ԱՄՆ կարճաժամկետ հյուրախաղերը և կրկին արյունաքամվող հայ ժողովուրդը. Արտակ Զաքարյան

Ըստ տեղեկատվության` Հայաստան ժամանող Սամանթա Փաուերը «կվերահաստատի ԱՄՆ աջակցությունը Հայաստանի ժողովրդավարությանը, ինքնիշխանությանը, անկախությանը և տարածքային ամբողջականությանը, ինչպես նաև Լեռնային Ղարաբաղից բխող մարդասիրական կարիքները բավարարելու հանձնառությանը»:

 

Արցախը ցեղասպանվում և էթնիկ զտումների ենթարկվելով` կործանվում է: Հայաստանի տարածքային ամբողջականությունը վաղուց ոտնահարված է: Անկախությունը` հենց նույն արևմուտքի ջանքերով կախվել է թուրք-ադրբեջանական ցանկություններից:

 

Իսկ ժողովրդավարության մասին խոսելիս` տես ՀՀ ոստիկանության վայրագություններն ու դատական բեսպրիդելը: Դա լրիվ բավարար է երկերեսանիության համար:

 

Սեփական ազգին դավաճանած, հայրենազրկած, սպանած, բռնաճնշումների ենթարկած և ուրացող իշխանությանն աջակցելը` ԱՄՆ կողմից պայթյունավտանգ և թունավոր նվեր է հայ ժողովրդին:

 

Բոլորս շատ լավ տեսնում ենք, որ Հարավային Կովկասում ԱՄՆ իրական գործընկերն Ադրբեջանն է, իսկ դաշնակիցը` Թուրքիան: Իսկ միջազգային հանրությունը` Հայաստանը վերածել է արնաշաղախ խմորի, որից ինչ կամենա, այն էլ կստանա:

 

Հայաստանի մարիոնետ կառավարիչները ո´չ ԱՄՆ-ում, Արևմուտքում, ո´չ Ռուսաստանում, ո´չ էլ այլ տեղերում ընկեր չեն կարող ունենալ:

 

Կյանքում էլ է այդպես. ո՞վ կցանկանա ընկերություն անել դավաճան, քցող, անվստահելի բոսյակի հետ: