Գեղեցիկ մի ծնվիր․ ինչպիսին է Մարկ Ցուկենբերգի կինը (լուսանկարներ)

Past.am

Կարող է թվալ, թե հարուստ ու հմայիչ տղամարդիկ բացառապես գեղեցկուհիների են ընտրում՝ իբրեւ իրենց կյանքի ընկեր։ Այնինչ նայելով այս զույգին՝ հիշում ես ռուսական հայտնի ասացվածքը՝ գեղեցիկ մի ծնվիր, երջանիկ ծնվիր․․․

Ֆեյսբուք սոցկայքի հիմնադիր, երիտասարդ միլիարդատեր Մարկ Ցուկենբերգը բավական հմայիչ երիտասարդ է, իսկ ահա նրա կինը՝ Պրիսցիլլան, ոչ այնքան։ Շատ հանդեսներ բազմիցս նրան որակել են, մեղմ ասած, ոչ այնքան գեղեցիկ։

Բայց արի ու տես, որ Ցուկենբերգը հենց նրա կողքին է երջանիկ,ինչը գալիս է ապացուցելու, որ մարդու արտաքինն ամենեւին էլ կարեւոր չէ, կարեւորը նրա հոգին է։ 33,4 միլիարդ դոլար կարողություն ունեցող Ցուկենբերգը վերջերդ դուստր ունեցավ ու նրա ծնվելուց հետո հայտարարեց, որ իր կարողության 99 տոկոսը կծախսի բարեգործության վրա։ Այլ կնոջ գուցե կաթված խփեր դրանից հետո, միայն ոչ Պրիսցիլլա Չանին։

Նախ, նրանց մնացած մեկ տոկոսն էլ բավական է՝ անհոգ կյանքով ապրելու համար, բացի այդ՝ Պրիսցիլլան ի սկզբանե երբ ամուսնանում էր միլիարդատիրոջ հետ, հարուստ չէր, հասարակ ուսուցչուհի էր՝ կարիքներին սովոր։

Պրիսցիլլայի ընտանիքը Չինաստանից է ԱՄՆ գաղթել, մինչ օրս էլ ապրում են Մասաչուսետսում, սակայն տանը խոսում են մայրենի չինարենով։ Պրիսցիլլայի մայրը ստիպված էր երկու տեղ աշխատել, որպեսզի դուստրը կարողանա համալսարան ընդունվել։ Իսկ արդեն Հարվարդի համալսարանում՝ լոգարանի հերթում, Պրիսցիլլան ծանոթանում է Մարկի հետ։

Զույգը սկսեց հանդիպել, իսկ 10 տարի անց ամուսնացան՝ 2012 թվականի մայիսի 19-ին։ Հարսանիքին շատ քիչ մարդիկ կային, ընդ որում՝ զույգը ոչ ոքի չէր զգուշացրել, որ դա իրենց հարսանիքի օրն է, բոլորը գիտեին, թե պարզապես խնջույք է լինելու։ Պրիսցիլլան քիչ է շպարվում, պլաստիկ վիրահատություններ չի անում, եւ անգամ երբեմն մոռանում է սանրվել։ Չի սիրում շոփինգ ու բրենդային իրեր, հագնում է այն, ինչ առաջինն է հանդիպում պահարանում։ Մարկը մեկ անգամ չէ, որ խոստավանել է, որ կնոջ մեջ իրեն հեց այդ անմիջականությունն է գրավել։