Գարուն-ամառ 2016-ի 10 նորաձև գույները

Յուրաքանչյուր սեզոն բացահայտում է նոր նորաձև գույներ, և, իհարկե, գարուն-ամառ 2016-ը նույնպես թելադրում է իր միտումները:Գույնը պետք է ներդաշնակի մեր արտաքինի հետ և, անշուշտ, նորաձև լինի:

Ամերիկյան Pantone Color Institute-ի մասնագետները նշել են գարուն-ամառ 2016-ի 10 ամենանորաձև գույները: Գունային ներկապնակը ներառում է բնությանը մոտ երանգներ, որոնք հիշեցնում են կանաչ բնությունը, ծովի ալիքները, հասած մրգերը:

Rose Quartz – վարդագույն կվարց

Սա գալիք սեզոնի ամենագլխավոր գույնն է: Այս նուրբ երանգը պարգևում է թեթևություն և հանգստություն՝ ինչպես բնական կարմրությունը կամ ծաղկող ծաղիկը: Այն լավ է նայվում և առանձին և գարուն-ամառ 2016 սեզոնի այլ գույների համադրությամբ:

Peach Echo – դեղձային արձագանք

Այս ցուցակի մեջ ներառվել է նարնջագույնը՝ դեղձի երանգի տեսքով: Այն ստացել է Արձագանք անվանումը, քանի որ շատ նուրբ է և հիշեցնում է ավելի շատ դեղձի համեղ պաղպաղակ, քան հենց միրգը:

Serenity – անդորր

Սա թեթևության, հարմարավետության և անվրդովվության գույն է, որը հիշեցնում է գարնանյին երկինքը: Այն այնքան ունիվերսալ է, որ համադրվում է յուրաքանչյուր այլ գույնի հետ, սկսած վառից մինչև մեղմ երանգները:

Snorkel Blue – խորջրյա կապույտ

Այս գույնը կարելի է տեսնել միայն օվկիանոսի խորքերում կամ գարուն-ամառ 2016 հավաքածուի մեջ: Շատ դիզայներների մոտ սա հիմնական գույնն է:

Buttercup – հրանունկ

Դեղինն ամռան գլխավոր գույնն է․ եթե անցյալ գարուն-ամառ սեզոնին այն մեղմ և բաց էր, ապա այս սեզոնին վառ է ու հարուստ: Այս գույնը շատ լավ է համադրվում Snorkel Blue և Serenityգույների հետ:

 

Limpet Shell – խեցեգույն

Սա մեկ այլ ծովային գույն է, որը տեսնելու համար կարիք չկա սուզվել օվկիանոսի խորքերը: Այն կարելի է տեսնել ափին, ոսկեգույն ավազի ֆոնին: Գույնը ինքնին հիանալի է: Այն համադրելի էIced Coffee Rose Quartz և Peach Echo երանգների հետ:

Lilac Gray – մանուշակագաույն-մոխրագույն

Դասական մոխրագույնն արդեն վաղուց հոգնեցրել է, այդ իսկ պատճառով դիզայներները որոշել են այն դարձնել ավելի կանացի՝ ավելացնելով մանուշակագույն երանգ: Այս գույնի նույնիսկ գործնական հագուստը չի թվա ձանձրալի և մռայլ:

Fiesta – ֆիեստա

Այրող, վառ-կարմիր գույն, որը առանձնանում է այլ երանգների ֆոնին: Չնայած նրան, որ այս գույնն ավելի լավ է չխառնել մյուսների հետ, քանի որ առանձին շատ լավ է նայվում, սակայն ցանկության դեպքում կարող եք համադրել սեզոնի այլ գույներից որևէ մեկի հետ:

Iced Coffee – սառույցով սուրճ

Այս գույնը շատ լավ կնայվի մուգ մաշկի վրա։ Բացի այդ՝ այն շատ լավ համադրվում է այլ գույների հետ:

Green Flash –կանաչ շող

Եվ այս՝ սեզոնի վերջին երանգը կանաչ շողն է։ Երանգ, որի անվանումն արդեն իսկ շատ բան է ասում: Այս երանգը ճառագում է լույս և այնքան կյանք է պարունակում, որ չէր կարող չմտնել այս ցուցակի մեջ:

Այսպիսինն են 10 ամենանորաձև գույները գարուն-ամառ 2016-ի համար: Դիզայներները խորհուրդ են տալիս օգտագործել դրանք տարբեր աքսեսուարներում, ինչպես նաև մատնահարդարման և դիմահարդարման մեջ:

Աղբյուր՝ LADYNEWS.am