ԴԱՀԿ-ն երեխաների համար ամանորյա միջոցառում էր կազմակերպել

Դատական ակտերի հարկադիր կատարման ծառայությունն արդեն 7-րդ տարին է` Ամանորի և Սուրբ Ծննդյան տոների կապակցությամբ միջոցառումներ է կազմակերպում  4-9 տարեկան երեխաների համար, որոնց համար ալիմենտի  բռնագանձումը և ծնողների հետ տեսակցությունները կազմակերպում է ծառայությունը։

«Հարկադիր ծառայության կողմից երեխաների համար  կազմակերպվող միջոցառումներն արդեն ավանդույթ են դարձել: Միջոցառուներն  այս տարի անցկացվում են ոչ միայն Երևան քաղաքում, այլ նաև բոլոր  այն մարզերում, որտեղ  ներկայացված է ԴԱՀԿ-ն: Երեխաների հետ մեր աշխատանքը բազմաբովանդակ է և տարվա ընթացքումանցկացնում ենք մի քանի միջոցառումներ»,- «Արմենպրես»-ի հաղորդմամբ` այս մասին ասաց ՀՀ գլխավոր հարկադիր կատարող Միհրան Պողոսյանը: Նա նշեց, որ միջոցառումներն օգնում են ԴԱՀԿ-ին այն առումով, որ երեխÕ �ների և հարկադիր կատարողների միջև շփման դաշտ է ստեղծվում, որն օգնում է նաև աշխատանքին:

Միջոցառմանը ներկա 7-ամյա Էլենն ասաց, որ Ձմեռ պապիկին իրեն շախմատ է նվիրել, բայց  ուզում է, որ Նոր տարուն էլ կախարդական փայտիկ  նվիրի:  «Միջոցառման ժամանակ տեսանք Ձմեռ պապիկին, Ձյունանուշին ու վագրին, եղևնուն, գայլին ու նապաստակին, աղվեսին: Գայլը ցույց տվեց, թե ինչպես են պարում, նապաստակն էլ ցույց տվեց, որ ինքը մթությունից էլ չի վախենում»,- միջոցառումից ստացած իր տպավորություններն «Արմենպրես»-ին պատմեց 8-ամյա Տիգրանը:

Հյուրընկալված մայրիկներից մեկը` Լիլիթ Աղաջանյանը, նշեց, որ առաջին տարին չէ, որ մասնակցում է հարկադիր կատարման ծառայության կողմից կազմակերպվող միջոցառմանը: «Ուզում եմ շնորհակալություն հայտնել հարկադիր կատարման ծառայությանն այսպիսի միջոցառում կազմակերպելու ու երեխաներին ժպիտներ պարգևելու  համար: Եթե Հայաստանում ինչ-որ տեղ երեխաներին իրավունքները պաշտպանված չեն, ապա ԴԱՀԿ-ն հնարավորություն է մեր երխաների իրավունքները պաշտպանելու»,- ասաց նա:

ԴԱՀԿ տվյալների համաձայն`ծառայությունում ընթացքի մեջ է 1993 կատարողական վարույթ, որից 1225-ը՝ մարզերից: Հարկադիր կատարման ծառայությունն աշխատանք է տանում շուրջ 2820 երեխայի հետ: