Յուրահատուկ այս միջավայրի ստեղծումը Տաթևում Ռուբեն Վարդանյանի հերթական և կարևոր ներդրումն է մեր երկրի համար կարևոր նշանակություն ունեցող անկյունում․ Մեսրոպ Առաքելյան

Հալիձոր գյուղում բացված կենտրոնը ստեղծվել եւ գործելու է՝ հիմք ընդունելով Դիլիջանի համայնքային կենտրոնի (Dilijan Community Center) հաջող մոդելն ու փորձը։

 

Ինչպես Դիլիջանի, այնպես էլ այս կենտրոնի իրականացումը շնորհիվ «Ռուբեն Վարդանյան» հիմնադրամի է։

 

Յուրահատուկ այս միջավայրի ստեղծումը Տաթևում Ռուբեն Վարդանյանի հերթական և կարևոր ներդրումն է մեր երկրի համար կարևոր նշանակություն ունեցող անկյունում․ նպատակն էլ՝ որակյալ կրթության և ստեղծագործ միջավայրի ապահովման շնորհիվ Տաթևը հզոր ներուժով համայնք դարձնելն է։

 

Համայնքային կենտրոնում առանձնահատուկ ուշադրություն կդարձվեն տարիքային տարբեր խմբերի համար նախատեսված կրթական ծրագրերին, որոնք ներառելու են դասընթացներ, մասնագիտական ուսուցումներ, ինչպես նաեւ առօրյա կյանքում անհրաժեշտ հմտությունների դասավանդում։

 

Կենտրոնը դառնալու է նաև համայնքի բնակիչների հանդիպումների, շփումների, գաղափարների քննարկման, տարատիպ ցուցահանդեսների, համերգների և այլ միջոցառումների կազմակերպման վայր։

 

Կենտրոնի բացմանը մասնակցել է նաև Ռուբեն Վարդանյանի ավագ որդին՝ Դավիթ Վարդանյանը։