Օրվա բաղադրատոմսը. Ընկույզով տորթ

Բաղադրիչներ

Բիսկվիթի համար՝
կարագ – 250գր
ընկույզ – 250գր
շաքարավազ – 150գր
ձու – 5 հատ
շաքարի փոշի – 50գր
ալյուր – 50գր
փխրեցուցիչ – 5գր
աղ ծովի – 5գր
ջեմ նարինջի – 100մլ (կարելի է օգտագործել ցանկացած թթվաշ ջեմ)
Շոկոլադե գանաշի համար՝
սերուցք 30-35% յուղայնությամբ – 120մլ
շաքարավազ մանր – 60գր
շոկոլադ սև – 60գր
կարագ – 25գր
աղ ծովի – 1 պտղունց

Պատրաստման եղանակ

• Խառնել բլենդերում մանրացված ընկույզը, փխրեցուցիչը, ալյուրը և 1 պտղունց աղը:
  Առանձնացնել ձվի սպիտակուցները դեղնուցներից: Տեղափոխել սպիտակուցը սառնարան:
  Փափկած կարագը հարել շաքարավազի հետ, ապա ավելացնել դեղնուցները, լավ հարել մինչև սպիտակ զանգվածի առաջացոմը: Ավելացնել ալյուրը ընկույզի և փխրեցուցիչի հետ և դանդաղ խառնել մինչև միատարր դառնալը:
  Սառած սպիտակուցները հարել 1 պտղունց աղի հետ, ավելացնել շաքարի փոշին և շարունակել հարել մինչև պինդ և հարթ փրփուրի առաջացումը: Այնուհետև գդալ առ գդալ ավելացնել սպիտակուցային զանգվածը դեցնուցներին, խառնել շատ զգույշ ներքևից վերև շարժումներով:
  Ձևամանը պատել բուսայուղով, ապա հատակին փռել պերգամենտային թուղթ: Ձևամանի մեջ լցնել խմորը և թխել ջեռոցում 40-50րոպե 180աստիճանում:
• Խորը կաթսայի մեջ խառնել սերուցքը աղի հետ, տեղախոխել կրակի վրա, հասցնել եռման վիճակի և հանել կրակի վրայից:
• Մեկ այլ չոր կաթսայի մեջ լցնել շաքարավազը, դնել կրակի վրա և առանց խառնելու թողնել շաքարավազը հալչի և կարամելային երանգ ստանա: Ժամանակ առ ժամանակ կարելի է թավան թեթևակի թափահարել, որպեսզի շաքարավազը հավասարաչափ տարածվի կաթսայի հատակին:
  
• Հենց որ ստացվի միատարր կարամելային զանգված, միանգամից հանել կրակի վրայից:
  
• Այնուհետև կարամելային զանգվածը լցնել տաք սերուցքի վրա: Խառնել առաջացած զանգվածը մինչև միատարր դառնալը: Եթե կարամելը գնդիկներ առաջացնի, ապա հարկավոր է շարունակել հարելը ձեռքի հարիչով կամ գդալով մինչև զանգվածի միատարր դառնալը: Անհրաժեշտության դեպքում կարելի է մի քիչ տաքացնել կրակի վրա և շարունակել հարելը:
• Կտրատած շոկոլադը լցնել ամանի մեջ, ավելացնել տաք կարամելային սերուցքը, կարագը և սկսել դանդաղ խառնել մինչև միատարր զանգվածի առաջացումը: Հարել ստացված գանաշը բլենդերում:
• Կտրել բիսկվիթը 2 շերտով: Առաջին շերտի վրա քսել նարինջի ջեմը:
  
• Ապա դնել բիսկվիթի երկրորդ շերտը: Տորթի վրա քսել շոկոլադե գանաշը:
  
• Թողնել տորթը հանգստանա 1-2 ժամ, որից հետո համտեսել:
  

Ի դեպ, վիեննական ընկույզով տորթի մեջ կարելի է օգտագործել ցանկացած ցիտրուսային ջեմ: Փորձեք պատրաստել նաև մանդարինի ջեմով, այն նույնպես հիասքանչ զուգակցվում է շոկոլադե գանաշի և ընկույզի համի հետ: