիրահարվեք, կգտնեք ձեր երկրորդ կեսին:

Ամուսնություններ

Այս տարի կնքված ամուսնությունները շատ ուրախություն են բերում նորապսակներին: Դրանք ավելի ամուր են, ընտանեկան վիճաբանություններն ավելի քիչ են, հարաբերությունները թեթեւ են՝ առանց խանդի, ծնելիությունն էլ բարձր է: Այս կենդանու հովանավորության ներքո ամուսնացած զույգերին բնորոշ են աղմկոտ վեճերը, որոնք շատ անսպասելի են բռնկվում ու նույնքան էլ անսպասելի ավարտվում բուռն հաշտեցումով: Ամուսնությունները երկարատեւ են, ամուսնալուծությունները շատ ավելի հազվադեպ, քան մյուս տարիներին:

Հեռանկարներ

Այս տարի որեւէ նոր նախագիծ ձեռնարկողների կամ էլ հին մտահուղացումները կյանքի կոչողների առջեւ նոր հորիզոններ կբացվեն: Համարձակ եւ նոր ծրագրերի ճիշտ ժամանակն է:

Կապիկը ամենահուսալի հովանավորը կլինի նրանց համար, ովքեր ուզում են ինչ -որ բան արմատապես փոխել իրենց կյանքում: Դա կարող է լինել նոր տան շինարարություն, տեղափոխություն, աշխատանքի փոփոխություն ու շատ այլ բաներ:

Հղիություն

Այս ժամանակահատվածում հղիությունը ավելի հաջող է ընթանում, քան մյուս տարիներին, բարդություններն ավելի քիչ են, քանի որ փոքրիկը շատ կենսունակ է ու իր բոլոր ուժերով օգնում է մայրիկին: Կապիկի տարում ավելի քիչ են լինում թերհաս երեխաները, ավելի քիչ են ծնվում պաթոլոգիաներով երեխաներ՝ հատկապես մտավոր բնույթի: Եթե դուք ուզում եք աշխույժ՝ հանճարի նախադրյալներով երեխա ունենալ՝ ձեր հղիությունն ու ծննդաբերությունը ծրագրեք Կապիկի տարում:

Նորածիններ

Կապիկի տարում ծնվածները աչքի են ընկնում իրենց խելքով ու ճկուն մտքով: Հանճարների մոտավորապես 60 տոկոսը հենց այս կենդանու հովանավորության ներքո է ծնվել: Սուր խելք, վերլուծական միտք, խնդիրները վայրկենապես լուծելու ունակություն՝ այս բոլորը տաղանդավոր մարդու նշաններ են: Բայց նրանց չի բավականացնում համբերատարությունը, իսկ ավելորդ շարժունությունն էլ խանգարում է դաս սովորելուն: Եթե երեխան ինչ -որ բան է յուրացնում, ապա անում է դա շատ արագ՝ առանց լրացուցիչ ջանքերի, նրա համար դժվար է երկար -բարակ դաս սովորելը: Փաստորեն չափազանց աշխույժ խառնվածքը նրանց եւ օգնում է, եւ խանգարում:

Նման երեխաները կարգուկանոնի ու մշտական մտավոր ծանրաբեռնվածությունների կարիք ունեն: Նրանց համար ընդունելի է միայն առաջինը լինելու ձգտումը նրանց բնածին հատկանիշն է:

Աղբյուր՝ NEWS.am STYLE