Թե ինչու ծեծեցին աղջկան

Հայկ Մարգարյանը ֆեյսբուքյան իր էջում գրում է

Ամեն ինչ պիտի մի քիչ խորը նայել. Նախ պետք է հասկանալ Աղջկան ծեծելը ինչպիսի մոտիվ ունի անձնակա՞ն, թե՞ քաղաքական, եթե անձնական, ապա արդյո՞ք աղջիկը կարող էր մարդուն հասցնել այնպիսի եռման կետի, որ մի քանի օր անընդմեջ հետևեին նրան, որսային հարմար պահ և մարդկային բոլոր հատկանիշները կորցրած, ենթարկեին դաժան ծեծի, կարծում եմ անձնական մոտիվը մի քիչ անհավանական է, երկրորդ տարբերակը քաղաքական է, որը հասկանալու համար նախ պետք է հասկանանլ, թե ո՞ւմ էր ձեռնտու, պետք է հաշվի առնել, որ քաղաքականության մեջ խիղճ, մարդկային արժեքներ և այլ հումանիստական օրենքներ չեն գործում, այնտեղ կա առաջադրանք, դրա կատարում կամ չկատարում։

Իշխանություններին ամեն օր ամենագեղարվեստական հայհոյանքներն են ուղղում և ամենատարբեր ընդդիմադիր գործողություններն են ծավալում բազմաթիվ հայտնի կամ անհայտ դեմքեր, մի՞թե ծեծված աղջիկը նրանցից ամենավտանգավորն էր, չեմ կարծում, մի՞թե իշխանությունները այնքան միամիտ են, որ նման ծեծ կազմակերպելուց առաջ հաշվի չեն առել բարձրացվելիք աղմուկի ուժգնությունը և իրենց առանց այն էլ երերուն դիրքը, չեմ կարծում։ Քաղաքական ցանկացած ճամբարում բարոյականության նորմերը մինիմումի վրա են, դա բոլորին է հայտնի, և հավանաբար ընդդիմադիր վերին օղակներում ցնծում են այս դեպքի համար, քանի որ սա կարող է մեծ աղմուկ բարձրացնել, և այստեղ առաջ է գալիս հաջորդ տարբերակը՝ սադրանք։

Քաղաքականության մեջ սեփական ֆիգուրին զոհաբերելը բոլոր ժամանակներում էլ եղել է ուժեղագույն հնարք։ Եթե հաշվի առնենք նաև արտաքին ազդեցությունը ՀՀ ներքին քաղաքական զարգացումների վրա, ապա կարելի է առաջ քաշել ևս մեկ վերսիա՝ պատվեր դրսից, մի խոսքով տարբերակներ շատ կարելի է քննարկել, բայց իրականությունը միանգամայն այլ կարող է լինել, ինչևէ աղջկան եկեք ի սրտե մաղթենք շուտափույթ ապաքինում և առողջություն։