Այս 10 խորամանկությունների մասին պետք է իմանա ցանկացած կին (լուսանկարներ)

Անշուշտ, բոլորի կյանքում են պատահել այնպիսի դեպքեր, երբ հագուստի վրա գինի է թափվում, կոճակն է անսպասելիորեն պոկվում կամ էլ նոր գնած կոշիկը ոտքին նեղ է լինում:

Այսպիսի տհաճությունների պատճառով սիրած իրերից բաժանվելու ու դրանք մի կողմ նետելու փոխարեն Blog.1in.am-ն առաջարկում է 10 օգտակար խորհուրդ, որոնց կիրառման դեպքում  վնասված հագուստն ու կոշիկները «2-րդ կյանք» կստանան:

1. Տհաճ լաքաները կարելի է հեռացնել կիտրոնի հյութի կամ սննդային սոդայի միջոցով:

2. Որպեսզի հագուստը չէլեկտրականանա, հարկավոր է այն հակառակ կողմից շփել չոր անձեռոցիկով:

3. Թեթև ճմռթվածությունը կարելի է ուղղել մազերի արդուկի միջոցով:

4. Բաց գույնի հագուստի վրայից տոնային քսուքի հետքերից կարելի է ազատվել սափրվելու համար նախատեսված փրփուրի միջոցով:

5. Նեղ կոշիկները կարելի է մի քիչ լայնացնել` դրանց մեջ դնելով ջրով լի փաթեթներ ու դրանք մի ամբողջ գիշեր թողնելով սառցարանում:

6. Կարմիր գինու հետքը վերացնելու համար դրա վրա սպիտակ գինի ու սոդա լցրեք: Այնուհետև հագուստը թողեք 2-3 ժամ ու լվացեք:


7. Երկարաճիտ կոշիկների ձևը պահպանելու համար դրանց մեջ կլորացված ամսագրեր դրեք:

8. Մազի լաքի միջոցով կարելի է հագուստի վրայից հեռացնել կարմիր շրթներկի հետքերը:

9. Եթե կորել է ականջօղի հետևի ամրակը, այն փոխարինեք մատիտի վրա եղած ռետինով:

10. Մաշած հագուստի վրայից գործվածքի գնդիկները հեռացրեք սափրիչի միջոցով: