Սփյուռքում գործող դպրոցներին այս տարի բաժանվել է 50.000 կտոր գրականություն

ՀՀ Սփյուռքի նախարարության համար անցնող տարին լի էր ձեռքբերումներով եւ, նախարար Հրանուշ Հակոբյանի գնահատմամբ, կառույցի առջեւ դրված խնդիրների մեծ մասնը կարողացել են լուծել: Նախարարն առաջին հերթին շեշտում է Հայոց ցեղասպանության 100-րդ տարելիցի միջոցառումների անցկացումը, որտեղ իր դերակատարությունն է ունեցել նաեւ նախարարությունը: «Հայոց ցեղասպանության վերաբերյալ 13 գիտական համաժողովներ են կայացել, կատարվել են գ իտական հետազոտություններ, սփյուռքի բոլոր կառույցները մասնակցել են միջոցառումներին»,-«Արմենպրես»-ի հաղորդմամբ` ասաց Հակոբյանը: 

Տարվա ընթացքում կազմակերպված միջոցառումներին մասնակցությունը մեծ է եղել, եւ ավելի քան 2000 սփյուռքահայ երեխա է մասնակցել նախարարության ծրագրերին: Հրանուշ Հակոբյանի գնահատմամբ` ներկա դրությամբ կառույցը փորձում է կապեր հաստատել նաեւ հեռավոր համայնքների հետ: Առաջին փորձը եղել է Ավստրալիայի հայ համայնքի հետ, ամանորյա տոներին «Ծաղկազարդ» երգչախումբը մեկնելու է Կամչատկա համերգների, հարաբերություններն ամրապնդվում են նաեւ Կանադայի հայ համայնքի հետ:

Հրանուշ Հակոբյանի խոսքով, կառույցը մեծ ուշադրություն է դարձնում սփյուռքի դպրոցներում հայոց լեզվի եւ գրականության տարածման խնդիրներին: Այդ նպատակով սփյուռքի 900 ամենօրյա եւ մեկօրյա դպրոցներին հատկացվել է 50.000 կտոր գրականություն:  Նախարարի գնահատմամբ` կառույցի գերխնդիրն արդեն 3 տարի շարունակում է մնալ սիրիահայերի խնդիրը: Ներկա դրությամբ, Հայաստանում բնակվում է 17.000 սիրիահայ, եւս 20.000 շարունակում են մնալ Հալեպում եւ Դամասկոսում: Ըստ Հակոբյանի, նրանց հետ կապը մշտական է եւ այդ առումով աշխատանքնեÖ € կատարվելու են նաեւ հաջորդ տարի: