Նռան 7 օգտակար հատկությունները. ինչու ուտել այն հենց հիմա

Նուռը պարունակում է պունիկալագին ու մեծ քանակության հակաօքսիդատներ, որոնք, ընկնելով օրգանիզմ, ամրապնդում են սիրտը: Մասնագետների խոսքով՝ պունիկալագինը ու հակաօքսիդատներն ամրացնում են երակների պատերը և իջեցնում են վատ խոլեստերինի մակարդակը: 
Սա իր հերթին խոչընդոտում է աթերոսկլերոտիկ միացությունների ձևավորմանը: Նման խնդրի նախատրամադրվածություն ունեցողների շրջանում կատարված ուսումնասիրությունը ցույց է տվել, որ նրանց մոտ, ովքեր օրը 30 միլիլիտր նռան հյութ են օգտագործել, 30 տոկոսով նվազել է աթերոկլերոտիկ միացությունների ձևավորումը:

 

Նուռը պարունակում է այնպիսի նյութեր, որոնք խոչընդոտում են էսթրոգենների սինթեզը, ինչն իր հերթին խանգարում է չարորակ գոյացությունների ձևավորմանը: Նռան մեջ պարունակող հակաթթուները և հակաբորբոքային նյութերը թույլ չեն տալիս զարգանալ չարորակ գոյացությունների բջիջներին: Հետևաբար քաղցկեղի առաջացման հավանականությունը նվազում է:

 

100 գրամ նուռը պարունակում է 21 տոկոս վիտամին C, որն օրգանիզմի անհրաժեշտ քանակությունն է մեկ օրվա կտրվածքով: Նուռը ակտիվացնում է իմունային համակարգը՝ պաշտպանելով օրգանիզմը տարատեսակ վիրուսներից: Մասնագետները նշում են, որ օրը մեկ նուռի ¼-րդ մասը ուտելու դեպքում դիմադրողականությունը բարձրանում է 3 անգամ:

 

Սննդային հյուսվածքները, որոնք պարունակում է նուռը, այնպիսի տարրեր են, որոնք օրգանիզմը չի մարսում: Փոխարենն այդ հյուսվածքները օգնում են չեզոքացնել սննդի «անպետք մնացորդները»: 100 գրամ նուռը պարունակում է 16 գրամ սննդային հյուսվածք, ինչը օրգանիզմին անհրաժեշտ նորմի շրջանակում է: «Ավելորդություններից» ազատվելը նպաստում է մարսողության համակարգին: Ճնշումը ստամոքսի վրա ընկնում է, մարսողությունը՝ բարելավվում:

Հեմոգլոբինը երկաթ պարունակող սպիտակուց է, որն օգնում է օրգանիզմին թթվածինը հասցնել հյուսվածքներին: Հեմգլոբինի նորման տղամարդու օրգանիզմում 130-160 գ/լ է, կնոջ օրգանիզմում՝ 120-150գ/լ: Եթե հեմոգլոբինի մակարդակը ավելի ցածր է մարդու մոտ լինում է սրտխառնոց, գլխապտույտ և թուլություն: Նուռը բարձրացնում է հեմոգլոբինի մակարդակը: Այն հաճախ խորհուրդ են տալիս անեմիայի դեպքում օգտագործել: Օրը 3 բաժակ նռան հյութը բավարար է հեմոգլոբինը կարգավորելու համար:

 

Մազաթափության պատճառներից մեկն էլ երկաթի պակասի հետևանքով առաջացող անեմիան է: Հեմոգլոբինի պակասի հետևանքով օրգանիզմի հյուսվածքները բավարար քանակությամբ թթվածին չեն ստանում: Պարբերաբար նուռ օգտագործելու դեպքում մազի արմատներն ամրապնդվում են, սնուցումը կարգավորվում է, և մազաթափությունը հետզհետե վերանում է:

 

Արթրոզը տարածված հոդային հիվանդություն է, որով տառապում է աշխարհի բնակչության 10 տոկոսը: Արթրոզի հետևանքով բորբոքվում են հենաշարժական հատվածները, և շարժվելու բարդություններ են առաջանում: Նուռը պարունակում է մեծ քանակությամբ վիտամին K, ոը հակաբորբոքային ներուժ ունի, մասնավորապես՝ հոդային հատվածների սնուցման դեպքում: Այն նաև նպաստում է կալիումի իրացմանը, ինչի արդյունքում արթրոզը հնարավոր է կանխարգելել: