Թանկացնում եք՝գոնե սուսուփուս թանկացրեք, ոչ թե՝հպարտությամբ մատնանշեք

Գայանե Հովսեփյանը Ֆեյսբուքյան իր էջում գրում է.

Ամանորի նախօրեին ողջ քաղաքակիրթ աշխարհում ընդունված է գների էժանացում եւ զեղչեր, Հայաստանում ճիշտ հակառակն է.սպառողական շուկայում գները բարձրացնում են:Եւ, ինչպես ամեն տարի՝թանկացումն սկսվել է հավկիթների շուկայից:Ու գիտե՞ք որն է «խնդալուն», հերիք չէ՝մարդկանց զեղչով գոնե չեն ուրախացնում, դեռ մի բան էլ «ափաշկարա» գրում են նախկին էժան գինը՝վրան խաչ քաշած, կողքին՝նորը, արդեն թանկ:Մինչդեռ սովորաբար մարդկանց գրավելու համար ընդունված է թանկ ու էժան գները համեմատության մեջ դնել՝առավելությունը էժանի կողմը թեքելով, եւ ոչ թե՝թանկի: Սա էլ ժողովրդի վա ծիծաղելու նոր ձեւ է.ձվերի էժան գնի վրա ՝50 դրամ, խաչ են քաշել, կողքին գրել թանկը՝55 դրամ:Եւ այս կարգի զավեշտ վանաձորյան որոշ կետերում ոչ միայն հավկիթների բնագավառում է, այլեւ՝կոնֆետների.1800դրամի վրա խաչ են քաշել, կողքին գրել՝2000դրամ:Ոնց որ ասեն՝«Այ թենց, դե գնացեք, լավ ենք արել, թանկացրել ենք»:

Գոնե սուսուփուս թանկացրեք, որ աչք չծակի:

Ի դեպ, դեռ ՏՄՊՊՀ-ն չի՞ հայտարարել, որ «ձվի շուկան վերահսկվում է»:Երեւի տոներից հետո կհայտարարի ու իր ՏՄՊՊՀ-ի խոսքը կասի:Իսկ վանաձորյան առեւտրի կետերում ընդամենը մեկ շաբաթում հավկիթների գները հասան 60-70 դրամի եւ, թերեւս էլի կաճեն:Մրցավազքն սկսվեց հատկապես այն բանից հետո, երբ հեռուստատեսությամբ տնտեսական հաղորդումներում նշվեց, որ գործարանները ձուն բաց են թողնում 49 դրամով, ու դրանից հետո արդեն ինչքան 45 դրամանոց ձու կար՝դարձրին 50դրամ, հիմա էլ 50-ը սարքեցին 55 դրամ եւ ավելի:Այժմ սկսվել է կողոպուտի հերթական փուլը. դավադրաբար արժեզրկված տարադրամի կուրսը կրկին սկսել են «քիչումիչ» բարձրացնել, ու մի թանկացում էլ կուրսի փոփոխման պատճառաբանությամբ անեն:Կեցցե ազատ ու անկախ Հայստանն ու «բրախված» գները,կեցցե տնտեսական «մաֆիան», որ ձեռքն անընդհատ ժողովրդի սպառողական զարկերակի վրա է պահում ու տնօրինում շուկայական բոլոր ոլորտները:Իսկ ՏՄՊՊՀ-ն թող դեռ ուսումնասիրի: