Շոու բիզնեսի ամենահայտնի դեմքերը՝ «Իմ քեռի Ռաֆայելը» ֆիլմի պրեմիերային

Blognews.am-ը գրում է.

 

Տոնական օրերին Երևանում կայացավ «Իմ քեռի Ռաֆայելը» ֆիլմի պրեմիերան։ Տոներին ընդառաջ հոլիվուդյան ֆիլմը կրկնօրինակվել է հայերենով։ «Իմ քեռի Ռաֆայելի» սցենարի հեղինակը  Վահիկ Փիրհամզէին ու Սքոթ Յագեմանն են, ռեժիսորը՝  Մարկ Ֆուսկոն։ Ֆիլմում խաղացել են Վահիկ Փիրհամզէին, Ռաքել Բլանկարդը, Թադեհ Ամիրյանը, Ջեյսոն Ավալոսը և այլք։

 

 

Գլխավոր հերոսին՝ քեռի Ռաֆայելին և նրա որդուն՝ Համոյին մարմնավորում է Վահիկ Փիրհամզէին։ BlogNews-ի հետ զրույցում Վահիկն ասաց, որ Համոյի կերպարը կերտելու համար նիհարել է մոտ 35 կգ։ «3 ամիս ամեն առավոտյան ժամը 5-ին 45 րոպե լողանում էի, բացի այդ՝ մարզվում էի և դիետա պահում։ Այդ ամենը հեշտ է լինում, երբ  նպատակ ես ունենում։ Ռաֆայելի դերի համար ինձ մոտ 4-5 ժամ դիմահարդարում էին անում, մոտ 2 ժամ՝ մաքրում։ Առաջին, երկրորդ օրերը հպարտ և ուրախ էի, սակայն չորրորդ, հինգերորդ օրը դա արդեն հոգնեցուցիչ  էր»,- ասաց նա։

 

Ռաֆոյի և Համոյի դերերի կրկնօրինակումը հենց Վահիկն է արել, մյուս դերերի համար ընտրվել են պրոֆեսիոնալ դերասաններ։

 

 

Ֆիլմի պրեմիերային ներկա էին շոու բիզնեսի հայտնի դեմքերը՝ Մկոն, Սոս Ջանիբեկյանը, Խորեն Լևոնյանը, Ռոլանդ Գասպարյանը՝ կնոջ՝ Գայանեի հետ, Հրանտ Թոխատյանն ու Լուիզա Ներսիսյանը, Անդրեն, Ինգա Արշակյանը ամուսնու՝ Աշոտի հետ, Անուշ Արշակյանը, սուրեն Առուստամյանը, Արսեն Գրիգորյանը, Ռաֆայել Երանոսյանը և այլք։

Ֆիլմից հետո Մկոն BlogNews-ին ասաց, որ հավանել է ֆիլմը։ «Շատ դրական, լավ ֆիլմ էր։ Վահիկի կերպարը շատ հավանեցի, ստացված  էր։ Ամերիկյան կատակերգության բոլոր օրենքներով նկարված ֆիլմ էր»,- նշեց դերասանը։

 

 

Սոս Ջանիբեկյանն էլ նշեց, որ ինչ կարծիքներ էլ պտտվեն, ժամանակակից հայկական ֆիլմերի համեմատ կցանկանա, որ իր երեխան այս ֆիլմը դիտի։ «Բարի, հեքիաթային ֆիլմ է։ Ես այս ժանրի երկրպագու չեմ, սակայն որպես թեթև ֆիլմ՝ լավն էր։ Հումորներ կան, որոնք մեզ համար գուցե հին են, քանի որ շատ ենք արել և տեսել, բայց ընդհանուր առմամբ, որ ուրախ եմ, որ եկա այս ֆիլմի պրեմիերային»,- ասաց նա։