13 հոգեբանական խորամանկություն, որոնք կօգնեն շփման մեջ

Մեր կյանքում պատահում է, որ ինչ-որ մեկի հետ չենք կարղանում ընդհանուր լեզու գտնել կամ ընկնում ենք այնպիսի իրավիճակի մեջ, երբ ամաչում ենք ինչ-որ մեկից մի բան հարցնել: Ահա 13 հնարք, որոնց միջոցով կարելի է կարգավորել շփումը:

1. Եթե զրուցակցի պատասխանը ձեզ չբավարարեց. օրինակ, նա ինչ-որ բան չի ասել, ոչ հստակ է արտահայտվել կամ սուտ է խոսել, պետք չէ կրկին հարցնել: Դրա փոխարեն լուռ և ուշադիր նայեք նրա աչքերի մեջ: Այս հնարքը նրան ոչ մի հնարավորություն չի թողնի և կստիպի վերջացնել իր միտքը:

2. Եթե ինչ-որ մեկը բղավում է ձեզ վրա, ջանք գործադրեք և պահպանեք հանգստություն՝ մնալով անկաշկանդ: Բղավողի առաջին ռեակցիան չարությունն է, որը ավելի կաճի ձեր անվրդովվությունից, բայց այն շատ շուտ կանցնի, տեղի տալով հաջորդ ռեակցիային՝մեղավորության զգացողությանը՝ ագրեսիվ պահվածքի համար: Ամենայն հավանականությամբ, հենց գոռացողն է ներողություն խնդրելու:

3. Եթե դուք գիտեք, որ քննադատություն եք լսելու, համարձակություն ունեցեք և նստեք կամ կանգնեք այդ մարդու կողքին: Այդ պարագայում նա կփափկի և նրա կողմից դուրս եկող բացասականը շատ անգամ կքչանա, քան այն դեպքում, եթե դուք ավելի հեռու կանգնեք:

4. Սնունդ ընդունելը մարդու մոտ համադրվում է հանգստության և անվտանգության հետ, քանի որ մենք հաճախ դա անում ենք տանը, հարազատ պատերի մեջ: Հենց դրա համար, եթե դուք շատ եք անհանգստանում, մաստակ ծամեք. դա կխաբի ուղեղին, տպավորություն ստեղծելով, որ դուք սնվում եք, այսինքն՝ կօգնի ձեզ զգալ ավելի վստահ և հանգիստ:

5. Հին և փորձված միջոց, որը ուսանողները օգտագործում են քննությունների ընթացքում․ պատկերացնել, որ դասախոսը ձեր լավ և մտերիմ ընկերն է։ Այդ ժամանակ ավելի հեշտ կլինի պատասխանել և առավել հանգիստ զգալ: Այս հնարքն աշխատում է այլ իրավիճակներում նույնպես, օրինակ, լուրջ զրուցակցի հետ խոսելիս:

6. Եթե շրջապատում բոլորը միանգամից սկսում են ծիծաղել, յուրաքանչյուրը բնազդաբար նայում է նրան, ով իրեն ավելի համակրելի է, ում հետ նա կցանկանար մտերմանալ: Դրա համար հաջող կատակից հետո որսացեք հայացքներ և շատ նոր բան կիմանաք:

7. Մարդու հետ հանդիպելիս ավելի շատ ուրախություն արտահայտեք նրա նկատմամբ: Օրինակ, ժպտացեք կամ փափուկ և ջերմությամբ արտասանեք նրա անունը, այդ դեպքում դուք ժամանակի ընթացքում կսկսեք նրան վերաբերվել ավելի լավ և հաջորդ անգամ ուրախությունը հանդիպումից կլինի անկեղծ:

8. Եթե ձեր աշխատանքը մարդկանց հետ է, ապա կարելի է այնպես անել, որ իրենք իրենց պահեն ավելի քաղաքավարի և փափուկ: Ձեր հետևում դրեք հայելի, այնպես, որ ձեր զրուցակիցները տեսնեն իրենց արտացոլանքը: Որպես կանոն, հայելիում մենք միշտ փորձում ենք լավ տեսք ունենալ և ժպտալ, այլ ոչ թե լինել ջղային:

9. Եթե դուք ցանկանում եք գրավել ձեզ համակրելի մարդու ուշադրությունը, ուշադիր նայեք որևէ բանի, որը գտնվում հենց նրա ուսերի հետևում: Հենց զգաք, որ բռնացրել եք նրա հայացքը ձեզ վրա, արագ նայեք նրա աչքերի մեջ և թեթև ժպտացեք՝ անշուշտ աշխատող է:

10. Իրականում դուք կարող ենք վերահսկել ձեր սթրեսը: Երբ շատ եք հուզվում, զգացեք, թե որքան խորն եք սկսել շնչել, որքան արագ է սկսել բաբախել ձեր սիրտը և փորձեք ստիպել ձեզ շնչել ավելի հանգիստ ու հավասարեցնել բաբախյունը: Դուք, իրոք, կարող ենք դա անել:

11. Որպեսզի լավ տպավորություն գործեք մարդու վրա առաջին հանդիպումից, նայեք նրա աչքերի մեջ: Տեսողական շփումը տրամադրում է դեպի ձեզ:

12. Դնելով որևէ պահանջ կամ պայման, միանգամից բարձր շեմ սահմանեք: Ամենայն հավանականությամբ, մարդը չի համաձայնվի և կհրաժարվի, բայց հետո ձեր առաջարկած իրական պայմաններին նա անպայման կհամաձայնի:

13. Մարդիկ ձգտում են այնպիսի անձանց մոտ, ովքեր ինքնավստահ են: Դրա համար պարզապես ցույց տվեք, որ հստակ հասկանում եք այն, ինչից խոսում եք:

Մարդու միմիկան ուղղակիորեն կապված է նրա զգացմունքների հետ: Եվ հակառակը, միմիկան կարող է ազդել մարդու ներքին վիճակի վրա: Օգտագործեք այդ հնարավորությունը և ժպտացեք, պարզապես, առանց պատճառի, և մի քանի վայրկյան անց այդ ժպիտը կդառնա իրական և անկեղծ:

LADYNEWS.am