Ամենակամակոր եւ վնասակար կանայք՝ ըստ Կենդանակերպի նշանների

Այծեղջյուր

Այծեղջյուր-կնոջ նվիրական կարգախոսն է՝ ինքնատիրապետում։ Նա միշտ փորձում է վերահսկել ինքն իրեն, սակայն իր ներսում բոցավառվող կրքերի հուր է բռնկվում։ Երազում է հանդիպել իսկական տղամարդու և վախենում է սիրահարվել։ Այս չափազանց զգուշավորության պատճառով հաճախ սխալ ընտրություն է կատարում, իսկ հետո, բնականաբար՝ տառապում։ Մի սպասեք նրանից զգացմունքների բուռն զեղումների՝ նույնիսկ եթե սիրում է, միևնույն է, ամեն բան կանի, որպեսզի ցույց տա իր անտարբերությունը։ Իր սառցե կաղապարը հալեցնել կարող են միայն արհեստավարժ հոգեբանը կամ կուրորեն սիրարհաված, հույսերով լի մեկը։ Ու եթե դու ակնկալում ես կրակոտ, ռոմանտիկ հարաբերություններ, քնքուշ սիրո խոստովանություններ, ապա սխալ հասցեով ես դիմել։ Սակայն նրան կարելի վստահել։

Ջրհոս

Ջրհոս-կինը ազդակային է, դյուրագրգիռ, սակայն հեշտությամբ հանդարտվող։ Տղամարդկանց վերաբերվում է թեթև և նրանց ավելի շատ ընկալում է որպես ընկեր, քան ամուսին։ Ջրհոս-կնոջից լավ ընկեր չեք գտնի։ Բուռն կրքերից նա խուսափում է, այդ պատճառով, զգացմունքերի ակտիվ արտհայտումով և նույնիսկ սեփականատիրական դրսևորումներ ակնարկներով, կարող ես հասնել միայն նրան, որ Ջրհոսը կվախենա և կփախչի անհայտ ուղղությամբ։

Ձկներ

Ձուկ-կինը ապրում է իր պատրանքների աշխարհում։ Նա շատ զգայուն  է, լացկան և միշտ տառապում է այն զգացումով, որ նրան դավաճանել են։ Նա միշտ ձեր զգացմունքի ապացույցին է սպասում, այլապես նա կասկածներով հոգեհան կանի ինքն իրեն, ապա՝ ձեզ։ Սակայն նույնիսկ օրական մի քանի անգամ այս խոստովանությունները լսելուց հետո, նրա համար դա սովորական է դառնում, և ամեն բան սկսվում է նորից։ Մի խոսքով՝ փակուղի։

Խոյ

Եսասեր և անկախ կին-Խոյը սիրում է իշխել։ Պաշտում է, երբ նրան աստվածացնում են և կատարում են նրա բոլոր ցանկությունները։ Նա չափազանց քմահաճ է։ Վեճի ժամանակ Խոյը երեխայի պես կարող է լաց լինել, մինչև որ իր ուզածով կլինի։ Սակայն եթե նույնիսկ ձեզ հաջողվի գոհացնել նրան այնքան, որ նա կխոստովանի իր սերը, մի հավատացեք և հավատարմություն մի սպասեք նրանից․ հորիզոնում հայտնված նոր երկրպագու տեսնելով՝  մեկ ակնթարթում կմոռանա ձեզ։

Ցուլ

Ձեզ բա՞խտ է վիճակվել հանդիպել Ծուլ-կնոջը։ Օ՜․․․ուրեմն անպայման սպասեք լաց ու կոցի, դրամատիկ տեսարանների և պատրաստ եղեք, որ նա ափսեներ կկոտրի, հնարավոր է, որ հենց ձեր գլխին․․․Հույս չունենաք, որ կարող եք վիճել նրա հետ, իսկ ներում հայցելը՝ անշնորհակալ և անարդյունք գործ է։ Ավելի լավ է ընդունեք անխուսափելին և համաձայնվեք, որ նա իրավացի է։ Երբ կրքերը հանդարտվեն, նրա հետ կկարողանաք լեզու գտնել։

Երկվորյակ

Նրանք տանել չեն կարողանում միապաղաղությունը և ունակ են հաճախ փոխել տղամարդկանց։ Եթե դու նրա բոյֆրենդն ես, ապա պատրաստ եղիր, որ նա հենց քո աչքի առաջ քո ընկերոջ հետ սիրախաղ կսկսի։ Եթե նույնիսկ նա երդվի, որ սիրում է քեզ, վաղ թե ուշ ազատություն կպահանջի, սակայն մեծ ուրախաությամբ այն կտրամադրի նաև քեզ։ Եթե չես ուզում կորցնել նրան, ստիպված ես ընդունել այս պայմանները։ Իմիջիայլոց նա միշտ կարիերան կգերադասի տնային տնտեսությանը։

Խեցգետին

Չկա ավելի ձանձրալի և լացկան էակ, քան Խեցգետին-կինը։ Նրան, ում սիրում է, հավատարիմ է մինչև հոգու խորքը և կգնա նրա հետևից նույնիսկ աշխարհի ծայրը։ Նույնն էլ պահանջում է սիրելիից։ Սակայն ոչ բոլորին դուր կգա, որ ամեն տեղ նրան մի ստվեր է հետևում ՝ նույնիսկ եթե դա աշխարհի ծայրն է։ Եթե Խեցգետնին թվա, որ զգացմունքը նրա հանդեպ մի փոքր նվազել է, նա կթաքնվի խորը դեպրեսիայի մեջ։ Վեճերով նրանից ոչինչ չեք ստանա․ այստեղ կօգնի միայն քնքշությունը․ քնքշություն և սեր։ Եվ կստանաք ինչ ուզում եք։

Առյուծ

Առյուծը փառամոլ է և իշխող, նա զգացմունք չի վատնի մեկի վրա, ով  չի համապատասխանում նրա չափանիշներին, որոնք,  օրինակ, Էվերեստի մակարդակի պետք է լինեն։ Կինն իրեն համարում է Տիեզերքի տիրուհին, այդ պատճառով  իր կողքին պետք է արժանի տղամարդ լինի։ Երբ խոցված է իր ինքնասիրությունը, նա իր մեջ չի գծագրի վրեժ լուծելու պլան, այլ ամեն բան իրեն նեղացնողի երեսին կասի։ Եվ նրա ելույթից հետո փոթորիկը կամ ցունամին ուղղակի մանկական նոթատետրում նկարած ծաղիկներ կթվան։ Այս կատաղի կնոջը նվաճելու համար պետք է մի թանկարժեք նվեր գնել (ցանկալի է ադամանդե զարդ) և համոզել, որ նա քեզ հանդիպած կանացից ամենալավն է, և, ընդհանրապես, Աստվածուհի է․․․Սակայն մի մոռացիր արիությանդ մասին, այլապես նա կանցնի քո վրայով ու չի էլ նկատի։

Կույս

Կարծում ես, որ միայն Առյուծների՞ մոտ են բարձր չափանիշներ։ Կույսերի մոտ ոչ պակաս բարձր են։ Հետևաբար, նրան դժվար է ընտրություն կատարել։ Սակայն ընտրության չափանիշները մի փոքր այլ են, քան Առյուծի մոտ։ Օրինակ՝ Կույսը կարող է շփվել ծույլիկների և անհաջողակների հետ, որոնց կողմ Առյուծը երբեք չի նայի։ Կույսը, որպես կանոն, թեթևամիտ է։ Սիրած պատասխանը՝ առարկությունն է, սիրած գործը՝ քննադատությունը։ Մի խոսքով, հոգ տարեք ձեր նյարդային համակարգի մասին և ձեռքի տակ միշտ հանգստացնող կաթիլներ պահեք։

Կշեռք

Կշեռք-կանայք համոզված են, որ նրանք հմայիչ ու գերող են։ Պաշտում են հավաքույթները և ուշադրությունը։ Իմիջիայլոց, նրանց հետաքրքիր են ոչ թե տղամարդիկ, այլ հիացած երկրպագուներն ու ծափահարությունների ալիքը։ Կյանքը Կշեռքների համար խաղ է, ոչ թե կենցաղ, և նրանք խաղում են ամբողջ կյանքում։ Պաշտում են ճոխությունն ու տանել չեն կարողանում տհաճ պարտականությունները։

Կարիճ

Եթե դուք որոշել եք Կարիճ ընկերուհի ունենալ, ապա համարեք, որ գնացել եք պատերազմի։ Նրա հետ կամ շատ լավ է, կամ շատ վատ, կամ երկուսն էլ միասին, հերթով․․․առանց ոսկե միջինի։ Այսպիսով, եթե դուք քարե նյարդերի և երկաթե քաջության տեր չեք, ապա այս հազվագյուտ նմուշահատը ձեզ համար չէ։ Խորամանկ Կարիճը երկար չի կարող իրեն հակասող հեզ և քնքուշ էակի տպավորությունը պահել. վաղ թե ուշ նրա էությունը կգերակայի։ Եվ եթե նրա կարծիքով ձեզ հետ ինչ-որ բան այն չէ, ապա ոչինչ նրան չի կանգնեցնի։ Տանել չի կարող ժլատությունը և շատ, հիշեք՝ շատ խանդոտ է։ Եթե ձեր հեռախոսի մեջ մեկ այլ աղջկա հաղորդագրություն հայտնաբերի, հավատացեք, դուք կցանկանաք ոչնչացնել այդ հեռախոսը։ Իսկ թե ի՞նչ կլինի, եթե նա կասկածի ձեզ դավաճանության մեջ․․․ավելի լավ է չասենք։

Աղեղնավոր

Աղեղնավոր-կինը ավելի շատ տղամարդ է, քան կին։ Դուք նրանից քնքշություն և հանգստությու՞ն եք ակնկալում։ Ո՜չ։ Դուք ստիպված կլինեք ընդունել նրան այնպիսին, ինչպիսին որ նա կա, և չբողոքել։ Չնայած, ամեն դեպքում դուք բողոքելու եք։ Նա սիրում է լինել տղամարդկանց շրջապատում և հենց ձեր աչքի առաջ, որովհետև սիրում է ուշադրությունը։ Այնպես որ, կարող եք նախապես շատ խորը պահել ձեր խանդը, այլապես նա կփախչի՝ ձեր բուռն կրքերից վախեցած։ Բայց նաև ուշադիր եղեք՝ երեկույթին Կարիճը անկյունում խելոք չի նստի, այնպես որ հետևեք նրան, քանի դեռ շրջազգեստով այս գեղեցկուհին մեկ ուրիշին չի գտել:

Ըստ՝ dictat.net

NEWS.am STYLE