Որքան հաճախ կարելի է ներկել մազերը

Շատ կանանց վաղ թե ուշ սկսում է անհանգստացնել այս հարցը: Չէ՞ որ ցանկացած ներկում մեծ փորձություն է մազերի համար: Այդ իսկ պատճառով, որպեսզի մազերին և գլխի մաշկին մեծ վնաս չհասցվի, շատ կարևոր է իմանալ, թե որքան հաճախ է կարելի ներկել մազերը:

Կանանց ձգտումը լինել գեղեցիկ լիովին հասկանալի է: Մեզանից յուրաքանչյուրը փորձում է լինել հնարավորինս գրավիչ, փորձարկումներ է անում իր արտաքինի հետ: Մազերի ներկելը ներկայումս շատ տարածված է կանանց շրջանում: Գործնականում յուրաքանչյուր կին առնչվում է մազերը ներկելու հետ: Շատերը դա անում են մշտապես: Ուստի հարկ է իմանալ, որ ներկելը մազերի վրա քիմիական ներգործություն է: Եվ ոչ միայն մազերի, այլև գլխի մաշկի: Աշխատեք խուսափել քիմիական նյութերի ավելորդ ազդեցությունից: Խոսքը չի գնում մազերի բնական ներկերի, ասենք` հինայի մասին, որոնք մեղմ և անվնաս երանգ են հաղորդում մազերին:

Մազերի ներկերը պարունակում են այնպիսի վտանգավոր բաղադրիչներ, ինչպիսիք են ամոնյակը և ջրածնի պերօքսիդը: Ամոնյակը փչացնում է մազերը, իսկ ջրածնի պերօքսիդը դրանք խիստ չորացնում:

Առաջին խումբը դիմացկուն ներկերն են: Դրանք իրենց բաղադրության մեջ պարունակում են ամոնյակ կամ ջրածնի պերօքսիդ: Որքան մեծ է ջրածնի պերօքսիդի պարունակությունը, այդքան շատ է ներկը բացում մազերի գույնը և այդքան մեծ է ազդեցությունը մազերի և գլխի մաշկի վրա: Այդպիսի ներկերը մասնագետները խորհուրդ են տալիս օգտագործել երկու ամիսը մեկ անգամից ոչ հաճախ:

Երկրորդ խումբը պակաս կայուն երանգավորող ներկերն են` ջրածնի պերօքսիդի ցածր պարունակությամբ: Դրանք ավելի մեղմ են ազդում մազերի վրա և շուտ են անցնում: Դրանցով կարելի է մազերը ներկել ոչ հաճախ, քան ամիսը մեկ անգամ:

Երրորդ խումը երանգավորող շամպուններն են: Դրանցում ևս ամոնյակ է պարունակվում, բայց ոչ մեծ քանակությամբ: Այդ իսկ պատճառով դրանց կարելի է օգտագործել երկու շաբաթը մեկ, սակայն` ոչ ավելի հաճախ: Դրանք այնքան անվտանգ չեն, ինչպես շատերն են կարծում, այնպես որ չարաշահել չի կարելի:

Եթե դուք մազերը ներկում եք տնային պայմաններում, ապա դրա համար ընտրեք որակյալ ներկեր` խնամող բաղադրիչներով և խստորեն հետևեք օգտագործման ցուցումներին: Նախատեսվածից ավել մի պահեք ներկը մազերի վրա, դրանով դուք կարող եք միայն վնասել: Ներկեք միայն աճած արմատները` չտարածելով ներկը մազերի ողջ երկայնքով, որպեսզի ավելորդ անգամ չչորացնեք դրանք: Գույնի վերականգնման համար օգտագործեք երանգավորող շամպուն:

Եվ այսպես, քանի որ ցանկացած ներկում վնասում է մազերը, ապա անհրաժեշտ է դրանց վերականգնումը կերատին պարունակող հատուկ շամպունների, բալզամների և քսուկների օգնությամբ: Օգտագործեք մազերի աճին նպաստող և մազաթափման դեմ դիմակներ, եթե մազերը ներկելիս հանդիպում եք նման խնդիրների: Կարևոր է ընդունել պոլիվիտամինային համալիրներ և սննդակարգի մեջ ներառել այնպիսի մթերք, մրգեր, բանջարեղեն, որոնք մազերին ճկունություն, հարթություն և փայլ են հաղորդում: Կերեք ձավարեղենից պատրաստված շիլաներ, ձուկ, հավ, կաթնային և կաթնաթթվային մթերք, մրգեր, բանջարեղեն, ինչպես նաև օգտագործեք ձիթապտղի ձեթ, կարագ: Ձեր սննդակարգից բացառեք յուղոտ, տապակած և սուր ճաշատեսակները, ինչպես նաև ալկոհոլը, սուրճը և գազային ըմպելիքները: Քաղցր օգտագործեք սահմանափակ քանակով:

Ուշադրություն դարձրեք արտաքինին, սակայն հետևեք նաև, որ գեղեցկությանը զուգահեռ վնաս չպատճառեք ձեր առողջությանը:

Պատրաստեց Լիլիթ  Պետրոսյանը

Աղբյուր` LADYNEWS.am