Անչափ երջանիկ եմ. «ԴոՄիՆո» սիթքոմի դերասանուհի Ելենա Վարդանյանը` ստեղծագործական ու անձնական կյանքի մասին

Վառ եւ գեղեցիկ արտաքինով եւ դերերով հայտնի դերասանուհի Ելենա Վարդանյանին հեռուստադիտողը վերջին շրջանում տեսնում է «ԴոՄիՆո» սիթքոմում: Նելլի Վարդանովնային այդպես էլ չի հաջողվում գերել Նորիկին, բայց փոխարենը նրան մարմնավորող Ելենա Վարդանյանը, համոզված ենք, արդեն հասցրել է գերել բազմաթիվ հեռուստադիտողների սրտերը:

NEWS.am STYLE-ը զրուցել է Ելենայի հետ իր ստեղծագործական եւ անձնական նորություններից: Զզրույցի մանրամասները ներկայացնում ենք ձեր ուշադրությանը:

-Ելենա միշտ համարձակ եւ աչքի ընկնող վառ կերպարների եք մարմնավորում: Հեռուստադիտողն էլ հաճախ է նույնացնում կերպարին եւ դերասանին. Ձեզ նման համեմատությունները չե՞ն անհանգտացնում:

-Անկեղծ ասած` առօրյա կյանքում միայն բարություն եւ հարգանք եմ ստանում իմ երկրպագուներից: Բնական է, որ իմ վառ կերպարները ոմանց կարող են թյուրիմացության մեջ գցել, բայց ես որոշակի դերասանական խորամանկությունների եմ դիմում եւ կարծում եմ` դա ինձ օգնում է հասնել նրան, որ իմ հանդիսատեսը ոչ թե քննադատի իմ կերպարներին, այլ ինձ հետ միասին զվարճանա նրանց խաղով:

-«ԴոՄիՆո» սիթքոմում մարմնավորում եք Նելլի Վարդանովնային: Կարծես թե` սիթքոմի առաջին եթերաշրջանը մոտեցավ ավարտին: Արդյո՞ք Ձեր կերպարին կտեսնենք նաեւ սիթքոմի շարունակության մեջ:

-«ԴոՄիՆո» նախագիծը իսկապես շատ լավը ստացվեց: Ինչ վերաբերում է դրա հետագա ընթացքին եւ իմ մասնակցությանը, միայն կարող եմ ասել` կապրենք, կտեսնենք:)

-Իսկ նոր նախագծերում նկարահանվելու առաջարկներ դեռեւս չունե՞ք:

-Բավականին շատ առաջարկներ ունեմ, որոնք հաճույքով աչքի եմ անցկացնում: Իհարկե, առաջիկայում ինձ այլ նախագծերում էլ կտեսնեք:

-Ձեզ հաճախ համեմատում են Մերլին Մոնրոյի հետ: Որպես դերասանուհի` նա որեւէ ազդեցություն ունի՞ Ձեզ վրա:

-Ոչ, նա ինձ վրա ոչ մի ազդեցություն չունի, բայց ինձ համար հաճելի է նման համեմատությունը, քանի որ ես Մերլինին գեղեցիկ կին եմ համարում եւ միգուցե մենք արտաքին նմանություն ունենք: Առհասարակ 50-60-ականների հոլիվուդյան դերասանուհիների խաղն ինձ մոտ հիացմունք է առաջացնում: Հարգում եմ Ավա Գարդներին, Ռիտա Հեյվորտին, Գրետա Գարբոյին, Մերլին Մոնրոյին եւ մյուսներին: Նրանց տաղանդը մեծ հետք է թողել կինորատադրության պատմության մեջ:

-Բավականին յուրահատուկ արտաքին ունեք: Կխոսե՞ք Ձեր արմատների մասին:

-Ծնվել եմ իմ սիրելի Երեւանում: Ծնողներս էլ հայ են, այնպես որ` բացի հայկականից, այլ արմատներ չունեմ:)

-Իսկ ի՞նչ է կատարվում Ձեր անձնական կյանքում: Ունե՞ք սիրելի անձնավորություն:

-Այո, ունեմ սիրելի անձնավորություն եւ անչապ երջանիկ եմ անձնական կյանքում:)

Աղբյուրը՝  NEWS.am STYLE