Այս տարի 51 շնորհալի երեխա և պատանի մասնակցել է շուրջ 22 միջազգային նախագծերի

Հայաստանում անցնող տարում 51 շնորհալի երեխա և պատանի մասնակցել է շուրջ 22 միջազգային նախագծերի: Այս մասին դեկտեմբերի 25-ին տարվա ամփոփիչ ասուլիսին ասաց  ՀՀ մշակույթի նախարարի տեղակալ Արթուր Պողոսյանը: «Մշակույթի զարգացումը հասարակության կրթության և դաստիարակության կարևորագույն բաղադրիչն է. այս առու մով մեզ համար գերակա էր գեղարվեստական կրթությանն անդրադառնալը: Դեռ 2012թ. կառավարությունն հաստատեց «Մանուկների և պատանիների գեղագիտական կրթության և դաստիարակության ծրագիրը», որն իր մեջ ներառում էր 32 միջոցառում: Դրանցից յուրաքանչյուրը մեկական «քաղաքական» ուղղություն էր՝ զարգացնելու այս ոլորտը», - նշեց Արթուր Պողոսյանը:

Այս տարի հայ մանուկների և պատանիների հաջողությունները մասնավորապես ակնառու էին Պ. Չայկովսկու անվան 15-րդ միջազգային մրցույթում «Երգեցողություն» անվանակարգում Մանե Գալոյանի և Պ. Չայկովսկու անվան 9-րդ պատանեկան միջազգային մրցույթում Հայաստանը ներկայացնող Դիանա Ադամյանի և թավջութակահար Անդրանիկ Աղաջանյան հաջողությունները:

ՀՀ մարզերի և մայրաքաղաքի 33 հենակետային դպրոցներում կազմակերպվել են հանրապետական մի շարք մրցույթների, փառատոների մարզային փուլեր, ցուցահանդեսներ, համերգներ, համերգ-դասախոսություններ, անցկացվել են վերապատրաստման դասալսումներ և այլ կրթական նպատակային ծրագրեր:

Երաժշտական և արվեստի դպրոցների ազգային, լարային և փողային նվագարանների գծով ուսուցում ծրագրում ընդգրկվել է 144 հա­մայն­քա­յին դպրոցի թվով 2361 ա­շա­կերտ, այդ թվում, ազգային նվագարաններ ուսանում` թվով 1779, լարային` 258 և փողային նվագարաններ` 324 երեխա: