Ինչո՞վ էին մինչեւ հիմա զբաղված ԵԽԽՎ-ում Հայաստանի պատվիրակության անդամները

Մկրտիչ Իսրայելյանը Ֆեյսբուքյան իր էջում գրում է.

Էսօր ամբողջ օր համացանցում ստորագրահավաքի կոչեր են հնչում՝ ընդդեմ ԵԽԽՎ-ում սպասվող հակահայկական բանաձեւերի ընդունման: Կազմակերպիչները հավանաբար ցանկանում են, որպեսզի հայ հասարակության ստորագրությունների միջոցով ճնշում գործադրվի եվրոպացի պատգամավորների վրա, որպեսզի այդ բանաձեւերը՝ որոնց հետեւում Ադրեբջանն է կանգնած, չընդունվեն: Արդար գործ է, բան չունեմ ասելու, բայց հարց է ծագում, իսկ ինչո՞վ էին մինչեւ հիմա զբաղված ԵԽԽՎ-ում Հայաստանի պատվիրակության անդամները: Էդ պատվիրակության անդամները` ամեն մի եվրոպական թանկարժեք գործողումներից հետո գալիս են, լրատվամիջոցների առաջ հերոսական կեցվածք ընդունում ու սկսում են հեքիաթներ պատմել, թե ինչպես են եվրոպաներում ադրբեջանցի պատգամավորների պորտը տեղը դրել:

Սակայն, եթե մեր պատգամավորների պատմածները հեքիաթներ չլինեին, ապա ԵԽԽՎ-ն հակահայկական բանձեւեր չէր ընդունի ու էսօր էլ հասարակությունից ստորագրություն հավաքելու կարիք չէր լինի: Հլը մի հատ ուշադրություն դրաձրեք՝ սահմանում հիմնականում սովորական քաղաքացիների երեխաներն են կռիվ տալիս թշնամու դեմ, հիմա էլ եվրոպաներում մեր պատվիրակության անդամների փոխարեն պտի էլի հասարակ քաղաքացիները <կռիվ> տան, որ հետո եվրոպաներում ֆռֆռացող մեր պատվիրակության անդամները գան ու սկսեն իրենց սուտի հերոսությունների մասին գլուխ գովան: Ու ընդհանրապես՝ ուրիշ ժամանակ լինի եվրոպացիներին խավիարով ու նավթադոլարներով ծախվածներ կհամարեք, հիմա ինչի եք որոշել, որ էդ ստորագրահավքը խավիարի ու նավթադոլարի արժեք են ունենալու ՃՃ