Մայլի Սայրուսը պատրաստվում է ամուսնանալ

ԼԱՅՖ 14 Հունվար, 2016 23:34

Արևմտյան ԶԼՄ-ները պնդում են, որ 23-ամյա երգչուհի Մայլի Սայրուսը ու 26-ամյա դերասան Լիամ Հեմսվորթը նորից միասին են: Ավելին, զույգը, հնարավոր է, որ մոտ ապագայում նորից նշանադրվի:

Հիշեցնենք, որ ամուսնանալու սիրահարների առաջին փորձն ավարտվել էր անհաջողությամբ: Դա տեղի էր ունեցել 2013-ին, սակայն սիրահարները որոշել են փորձել նորից ամեն ինչ սկսել:

Ավելի վաղ հայտնի է դարձել, որ Մայլին Սուրբ ծնունդն ու Նոր տարին դիմավորել է Հեմսվորթի ընտանիքի հետ Ավստրալիայում:

Աղբյուրների տեղեկություններով՝ աղջիկը նորից հմայել է Լիամին ու նրա հարազատներին: Զույգին նաև նկատել են միասին երաժշտական փառատոնի ժամանակ, որտեղ նրանք համբուրվել են ու գրկախառնվել:

Հունվարի 10-ին Մայլիին ու Լիամին միասին տեսել են «Ոսկե գլոբուսի» երեկույթին համբուրվելիս:

«Նրանք արդեն քննարկում են հարսանիքը: Մայլին ասում է, որ չի կարող սպասել այն օրվան, երբ կդառնա միսիս Հեմսվորթ ու ցանկանում է որքան հնարավոր է շուտ ամուսնանալ: Հնարավոր է, հանդիսությունը տեղի ունենա արդեն գարնանը: Նա մեծ արարողություն է ուզում»,- ասում է աղբյուրը, որը տեղյակ է զույգի հարաբերություններից:
Հայտնի է, որ զույգը սկսել է հանդիպել գարնանը՝ Մայլիի Milky Milky Milk շրջագայությունից հետո: Համերգներից հետո Մայլին ուղևորվեց Ավստրալիա՝ Լիամին տեսնելու համար: Դրանից հետո սիրավեպը նորից վերսկսվել էր:
Հիշեցնենք, որ սիրահարները սկսել էին հանդիպել 2009 թվականից: Նրանք ծանոթացել են «Վերջին երգը» (The Last Song) ֆիլմի նկարահանման ժամանակ:

СМИ: Майли Сайрус и Лиам Хемсворт собираются пожениться