Զինվորական բժիշկների հայկական ասոցիացիան պարզաբանում է, թե որ դեպքում է նիստերը ՊՆ շենքում անցկացնում

Զինվորական բժիշկների հայկական ասոցիացիան հայտարարում է, որ «Ժողովուրդ» օրաթերթի էլեկտրոնային կայքի՝ «Սեյրան Օհանյանի կինը «տեղավորվել» է ՊՆ վարչական շենքում» հրապարակումը չի համապատասխանում իրականությանը:

«Արմենպրես»-ի հաղորդմամբ` տարածելով հայտարարությունը` «Զինվորական բժիշկների հայկական ասոցիացիա» ՀԿ-ն տեղեկացնում է, որ ստեղծվել է 2014 թ. մայիսի 14-ին: Հասարակական կազմակերպության գործունեությունը վերաբերում է բացառապես Հայաստանի Հանրապետության պաշտպանության բնագավառի առողջապահական հիմնահարցերին:
Կազմակերպության գործունեությունն իրականացվում է Ասոցիացիայի պաշտոնականamda.am կայքէջի, [email protected] էլեկտրոնային փոստի, ֆեյսբուքյան էջի, թեժ գծի, ինչպես նաև կազմակերպության նախագահի ֆեյսբուքյան էջի միջոցով:
Զինծառայողների ու նրանց ընտանիքների անդամների ընդունելությունը, ելնելով բարձրացված հարցի բնույթից և հրատապությունից, կազմակերպվում է ՀՀ ԶՈՒ ռազմաբժշկական վարչության ենթակայության հոսպիտալներում, ԵՊԲՀ ռազմաբժշկական ֆակուլտետում, ինչպես նաև ՀՀ ՊՆ վարչական համալիրի տարածքում:
Բարձրացված խնդիրների քննարկմանը մասնակցում են ՀՀ ԶՈՒ ռազմաբժշկական վարչության բարձրաստիճան պաշտոնյաներ, ՀՀ ՊՆ համակարգին առնչվող այլ ստորաբաժանումների ներկայացուցիչներ: Շատ հաճախ քննարկումներին մասնակցում է նաև անձամբ ՀՀ պաշտպանության նախար արը, ում կողմից անմիջապես տրվում են համապատասխան հանձնարարականներ: