Տոներից հետո արագ նիհարելու երեք կանոն

Wnews.am-ը գրում է.

Տոները շատերի համար հանդիսացան ոչ միայն լավ հանգստի, այլ նաեւ ավելորդ կիլոգրամներ կուտակելու առիթ։

Ինչպես արագ ազատվել հետտոնական ավելորդ կիլոգրամներից…Wnews.am-ը կփորձի օգնել ձեզ այդ հարցում։

 

Ամանորին շատերը մեծ ուշադրություն են դարձնում տոնական սեղանի ճոխությանն ու առատությանը, որտեղ գրեթե բացակայում է թեթեւ սնունդը։ Մայոնեզով աղցաններ, ճարպոտ միս, խմորային ուտեստներ… մի խոսքով ամենը, ինչը բերումը է գիրացման։ Սակայն պետք չէ հուսահատվել, ամեն ինչ կարելի է արագ վերականգնել։

Տոներից հետո առաջին բանը, որն անհրաժեշտ է անել, օրգանիզմի բեռնաթափումն է։

Բեռնաթափման տեսակը կարող եք ընտրել ըստ ձեր նախապատվության։ Մածուն, խնձոր, կաթնաշոռ, մանդարին, բրինձ կամ հնդկաձավար. ընտրեք  նշված մթերքներից որեւէ մեկը եւ ողջ օրվա ընթացքում կերեք միայն դա։

Տոներից հետո քաշից ազատվելու եւս մեկ լավ տարբերակը աղցաններ ուտելն է։ Յոթ օր շարունակ կերեք միայն բանջարեղենային աղցաններ։ Դրանց բաղադրության մեջ չպետք է լինի մայոնեզ։ Սննդակարգը կարող է լրացվել անյուղ կաթնաշոռով, կանաչ խնձորով, թուրինջով։

Ի դեպ, նման սննդակարգը ոչ միայն կօգնի ազատվել ավելորդ կիլոգրամներից, այլ նաեւ բարելավել մաշկի վիճակը։

Արագ արդյունքի հասնելու համար չպետք է մոռանալ նաեւ մարզվելու մասին։ Օրվա մեջ դրան հատկացրեք 30-40 րոպե, կամ մարզվեք շաբաթը 3 անգամ 1-2 ժամ։ Այսպիսով ոչ միայն կնիհարեք, այլ նաեւ կունենաք գեղեցիկ, հավասարաչափ ու գրավիչ մարմին։