«Ընտրված երգը իմ տարիների ընկերն է...». Ավո Ադամյանի «Դաժան է սերը» տեսահոլովակի նկարահանման բացառիկ մանրամասները

Past.am-ը Ձեզ է ներկայացնում երգիչ Ավո Ադամյանի և Հրաչ Քեշիշյանի համատեղ աշխատանքը: Երգիչը հունվարի 15-ին կներկայացնի իր նոր՝ «Դաժան է սերը» երգի տեսահոլովակը: Ստորրև ներկայացնում ենք որոշ մանրամասներ երգի ընտրության, երգի խեսքերի և երաժշտության, տեսահոլովակի նկարահանման հրապարակից լուսանկարներ, որոնք դուրս են մնացել կադրից, ինչպես նաև տեսահոլովակի անոնսը: 

Դաժան է սերը , ատում եմ նրան...Հրաչ Քեշիշյանի և Ավո Ադամյանի համատեղ աշխատանքի արդյունքում կա հրաշալի տեսահելովակ: Երգիչը տեսահոլովակի սցենարը միանշանակ վստահել է ռեժիսորին ու առհասարակ ստեղծագործական ամբողջ թիմը եղել են պրոֆեսիոնալներ:

Հեռուստադիտողը հունվարի 15-ին ականատես կլինի պրեմիերային:

-Ինչպես ընտրվեց երգը:

-Երգն է ընտրել ինձ: Այն ունի պատմություն, անցած ճանապարհ:

- Ինչ ի նկատի ունես:

-Դեռ դպրոցական տարիքից կատարել եմ այս երգը:

-Ով է հեղինակը:

-Հեղինակը անհայտ է, եթե հայտնվի, որևէ մեկը և կարողանա փաստացի ապացուցել, որ իր ստեղծագործությունն է մեծ շնորհակալ կլինեմ: Երգի ընտրությունից հետո գործիքավորումը կատարել է Արսեն Բարսամյանը, ռեժիսորը` Հրաչ Քեշիշյան:

-Դու միջամտություն ունեցել ես սցենարային հարցերում:

-Ոչ , կատարել եմ այն ինչ ինձնից պահանջել է ռեժիսորը, առհասարակ մտածում եմ , որ երգիչը պիտի զբաղվի միայն իր կատարումով, իսկ տեսահոլովակի հետ կապված մյուս հարցերը վստահի համապատասխան մասնագետներին:

-Այս տեսահոլովակդ ինչով է տարբերվում մյուսներից:

-Նրանով, որ ընտրված երգը իմ տարիների ընկերն է: Հազար անգամ երգելուց հետո էլ հուզվում եմ: Նախապես ասեմ տեսահոլովակում առկա տեսարանները կապ չունեն իմ անձնական կյանքի հետ:

-Կլինեն քննադատություններ, ինչպես ես վերաբերվում դրանց:

-Իմ գործերի մեջ առաջին քննադատը ես եմ լինում ու հերթական աշխատանքս ներկայացնելուց մտածում եմ, որ ավելի լավը կարող էր լինել: Սա այն եզակի դեպքն է, որ չեմ կարողանում թույլ տեղը գտնել: Այս երգում էություն, հոգեվիճակ կա, ունի անհատական ընկալում մեզնից յուրաքանչյուրի կողմից: