Որո՞նք են աշխարհում 10 ամենաառողջ մթերքները

Past.am

Համեղ սնվել բոլորն են սիրում, սակայն ոչ բոլոր մթերքներն են, որոնք օգտակար են մեր առողջության համար։ Իսկ այն, որ մեր առողջությունը հիմնականում ճիշտ սնունդից է կախված, փաստ է։ Մասնագետները կազմել են աշխարհի 10 ամենաառողջ ու օգտակար մթերքների ցանկը։

Լիմոն

Մեկ լիմոնի մեջ օրվա անհրաժեշտ C վիտամինի չափաբաժինը կա։ Բացի այդ, լիմոնը բարձրացնում է օգտակար խոլեստերինի մակարդակը, ամրապնդում ոսկորները։ Լիմոնը հակաբորբոքային, ճնշում իջեցնող հատկություն ունի, այն պաշտպանում է կաթվածից եւ անգամ քաղցկեղից։

Բրոկոլի

Մեկ փոքրիկ փունջ բրոկոլին ապահովում է օրվա անհրաժեշտ K վիտամինի չափաբաժինը, որը չափազանց կարեւոր է նյութափոխանակության համար, ինչպես նաեւ երիկամների աշխատանքի։ Բրոկոլին պարունակում է նաեւ օրվա C վիտամինի կրկնակի չափաբաժինը։ Բրոկոլին հիանալի միջոց է ուռուցքային հիվանդությունների դեպքում։Այն բարձրացնում է իմունիտետը։

Դառը շոկոլադ

Օրական 7 գրամ դառը շոկոլադն օգնում է իջեցնել արյան ճնշումը, այն հակաօքսիդանտներ է պարունակում, որոնք իջեցնում են խոլեստերինը, դրական է ազդում նյարդային համակարգի վրա։

Կարտոֆիլ

Մեկ կարտոֆիլում, հատկապես կարմիր տեսակում, այնքան ֆոլաթթու կա, որքան անհրաժեշտ է մեկ օրվա համար։ Կարտոֆիլը, առանց յուղի ու սոուսների, շատ հագեցնող է, բայց ոչ այդքան կալորիական։ Այն մեծ քանակությամբ A վիտամին է պարունակում, որը ամրապնդում է իմունիտետը։

Սաղմոն

Օմեգա 3-ի եւ ճարպաթթուների հիանալի աղբյուր է, նվազեցնում է դեպերսիան, սրտանոթային հիվանդությունները։ Սաղմոնի 150 գրամը ուղեղը սնուցող այնպիսի նյութերի օրվա չափաբաժին է պարունակում, որոնք օգնում են կանխել սկլերոզը, Ալցհեյմերի հիվանդությունը։

Ընկույզ

Ընկույզը հարուստ է օմեգա-3-ով, ճարպաթթուներով, որը սնուցում է ուղեղը։ Ընկույզն օգտակար է ուղեղի, սրտի ու լյարդի աշխատանքի համար։ Սակայն այն շատ կալորիական է, եւ օրական 8 հատից ավելի ուտել պետք չէ։

Ավոկադո

Ավոկադոն բջջանյութի, սննդային թելերի, օգտակար ճարպերի աղբյուր է, որոնք օգտակար են աղիներին, նվազեցնում են խոլեստերինը։ Հատկապես օգտակար է մաշկի, մաշկային հիվանդությունների դեպքում։

Սխտոր

Սխտորը հզոր հակաբիոտիկ է, պայքարում է հիվանդությունների, բակտերիաների դեմ։ Այն իջեցնում է արյան ճնշումը։ Սակայն պետք է իմանալ, որ սխտորն օգտակար է միայն հում վիճակում։

Սպանախ

Սպանախն այնպիսի նյութեր է պարունակում, որոնք բնական հակաօքսիդանտներ են, պաշտպանում են օրգանիզմը։ Այն պայքարում է քաղցկեղային բջիջների դեմ։ Հատիկավորներ Լոբին եւ այլ հատիկավորներ իջեցնում են սրտանոթային հիվանդությունների, քաղցկեղի ռիսկը։ Դրանք օգնում են վերականգնվել ծանր հիվանդություններից հետո։