Երեկ Ազգային Ժողովը քաղաքական կոնսենսուսով ընդունեց նոր օրինագիծ. Արմեն Աշոտյան
ԲԼՈԳԿԳ նախարար Արմեն Աշոտյանը Ֆեյսբուքյան իր էջում գրում է.
Երեկ Ազգային Ժողովը քաղաքական կոնսենսուսով ընդունեց մեր կողմից ներկայացված նոր օրինագիծը, որով խստացվում է ՆՊԱՏԱԿԱՅԻՆ ընդունելության կարգը: Ելույթ ունեցող բոլոր պատգամավորները միաբերան հավանության արժանացրեցին այս մտահղացումը, որի նպատակն է Հայաստանի հասարակական և տնտեսական կյանքի գերակա ուղղություններով երիտասարդ մասնագետների ապահովումը:
Ուզում եմ կրկին հիշեցնել, որ խոսքը չի գնում սովորական պետական պատվերով ընդունվածների մասին: Այդ երիտասարդները բուհն ավարտելուց հետո ազատ են իրենց աշխատանքային նախընտրություններում:
Այդ օրենքով խստացվելու են պահանջները և պարտականությունները այն ուսանողների հանդեպ, որոնք ընդունվում են կոնկրետ գյուղում կամ մարզում աշխատելու պայմանով, առանձին հեշտացված մրցույթով և սովորում եմ պետության հաշվին:
Իհարկե, նպատակային տեղով ընդունվելը դյուրին է, իսկ աշխատելը՝ դժվար: Բայց դիմորդը ընդունելության պահին է կատարում իր ընտրությունը, համաձայնում է, հեշտ ընդունվում է, սովորում է բոլորիս հաշվին, իսկ հետո պարտավոր պարտավոր կլինի կատարել իր նախնական խոստումը: